Deepika.com Nri News :സുജാ തോമസിന് കേരള സെന്‍ററിന്‍റെ നഴ്സിംഗ് ലീഡർഷിപ് അവാർഡ്.......

Americas

സുജാ തോമസിന് കേരള സെന്‍ററിന്‍റെ നഴ്സിംഗ് ലീഡർഷിപ് അവാർഡ്

Back To NRI Home Forward This News Click here for detailed news of all items

ന്യൂയോർക്ക്: നഴ്സിംഗ് ലീഡർഷിപ്പിനുള്ള ഈ വർഷത്തെ കേരള സെന്‍റർ അവാർഡ് നാഷണൽ അസോസിയേഷൻ ഓഫ് ഇന്ത്യൻ നഴ്സസ് ഓഫ് അമേരിക്ക(നൈന) പ്രസിഡന്‍റ് സുജാ തോമസിനു ലഭിച്ചു.

അമേരിക്കൻ ഐക്യനാടുകളിൽ ഏറ്റവും വലിയ നഗരം മുതൽ വളരെ ചെറിയ പട്ടണങ്ങൾ വരെ എല്ലാ തരത്തിലുമുള്ള ആരോഗ്യപരിപാലന സ്ഥാപനങ്ങളിൽ സേവനം ചെയ്യുന്ന ഇന്ത്യൻ വംശക്കാരായ നഴ്സുമാരുടെ അവകാശങ്ങൾക്കും ഔദ്യോഗിക വികസനത്തിനും അഭിഭാഷണത്തിനുള്ള അന്വർഥമായ പ്രകടനമായിരുന്നു ഈ അവാർഡ്.

ഒരു നഴ്സ് എന്ന നിലയിൽ സ്വന്തം പ്രഫഷനോടുള്ള കാഴ്ചപ്പാട് വർധിപ്പിക്കുന്നതിനും ഇന്ത്യൻ നഴ്സുമാരുടെ അഭിവൃദ്ധിക്കും സമൂഹത്തിന്‍റെ തന്നെ മൊത്തത്തിലുള്ള ആരോഗ്യത്തിനും വേണ്ടി സ്വയം സമർപ്പിച്ചുകൊണ്ടിരിക്കുന്ന സുജ തോമസിനു ലഭിച്ച കേരള സെന്‍റർ അവാർഡ് തികച്ചും യുക്തം.

വിദേശത്തു പഠിച്ച നഴ്സുമാരുടെ വിദ്യാഭ്യാസം അവലോകനം ചെയ്ത് അംഗീകരിക്കുന്ന സിജിഎഫ്എൻഎസിന്‍റെ അലയൻസ് ഫോർ എത്തിക്കൽ ഇന്‍റർനാഷണൽ റിക്രൂട്ട്മെന്റ് ബോർഡ് ഓഫ് ഗവർണേഴ്സ് അംഗം കൂടിയാണ് സുജ തോമസ്.

ഈ നിലയിൽ സുജ നഴ്സിംഗിലും അനുബന്ധ പ്രഫഷനലുകളിലുമുള്ള പന്ത്രണ്ടു പ്രഗത്ഭരായ പ്രൊഫെഷണൽമാരോടൊപ്പം ഉത്തരവാദിത്വപൂർണവും സുതാര്യവുമായ വിധം വിദേശത്തുനിന്ന് അമേരിക്കയിലേക്കുള്ള നിയമന സംവിധാനം രൂപപ്പെടുത്തുന്നതിന് ഉത്തരവാദിയാണ്.

ഗവേഷണത്തിലധിഷ്ഠിതമായ അറിവു വഴി വിദേശത്തു നിന്ന് അമേരിക്കയിൽ എത്താൻ ശ്രമിക്കുന്ന പതിനായിരക്കണക്കിനു നഴ്സുമാർക്കും ബന്ധപ്പെട്ട പ്രഫഷണലുകൾക്കും ഉപാകാരപ്രദവും നൈനയുടെ പ്രസിഡന്‍റ് സാരഥ്യത്തിൽ കഴിഞ്ഞ വർഷവും ഈ വർഷവും ദേശീയ തലത്തിൽ ഷിക്കാഗോയിലും ന്യൂയോർക്ക് ആൾബനിയിലും വിജയകരമായി സംഘടിപ്പിക്കുന്നതിന് ചുക്കാൻ പിടിക്കുകയുണ്ടായി.

വൈസ് പ്രസിഡന്‍റ് കമല ഹാരിസ്, സർജൻ ജനറൽ വിവേക് മൂർത്തി, ന്യൂ യോർക്ക് ഗവർണർ കാത്തി ഹോകുൾ എന്നിവരുടെ പ്രതിപത്തിയും ആശംസകളും നേടാൻ ഈ സമ്മേളനങ്ങളുടെ നേതൃത്വത്തിലൂടെ സുജയ്ക്കു കഴിഞ്ഞു.

ആൾബനിയിലെ സാമുവേൽ സ്ട്രാട്ടൻ വി എ മെഡിക്കൽ സെന്ററിൽ ക്ലിനിക്കൽ ലീഡ്/അഡ്മിനിസ്ട്രേറ്റർ ആയി സേവനമനുഷ്ഠിക്കുന്ന സുജ മംഗളൂരിലെ ഫാ. മുള്ളേഴ്സ് കോളേജ് ഓഫ് നഴ്സിങ്ങിൽ നിന്ന് ബിരുദം നേടി. ന്യൂ യോർക്ക് ട്രോയ് റസ്‌സൽ സേജ് കോളജിൽ നിന്ന് മാസ്റ്റേഴ്സ് ബിരുദവും അഡൾട് ജെറോന്റോളോജി പ്രൈമറി കെയർ നഴ്സ് പ്രാക്ടീഷണർ ബിരുദവും കരസ്ഥമാക്കിയിട്ടുണ്ട്.

മിന്നെസോട്ട മെട്രോപൊളിറ്റൻ യൂണിവേഴ്സിറ്റി വഴി വൂണ്ട്, ഓസ്റ്റമി, കോണ്ടിനെൻസ് നഴ്സ് ആയി അമേരിക്കൻ നാഷണൽ ക്രെഡന്ഷ്യലിംഗ് സെന്‍ററിന്‍റെ സർട്ടിഫിക്കറ്റും സുജ തന്റെ ബിരുദങ്ങളിൽ ചേർത്തു.

മണിപ്പാൽ അക്കാദമി ഓഫ് ഹയർ എജുകേഷനിൽ അസിസ്റ്റന്‍റ് ലക്ച്ചറർ ആയി പഠിപ്പിച്ച സുജ ഇപ്പോൾ അവിടെയും ആൾബനിയിലെ മരിയ കോളേജിലും ആഡ്ജംക്ട് ഫാക്കൽറ്റിയായി തുടരുന്നു. ഇപ്പോൾ പിഎച്ചഡി ബിരുദത്തിനുള്ള തയാറെടുപ്പിന്‍റെ മധ്യത്തിലാണ്.

കമ്യൂണിറ്റി സേവനത്തെയും വിശിഷ്ടമായ അക്കാദമിക് പ്രകടനത്തെയും വിലമതിച്ചുകൊണ്ട് യൂണിവേഴ്സിറ്റി അറ്റ് ബഫലോ സുജയ്ക്ക് 2024 25 അക്കാദമിക് വർഷത്തെ ആർതർ അൽഫോൻസോ ഷോംബർഗ് ഫെല്ലോഷിപ്പ് നൽകി ബഹുമാനിക്കുകയുണ്ടായി.

വിദ്യാഭ്യാസ സ്ഥാപനങ്ങളിൽ ആഡ്ജംക്ട് ഫാക്കൽറ്റിയായി നഴ്സിംഗ് വിദ്യാർഥികൾക്ക് ശിക്ഷണം നല്കുമ്പോളും വ്യക്തികൾക്കും കുടുംബങ്ങൾക്കും സമൂഹത്തിനും മെച്ചപ്പെട്ട ഫലമുണ്ടാക്കുന്ന നഴ്സിംഗ് ഇടപെടലുകളാണ് സുജ മുന്നിൽ കാണുന്നത്.

നഴ്സിംഗ് ലീഡർഷിപ്പ് അവാർഡിനോടൊപ്പം സുജയ്ക്കു സെനറ്റർ കെവിൻ തോമസിൽനിന്നും ടൌൺ ഓഫ് ഹെമ്പ്സ്റ്റഡിൽ നിന്നും ന്യൂ യോർക്ക് അസ്‌സെംബ്ലി വുമൺ മിഷേൽ സോളജിസിൽ നിന്നും പ്രൊക്ലമേഷനുകളും ലഭിച്ചു.

ഇന്ത്യയിൽ മതന്യൂനപക്ഷങ്ങൾ നേരിടുന്ന പീഡനത്തിൽ ആശങ്ക പ്രകടിപ്പിച്ച് ക്രിസ്ത്യൻ വാർഷിക ഐക്യ സമ്മേളനം.

നാഷ്‌വിൽ: യുഎസിലെ 30 ദശലക്ഷം വിശ്വാസികളെ പ്രതിനിധീകരിക്കുന്ന 37 അംഗ ക്രിസ്ത്യൻ കൂട്ടായ്മകളുടെ പരമോന്നത സംഘടനയായ ന

പരമേശ്വരൻ നായർ ഡാളസിൽ അന്തരിച്ചു.

ഡാളസ് (ടെക്സസ്): പ്രമുഖ സമൂഹ പ്രവർത്തകനും കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ മുൻ ട്രഷററുമായിരുന്ന പരമേശ്

ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ.

ബെൻസേലം: മലങ്കര ഓർത്തോഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ നാമധേയത്ത

യുഎസ് പ്രസിഡന്‍റ് തെരഞ്ഞെടുപ്പ്: കടന്നാക്രമിച്ച് ഡോണൾഡ് ട്രംപും കമല ഹാരിസും.

ന്യൂയോർക്ക്: പ്രായം തിരിച്ചറിവിനെ ബാധിച്ചിട്ടില്ലെന്ന് തെളിയിക്കുവാൻ ഒരു തിരിച്ചറിയൽ പരീക്ഷ സ്വയം നടത്തണമെന്ന മുൻ പ്

വൈഎംഇഎഫ് ഡാളസ് ഒരുക്കുന്ന ഗാനസന്ധ്യ ഞായറാഴ്ച.

കാരോൾട്ടൻ(ഡാളസ്): വൈഎംഇഎഫ് ഒരുക്കുന്ന ഗാനസന്ധ്യ ഞായറാഴ്ച(നവംബർ മൂന്ന്) വെെകുന്നേരം ആറിന് കാരോൾട്ടൻ ബിലീവേഴ്സ് ബൈ