സ്റ്റീവനേജ്: സർഗം സ്റ്റീവനേജ് മ്യൂസിക് ആൻഡ് ഡിജെ നൈറ്റ് സംഘടിപ്പിച്ചു. ഓവൽ കമ്യൂണിറ്റി സെന്ററിലാണ് പരിപാടി നടന്നത്. കാർത്തിക് ഗോപിനാഥ്, ആനി അലോഷ്യസ്, അൻവിൻ കെടാമംഗലം, രാജീവ് രാജശേഖരൻ, ഡോ. രാംകുമാർ ഉണ്ണികൃഷ്ണൻ, സജിത്ത് വർമ, നിധിൻ ശ്രീകുമാർ, ഡോ. ആശ നായർ എന്നിവർ ഗാനങ്ങൾ ആലപിച്ചു.
സർഗം സ്റ്റീവനേജിലെ ഗായകരും യുകെയിൽ വിവിധ വേദികളിൽ ഗാനാലാപനത്തിലൂടെ ശ്രദ്ധേയരുമായ ജെസ്ലിൻ വിജോ, ബോബൻ സെബാസ്റ്റ്യൻ, ഹെൻട്രിൻ ജോസഫ്, ടാനിയ അനൂപ്, ഡോ. ആരോമൽ, നിസി ജിബി, ഡോ. അബ്രാഹം സിബി തുടങ്ങിയർ ശബ്ദ മാധുര്യം കൊണ്ടും ആലാപന മികവ് കൊണ്ടും സംഗീതനിശയിൽ വർണവിസ്മയം തീർക്കുകയായിരുന്നു.
സജീവ് ദിവാകരൻ ലൈറ്റ് & സൗണ്ടിനു നേതൃത്വം നൽകി. ടെസി ജെയിംസ് അവതാരകയായും തിളങ്ങി. ബ്രയാൻ ജെയിംസ് സംഗീതവേദിയെ കാമറയിൽ ഒപ്പിയെടുത്തു.
സർഗം കമ്മിറ്റി ഭാരവാഹികളായ ജെയിംസ് മുണ്ടാട്ട്, ഹരിദാസ് തങ്കപ്പൻ, അലക്സാണ്ടർ തോമസ്, നന്ദു കൃഷ്ണൻ, പ്രവീൺ തോട്ടത്തിൽ, ചിന്ദുആനന്ദൻ, വിൽസി പ്രിൻസൺ എന്നിവർ സർഗം സ്റ്റീവനേജ് ഒരുക്കിയ കോംപ്ലിമെന്ററി സംഗീത നിശയ്ക്ക് സംഘാടകത്വം വഹിച്ചു.
ഗായകർക്കുള്ള ഭക്ഷണവും മറ്റും കറി വില്ലേജ് ആണ് സ്പോൺസർ ചെയ്തത്. ബാനർ തയാറാക്കി എത്തിക്കുന്നതിൽ ജോണി കല്ലടാന്തി നേതൃത്വം നൽകി. സർഗം പ്രസിഡന്റ് അപ്പച്ചൻ കണ്ണഞ്ചിറയുടെ നന്ദി പ്രകാശനത്തോടെ സംഗീതരാവിന് സമാപനമായി.
|