Deepika.com Nri News :സ്റ്റാറ്റൻ ഐലൻഡിൽ വാഴ്ത്തപ്പെട്ട കുഞ്ഞച്ചന്‍റെ തിരുനാൾ ഞായറാഴ്ച.......

Americas

സ്റ്റാറ്റൻ ഐലൻഡിൽ വാഴ്ത്തപ്പെട്ട കുഞ്ഞച്ചന്‍റെ തിരുനാൾ ഞായറാഴ്ച

Back To NRI Home Forward This News Click here for detailed news of all items

ന്യൂയോർക്ക്: അമേരിക്കയിലെ ഷിക്കാഗോ രൂപതയുടെ കീഴിൽ, സ്റ്റാറ്റൻ ഐലൻഡിലെ ബ്ലെസ്ഡ് കുഞ്ഞച്ചൻ സീറോമലബാർ കാത്തലിക്ക് മിഷനിൽ ഇടവക മധ്യസ്ഥന്‍റെ തിരുനാൾ ഞായറാഴ്ച ആഘോഷപൂർവം കൊണ്ടാടുന്നു.

അധഃസ്ഥിതരുടെയും അശരണരുടെയും പാവപ്പെട്ടവരുടെയും ഉന്നമനത്തിനായി തന്‍റെ ശ്രേഷ്ഠ വൈദീക ജീവിതം ഉഴിഞ്ഞുവയ്ക്കുകയും ദളിതർക്കിടയിലെ പ്രമുഖ മിഷനറിമാരിൽ ഒരാളായി ഗണിക്കപ്പെടുകയും ജീവകാരുണ്യ പ്രവർത്തനങ്ങളിലൂടെ അനേകർക്ക് ആശ്രയവുമായിരുന്ന വാഴ്ത്തപ്പെട്ട കുഞ്ഞച്ചന്‍റെ തിരുനാൾ സ്റ്റാറ്റൻ ഐലൻഡിൽ ഇത് പതിനേഴാമത് വാർഷികമായാണ് കൊണ്ടാടുന്നത്.

ഞായറാഴ്ച വൈകുന്നേരം നാലിന് ആഘോഷപൂർവമായ തിരുനാൾ കുർബാന ആരംഭിക്കും. തിരുന്നാളിനു മിഷൻ ഡയറക്ടറും വികാരിയുമായ ഫാ.സോജു വർഗീസ് സിഎംഐ നേതൃത്വം വഹിക്കും. തിരുനാൾ കുർബാനയിൽ ഫാ. ജേക്കബ് കിഴക്കേപള്ളിവാതുക്കൽ മുഖ്യ കാർമികത്വം വഹിക്കുകയും ഫാ. സിന്‍റോ കരോട്ടുമലയിൽ തിരുനാൾ സന്ദേശം നൽകുന്നതും ആയിരിക്കും.

വാഴ്ത്തപ്പെട്ട കുഞ്ഞച്ചന്‍റെ രൂപവുമേന്തി നടത്തപ്പെടുന്ന പ്രദക്ഷിണത്തിനു ശേഷം ലദീഞ്ഞ്, തുടർന്ന് സമാപന ആശീർവാദത്തോടെ തിരുന്നാൾ തിരുക്കർമങ്ങൾ സമാപിക്കുന്നതാണ്. വാഴ്ത്തപ്പെട്ട കുഞ്ഞച്ചന്‍റെ തിരുശേഷിപ്പ് വണങ്ങുന്നതിനുള്ള അവസരവും ഉണ്ടായിരിക്കും.

സെന്‍റ് ജോസഫ് റോമൻ കത്തോലിക്കാ ദേവാലയത്തിലെ പാരീഷ് ഹാളിൽ വച്ച് തിരുക്കർമങ്ങൾക്ക് ശേഷം ആകർഷകങ്ങളായ കലാപരിപാടികൾ ഒരുക്കിയിട്ടുണ്ട്. സ്നേഹ വിരുന്നും ക്രമീകരിക്കുന്നുണ്ട്.

ഈ വർഷത്തെ തിരുന്നാൾ തങ്കച്ചൻ മാത്യു കാരക്കാട്ട്, ഷാജി മാത്യു കാരക്കാട്ട് എന്നിവരുടെ കുടുംബാംഗങ്ങളാണ് ഏറ്റെടുത്തു നടത്തുന്നത്.

ആഗോള കത്തോലിക്കാ സഭയുടെ വാഴ്ത്തപ്പെട്ടവരുടെ ഗണത്തിലേക്ക് ഉയർത്തപ്പെട്ട കുഞ്ഞച്ചൻ തേവരുപറമ്പിലിന്‍റെ തിരുനാൾ തിരുക്കർമങ്ങളിൽ പങ്കു ചേരുവാനും കുഞ്ഞച്ചന്‍റെ മധ്യസ്ഥത്തിലൂടെ അനുഗ്രഹങ്ങൾ പ്രാപിക്കുവാനും ഏവരെയും ഇടവക വികാരിയും തിരുനാൾ കമ്മിറ്റിയും സ്നേഹപൂർവം സ്വാഗതം ചെയ്യുന്നതായും അറിയിച്ചു.

Date& Time: October 27, Sunday from 4:00 PM, Venue: ST. JOSEPH CATHOLIC CHURCH, 466 TOMPKINS AVENUE, STATEN ISLAND, NY 10305.

ജോസ് തോമസിന് ഡോ. സർവേപ്പള്ളി രാധാകൃഷ്ണൻ അവാർഡ്.

ഫിലാഡൽഫിയ: ട്രൈസ്റ്റേറ്റ് കേരള ഫോറം ഏർപ്പെടുത്തിയ ഡോ. സർവേപ്പള്ളി രാധാകൃഷ്ണൻ അവാർഡ് ജോസ് തോമസിന്.

ബലാത്സംഗം, കൊലപാതകം: പ്രതികൾക്കു വധശിക്ഷ ‌നൽകുമെന്നു ട്രംപ്.

വാഷിംഗ്ടൺ ഡിസി: ജനുവരി 20ന് അധികാരത്തിലേറുമ്പോൾ അമേരിക്കക്കാരെ അക്രമാസക്തരായ ബലാത്സംഗക്കാർ, കൊലപാതകികൾ എന്നിവ

ഫോമ കുടുംബ കൺവൻഷൻ ഹൂസ്റ്റണിൽ ജൂലൈ 30 മുതൽ.

ഹൂസ്റ്റൺ: ഫോമയുടെ 2026ലെ കുടുംബ കൺവൻഷൻ ജൂലൈ 30, 31, ഓഗസ്റ്റ് ഒന്ന്, രണ്ട് തീയതികളിൽ ഹൂസ്റ്റണിലെ "വിൻഡം' ഹോട്ടലിൽ വച്ച്

ഹൂസ്റ്റൺ എക്യൂമെനിക്കൽ കമ്യൂണിറ്റി ക്രിസ്മസ് കരോൾ സർവീസ് 29ന്.

ഹൂസ്റ്റൺ: ഇന്ത്യൻ ക്രിസ്ത്യൻ എക്യൂമിനിക്കൽ കമ്യൂണിറ്റി ഓഫ് ഹൂസ്റ്റണിന്‍റെ (ഐസിഇസിഎച്ച്) ആഭിമുഖ്യത്തിൽ ക്രിസ്മസ് കരോൾ സ

ഫാ. ജോസ് കണ്ടത്തിക്കുടിയുടെ സംസ്കാരം ജനുവരി നാലിന്.

ന്യൂയോർക്ക്: സീറോമലബാർ സഭയിലെ സീനിയർ വൈദികനും ബ്രോങ്ക്സ് സെന്‍റ് തോമസ് സീറോമലബാർ ഇടവകയുടെ സ്ഥാപക വികാരിയുമായ റവ