Deepika.com Nri News :സർക്കാർ രൂപീകരണത്തിനുള്ള ഒരുക്കങ്ങൾ തുടങ്ങി ട്രംപ്; സത്യപ്രതിജ്ഞ ജനുവരിയിൽ.......

Americas

സർക്കാർ രൂപീകരണത്തിനുള്ള ഒരുക്കങ്ങൾ തുടങ്ങി ട്രംപ്; സത്യപ്രതിജ്ഞ ജനുവരിയിൽ

Back To NRI Home Forward This News Click here for detailed news of all items

വാഷിംഗ്ടൺ ഡിസി: യുഎസ് പ്രസിഡന്‍റായി വീണ്ടും തെരഞ്ഞെടുക്കപ്പെട്ട ഡോണൾഡ് ട്രംപ് സർക്കാർ രൂപവത്കരണത്തിനുള്ള നടപടികൾ ആരംഭിച്ചു. ജനുവരി 20നാണ് ട്രംപിന്‍റെ സത്യപ്രതിജ്ഞ. വരും ദിവസങ്ങളിൽ കാബിനറ്റ് അംഗങ്ങളെ അദ്ദേഹം നിശ്ചയിക്കും.

തെരഞ്ഞെടുപ്പു പ്രചാരണത്തിൽ പ്രധാന പങ്കുവഹിച്ച സൂസി വൈൽസിനെ ട്രംപ് വൈറ്റ്ഹൗസിന്‍റെ ചീഫ് ഓഫ് സ്റ്റാഫ് ആക്കുമെന്നു സൂചനയുണ്ട്. മുൻ ആഭ്യന്തര നയ ഉപദേഷ്ടാവ് ബ്രൂക് റോളിൻസിനെയും ഈ പദവിയിലേക്കു പരിഗണിക്കുന്നുണ്ട്.

മുൻ സിഐഎ ഡയറക്ടറും ഒന്നാം ട്രംപ് ഭരണത്തിൽ സ്റ്റേറ്റ് സെക്രട്ടറിയുമായിരുന്ന മൈക്ക് പോംപിയോ പ്രതിരോധ വകുപ്പിന്‍റെ മേധാവിയായേക്കാം. നയതന്ത്രവിദഗ്ധൻ റിക് ഗ്രെനെല്ലിനു ദേശീയ സുരക്ഷാ ഉപദേഷ്ടാവ് പദവിയോ സ്റ്റേറ്റ് സെക്രട്ടറിസ്ഥാനമോ ലഭിച്ചേക്കും.

കെന്നഡി കുടുംബത്തിന്‍റെ പാരന്പര്യം പേറുന്ന റോബർട്ട് എഫ്. കെന്നഡി ജൂണിയറിന് ആരോഗ്യവകുപ്പിൽ പ്രധാന പദവി നല്കുമെന്ന സൂചന ട്രംപ് നല്കിയിട്ടുണ്ട്.

കോവിഡ് അടക്കമുള്ള രോഗങ്ങൾക്കുള്ള വാക്സിനുകളെക്കുറിച്ച് വ്യാജപ്രചാരണം നടത്തിയിട്ടുള്ളയാളാണ് കെന്നഡി ജൂണിയർ. ലോകത്തിലെ ഒന്നാം നന്പർ സന്പന്നൻ ഇലോൺ മസ്കിന് കാബിനറ്റിതര പദവി ട്രംപ് നല്കുമെന്നും സൂചനയുണ്ട്.

ഇതിനിടെ, പ്രസിഡന്‍റ് തെരഞ്ഞെടുപ്പിൽ ട്രംപിന്‍റെ എതിരാളിയും യുഎസ് വൈസ് പ്രസിഡന്‍റുമായ കമലാ ഹാരിസ് പരാജയം സമ്മതിച്ചു. അധികാരക്കൈമാറ്റത്തിൽ ട്രംപിനെ സഹായിക്കുമെന്ന് കമല വ്യക്തമാക്കി.

വോട്ടെണ്ണൽ അന്തിമഘട്ടത്തിലേക്കടുക്കുന്പോൾ ഇലക്‌ടറൽ കോളജിലെ 538 വോട്ടുകളിൽ 294ഉം ട്രംപ് സ്വന്തമാക്കി. കമലയ്ക്ക് 223 വോട്ടുകളാണു ലഭിച്ചത്. നെവാഡ, അരിസോണ സംസ്ഥാനങ്ങളിലെ ഫലമാണ് വരാനുള്ളത്.

94 ശതമാനം വോട്ടുകളെണ്ണിയ നെവാഡയിലും 70 ശതമാനം വോട്ടുകളെണ്ണിയ അരിസോണയിലും ട്രംപിന് 50 ശതമാനത്തിനു മുകളിൽ വോട്ടുണ്ട്.

ഐക്യരാഷ്ട്രസഭയിലെ യുഎസ് അംബാസഡറായി എലീസ് സ്റ്റെഫാനിക്കിനെ ട്രംപ് നിയമിച്ചു.

വാഷിംഗ്ടണ്‍: നിയുക്ത പ്രസിഡന്‍റ് ഡോണൾഡ് ട്രംപ്, ദീർഘകാല സഖ്യകക്ഷിയും ഹൗസ് റിപ്പബ്ലിക്കൻ കോൺഫറൻസിന്‍റെ നിലവിലെ ചെയർ

സിഐഎയെ നയിക്കാൻ മുൻ ഡാളസ് ഏരിയ പ്രതിനിധി ജോൺ റാറ്റ്ക്ലിഫ്.

ഡാളസ് : സിഐഎയെ നയിക്കാൻ ഡാളസിൽ നിന്നുള്ള മുൻ ടെക്സസ് കോൺഗ്രസ് അംഗം ജോൺ റാറ്റ്ക്ലിഫിനെ ട്രംപ് തെരഞ്ഞെടുത്തു.

മെഡികെയർ പാർട്ട് ബി പ്രീമിയങ്ങളിൽ വർധന.

ന്യൂയോർക്ക് : മെഡികെയർ പാർട്ട് ബി ഉള്ള മുതിർന്ന പൗരന്മാർ അടുത്ത വർഷം ആരോഗ്യ സംരക്ഷണത്തിനായി കൂടുതൽ പണം നൽകേണ്ടിവ

ഇസ്രയേലിലെ യുഎസ് അംബാസഡറായി മൈക്ക് ഹക്കബിയെ തെരഞ്ഞെടുത്തു ഡോണൾഡ് ട്രംപ്.

വാഷിംഗ്ടൺ : അർക്കെൻസ മുൻ ഗവർണർ മൈക്ക് ഹക്കബിയെ ഇസ്രയേലിലെ യുഎസ് അംബാസഡറായി തെരഞ്ഞെടുത്ത് നിയുക്ത പ്രസിഡന്‍റ് ഡോണൾഡ

സര്‍ക്കാരിന്‍റെ കാര്യക്ഷമത വര്‍ധിപ്പിക്കൽ: വിവേക് രാമസ്വാമിയ്ക്കും ഇലോണ്‍ മസ്കിനും നിർണായക ചുമതല.

വാഷിംഗ്ടൺ: ടെസ്‍ല സിഇഒ ഇലോണ്‍ മസ്കിനും ഇന്ത്യൻ വംശജനും സംരംഭകനുമായ വിവേക് രാമസ്വാമിക്കും ട്രംപ് ഭരണത്തിൽ നിര്‍ണായക