കുവൈറ്റ് സിറ്റി: സീറോമലബാർ കൾച്ചറൽ അസോസിയേഷൻ കുവൈറ്റ് (എസ്എംസിഎ) സിറ്റി ഫർവാനിയ ഏരിയയുടെ നേതൃത്വത്തിൽ വിപുലമായ ഓണാഘോഷം സംഘടിപ്പിച്ചു. "ഒന്നിച്ചോണം നല്ലോണം 2024' എന്ന പേരിൽ കബ്ദിൽ വച്ച് നടത്തിയ പരിപാടിയിൽ ഏരിയ ജനറൽ കൺവീനർ ഫ്രാൻസിസ് പോൾ അധ്യക്ഷത വഹിച്ചു.
ഫാ. ജോയി മാത്യു (സിറ്റി കോ കത്തീഡ്രൽ), ഏരിയ സെക്രട്ടറി ജുബിൻ മാത്യു, ഏരിയ ട്രഷർ സജി ജോൺ, എസ്എംസിഎ പ്രസിഡന്‍റ് ഡെന്നി തോമസ് കാഞ്ഞുപറമ്പിൽ, എസ്എംസിഎ ജനറൽ സെക്രട്ടറി ജോർജ് വാക്യത്തിനാൽ, എസ്എംസിഎ ട്രഷർ ഫ്രാൻസിസ് പോൾ എന്നിവർ സംസാരിച്ചു.
വിപുലമായ ഓണസദ്യയും തിരുവാതിര, വിവിധ നൃത്ത രൂപങ്ങൾ എന്നിവ ഓണാഘോഷത്തിന് മാറ്റുകൂട്ടി. മലയാളി മന്നൻ, മലയാളി മങ്ക, താരജോഡി, വടംവലി, കലം തല്ലിപ്പൊട്ടിക്കൽ, അപ്പംകടി തുടങ്ങിയ മത്സരങ്ങളും ഉണ്ടായിരുന്നു.
സംഘടനാ അംഗങ്ങളുടെ പത്താം ക്ലാസിലും പന്ത്രണ്ടാം ക്ലാസിലും ഉന്നത വിജയം നേടിയ കുട്ടികളെയും കാനഡയിലേക്ക് യാത്രയാകുന്ന ജിജോ മാത്യു പാരിപ്പള്ളി കുടുംബത്തെയും ബിനു ജോൺ തോട്ടുവേലിൽ കുടുംബത്തെയും ആദരിക്കുകയുണ്ടായി.
പരിപാടികൾക്ക് സംഗീത് കുര്യൻ, ജിസ് എം. ജോസ്, ജിസ് ജോസഫ്, നിജോ തോമസ്, ജോമോൻ ജോർജ്, ഡോണേൽ ആന്‍റണി, സിബി തോമസ്, സുബിൻ സെബാസ്റ്റ്യൻ, റെനീഷ് കുര്യൻ, അരുൺ മാത്യു, ബെന്നി ചെറിയാൻ, മനോജ് ഓലിക്കൽ,
തോമസ് കറുക്കളം, പ്രിൻസ് ജോസഫ്, പാനിഷ് ജോർജ്,സ്റ്റാൻലി ജെയിംസ്, റോയ് അഗസ്റ്റിൻ, അനീഷ് ജോസഫ്, ജിനോ ജോയ്, ജോസഫ് കുന്നപ്പിള്ളി, രാജു ജോൺ, സന്തോഷ് കുര്യൻ, ബിജു കാടൻകുഴി, സിജു മാത്യു തുടങ്ങിയവർ നേതൃത്വം നൽകി.
|