അബുദാബി: മണ്ണാർക്കാട് നിയോജക മണ്ഡലം കെഎംസിസി സംഘടിപ്പിച്ച സെവൻസ് ഫുട്ബോൾ ടൂർണമെന്‍റിൽ ആർഡൺ യൂണിവേഴ്സിറ്റി ജേതാക്കളായി. മുസഫ യൂണിവേഴ്സിറ്റി സ്‌റ്റേഡിയത്തിൽ നടന്ന മത്സരത്തിൽ 16 ടീമുകൾ മാറ്റുരച്ചു.
കലാശപ്പോരാട്ടത്തിൽ മറുപടിയില്ലാത്ത രണ്ട് ഗോളുകൾക്ക് ടീം ഫെയ്മസിനെ പരാജയപ്പെടുത്തിയാണ് ആർഡൺ യൂണിവേഴ്സിറ്റി ജേതാക്കളായത്. മക്തൂം എഫ്സി, അബുദാബി തൃത്താല കെഎംസിസി ടീമുകൾ യഥാക്രമം മൂന്നും നാലും സ്ഥാനങ്ങൾ നേടി.
പ്ലയർ ഓഫ് ദ ടുർണമെന്‍റ് അവാർഡിന് മുഹമ്മദ് അഫ്സലും ടോപ് സ്കോററായി അർജുൻ മാധവും മികച്ച ഗോൾകീപ്പറായി സാബിത്തും ബെസ്റ്റ് ടീം മാനേജറായി നാസറും തെരെഞ്ഞെടുക്കപ്പെട്ടു.
സംസ്ഥാന ഭാരവാഹികളായ യൂസഫ് മാട്ടൂൽ, പി.കെ. അഹമ്മദ്, അഷ്റഫ് പൊന്നാനി, റഷീദ് പട്ടാമ്പി, ഹംസ നടുവിൽ, ബാസിത് കായക്കണ്ടി, അനീസ് മങ്ങാട്, ഷറഫുദ്ധീൻ കുപ്പം, അൻവർ ചുള്ളിമുണ്ട, ഷാനവാസ് പുളിക്കൽ, ഹനീഫ് പടിഞ്ഞാർമൂല, സംസ്ഥാന പ്രവർത്തക സമിതി അംഗങ്ങളായ മജീദ് അണ്ണാൻതൊടി, അഹമ്മദ് കുട്ടി കപ്പൂർ, ഷംസുദ്ധീൻ കോലോത്തൊടി, മുത്തലിബ് അരയാലൻ എന്നിവർ സംസാരിച്ചു.
മണ്ണാർക്കാട് നിയോജക മണ്ഡലം ഭാരവാഹികളായ ഹുസൈൻ കിഴക്കേതിൽ, സുഹൈൽ മാളിക്കുന്ന്, ജാബിർ ആമ്പാടത്ത്, അബ്ദുൽ റഹ്മാൻ തെങ്കര, ആഷിദ് ഷാ ചങ്ങലീരി, മൊയ്തീൻകുട്ടി പൂവ്വക്കോടൻ, അനസ് മോൻ പോത്തൻ, ബഷീർ കോലോത്തൊടി, സലീം അച്ചിപ്ര ശബീർ നായാടിക്കുന്ന് എന്നിവർ മത്സരത്തിന് നേതൃത്വം നൽകി.
|