അബുദാബി: 32 വർഷത്തെ പ്രവാസജീവിതത്തിന് വിരാമമിട്ട് നാട്ടിലേക്ക് യാത്ര തിരിക്കുന്ന അബ്ബാസ് മൗലവിക്ക് അബുദാബി പാലക്കാട് ജില്ല കെഎംസിസി യാത്രയയപ്പ് നൽകി. ജില്ലാ കെഎംസിസി പ്രസിഡന്‍റ് ശിഹാബ് കരിമ്പനോട്ടിൽ അധ്യക്ഷത വഹിച്ചു.
അബുദാബി കെഎംസിസി സംസ്ഥാന ജനറൽ സെക്രട്ടറി സി.എച്ച്. യൂസഫ് ഉദ്ഘാടനം ചെയ്തു. സ്റ്റേറ്റ് കെഎംസിസി ആക്ടിംഗ് പ്രഡിഡന്‍റ് റഷീദ് പട്ടാമ്പി, സഹഭാരവാഹികളായ അഷറഫ് പൊന്നാനി, ഇ.ടി.എം. സുനീർ, അൻവർ ചുള്ളിമുണ്ട, ഷാനവാസ്‌ പുളിക്കൽ തുടങ്ങിയവർ സംസാരിച്ചു.
സംസ്ഥാന കെഎംസിസി വർക്കിംഗ് കമ്മിറ്റി അംഗങ്ങളായ അഹമ്മദ് കുട്ടി, ഷംസുദ്ധീൻ കൊലൊത്തൊടി, മുത്തലിബ് അരയാലൻ, ഇസ്‌ലാമിക് സെന്‍റർ ഭാരവാഹികളായ ജാഫർ കുറ്റിക്കോട്, സുനീർ പട്ടാമ്പി, മുൻ ഭാരവാഹികളായ സ്വാലിഹ് വാഫി, നാസർ കുമരനല്ലൂർ എന്നിവർ ആശംസകൾ നേർന്നു.
പാലക്കാട് ജില്ല, മണ്ണാർക്കാട്, പട്ടാമ്പി,കോങ്ങാട്, തൃത്താല, ഷൊർണൂർ, ഒറ്റപ്പാലം മണ്ഡലം കെഎംസിസി, തച്ചനാട്ടുകര പഞ്ചായത്ത്, അണ്ണാൻതൊടി ശാഖ കെഎംസിസി കമ്മിറ്റികൾ ഉപഹാരങ്ങൾ സമർപ്പിച്ചു.
|