അബുദാബി: ജന്മനാടിന്‍റെ മധുരോർമകൾ നിറച്ച അനുഭവങ്ങൾ പകർന്ന് വടകര മഹോത്സവം പരി സമാപിച്ചു. വടകര എൻആർഐ ഫോറമാണ് ഇരുപതാം വാർഷികാഘോഷങ്ങളുടെ ഭാഗമായി അബുദാബിയിൽ മഹോത്സവം ഒരുക്കിയത്.
വടകര പെരുമ വിളിച്ചിച്ചോതുന്ന ഭക്ഷണ സ്റ്റാളുകൾ, തനതു ആയോധന കലയായ കളരി പയറ്റ്, കോൽക്കളി, ഒപ്പന, ദഫ്മുട്ട്, തിരുവാതിര സിനിമാറ്റിക് ഡാൻസ് ഉൾപ്പെടെ നിരവധി പരിപാടികൾ ഒരുക്കിയാണ് മഹോസവത്തിന് കൊടിയിറങ്ങിയത്.
ഇന്ത്യൻ എംബസി കമ്യൂണിറ്റി അഫേഴ്സ് ഫസ്റ്റ് സെക്രട്ടറി ജോർജി ജോർജ് ഉദ്ഘാടനം ചെയ്തു. അബ്ദുൽ ബാസിത് കായക്കണ്ടി അധ്യക്ഷത വഹിച്ചു. കമ്യൂണിറ്റി പോലീസ് മേധാവി ആയിഷ, അബ്ദുൾ റഹ്മാൻ അൽഖാദിരി, വില്യം റുഡോൾഫ് മാരിറ്റിനസ് വിങ്ക് എന്നിവർ മുഖ്യ അതിഥികളാലായി പങ്കെടുത്തു.
രമേശ് റായ്, എ. കെ. ബീരാൻ കുട്ടി, എം.യു. ഇർഷാദ്, സൂരജ്, ഇന്ദ്ര തയ്യിൽ, ബഷീർ ഹാജി കപ്ലിക്കണ്ടി, സുനീത് പാറയിൽ നായർ, രാജേഷ് വടകര, സുരേഷ് കുമാർ, റമൽ എന്നിവർ സംസാരിച്ചു.
ആദർശ്, ബാബു വടകര, ബഷീർ ഇബ്രാഹിം, ബഷീർ അഹ്മദ്, രവീന്ദ്രൻ മാസ്റ്റർ, എൻ കുഞ്ഞമ്മദ്, സുഹ്റ കുഞ്ഞമ്മദ്, പൂർണിമ ജയകൃഷ്ണൻ, യാസർ കല്ലേരി, ജയകൃഷ്ണൻ, റജീദ് പട്ടേരി, സന്ദീപ്, അജിത് ശ്രീജിത്ത്, സിറാജ് ആയഞ്ചേരി, അഖിൽ ദാസ്, രാജേഷ്, അനൂപ്, ലെമിനെ യാസർ, സ്മിത ബിജു, ജിഷ ശ്രീജിത്ത്, ഹഫ്സത് എന്നിവർ പരിപാടിക്ക് നേതൃത്വം നൽകി .
|