അബുദാബി: അബുദാബി കെഎംസിസി അഴീക്കോട് മണ്ഡലം കമ്മിറ്റിയുടെ കായിക വിഭാഗം സ്പോർട്ടിംഗ് അഴീക്കോട് ദഹർ ടൂർസിന്‍റെ സഹകരണത്തോടെ സംഘടിപ്പിക്കുന്ന അഴീക്കോട് സോക്കർ ചാമ്പ്യൻസ് രണ്ടാം സീസൺ ഈ മാസം 16ന് അബുദാബി 321 സ്പോർട്സ് സ്റ്റേഡിയം ഹുദൈരിയാത്തിൽ വെച്ച് നടക്കും.
യുഎഇയിലെ 16 ടീമുകൾ മാറ്റുര‌യ്ക്കുന്ന ഫുട്ബോൾ ടൂർണമെന്‍റിന് പുറമെ, അണ്ടർ 14 ഫുട്ബോൾ മത്സരം, പുഡിംഗ് കോമ്പറ്റീഷൻ, കാലിഗ്രഫി, ക്വിസ് മത്സരങ്ങൾ തുടങ്ങിയവയും ഒരുക്കുന്നുണ്ട്. പരിപാടിയുടെ ലോഗോ പ്രകാശനം അബുദാബി ഇസ്‌ലാമിക് സെന്‍ററിൽ വച്ച് മുസ്‌ലിം ലീഗ് സംസ്ഥാന സെക്രട്ടറി കെ.എം. ഷാജി നിർവഹിച്ചു.
അബുദാബി കെഎംസിസി സംസ്ഥാന സെക്രട്ടറി ഇ.ടി. മുഹമ്മദ്‌ സുനീർ, ജില്ലാ സെക്രട്ടറി ആഷിഖ് കെ. എം, മണ്ഡലം നേതാക്കളായ സക്കീർ കൈപ്രത്ത്, സവാദ് നാറാത്ത്, ഫാറൂഖ് പുഴാതി , മുഹമ്മദലി സി.എച്ച്, ഹാരീഫ് എം.കെ, സജീർ എം.കെ.പി ,അബ്ദുള്ള എം.വി, സി.ബി. റാസിക്, നൗഷാദ് കുട്ടി, സുഹൈൽ കല്ലയ്ക്കൽ, ഇബ്രാഹിം വളപട്ടണം, ജാസിബ് അലവിൽ, ശംസു പുഴാതി തുടങ്ങിയവർ പങ്കെടുത്തു.
|