ലണ്ടൻ: പതിനഞ്ചാമത് യുക്മ കലാമേളയ്ക്ക് മുന്നോടിയായി സംഘടിപ്പിക്കുന്ന റീജിയണൽ കലാമേളയുടെ രണ്ടാമത്തെ ആഴ്ചയിൽ ഇന്ന് യുക്മ സൗത്ത് ഈസ്റ്റ് റീജിയണിലുംയുക്മ നോർത്ത് വെസ്റ്റ് റീജിയണിലും കലാമേളകൾ നടക്കും.
നാദസ്വരനൃത്ത രൂപങ്ങളുടെ പ്രവാസ ലോകത്തെ ഏറ്റവും വലിയ കലാമേളയായ യുക്മ ദേശീയകലാമേളയ്ക്ക് മുന്നോടിയായി സംഘടിപ്പിക്കപ്പെടുന്ന യുക്മ റീജിയണൽ കലാമേളകൾ വലിയ ആവേശത്തോടെയാണ് യുകെയിലെ കലാകാരൻമാർ നോക്കിക്കാണുന്നത്.
ഈ വർഷം എല്ലാ റീജിയണുകളിലും മത്സരാർഥികളുടെ എണ്ണത്തിൽ ക്രമാതീതമായ വന്നിട്ടുള്ള വർധന ഇതാണ് തെളിയിക്കുന്നത്. ഇന്ന് യുക്മയുടെ കരുത്തുറ്റ റീജിയണുകളായ സൗത്ത് ഈസ്റ്റിലും നോർത്ത് വെസ്റ്റിലും കലാമേളകൾ രാവിലെ ആരംഭിക്കുകയാണ്.
യുകെയുടെ കലാ ഹൃദയമൊന്നാകെ എത്തിച്ചേരുന്ന യുക്മ കലാമേളയുടെ സൗത്ത് ഈസ്റ്റിലെ കലാമേള ക്രോളിയിൽ റീജിയണൽ പ്രസിഡന്‍റ് സുരേന്ദ്രൻ ആരക്കോട് അധ്യക്ഷത വഹിക്കുന്ന സമ്മേളനത്തിൽ യുക്മ പ്രസിഡന്‍റ് ഡോ.ബിജു പെരിങ്ങത്തറ ഉദ്ഘാടനം ചെയ്യും. സെക്രട്ടറി ജിപ്സൻ തോമസ് സ്വാഗതം ആശംസിക്കും.
യുക്മ ട്രഷറർ സിക്സ് ജോർജ്, യുക്മ സ്ഥാപക പ്രസിഡന്‍റ് വർഗീസ് ജോൺ, മുൻ പ്രസിഡന്‍റ് മനോജ് കുമാർ പിള്ള, ദേശീയ വക്താവ് അഡ്വ. എബി സെബാസ്റ്റ്യൻ, ദേശീയ സമിതിയംഗം ഷാജി തോമസ് തുടങ്ങിയ പ്രമുഖ നേതാക്കൻമാർ ചടങ്ങിൽ പങ്കെടുക്കും. റീജിയണൽ ട്രഷറർ സനോജ് ജോസ് നന്ദിയർപ്പിക്കും.
യുക്മ നോർത്ത് വെസ്റ്റ് റീജിയണിൽ പ്രസിഡന്‍റ് ബിജു പീറ്ററിന്‍റെ അധ്യക്ഷതയിൽ കൂടുന്ന യോഗത്തിൽ നാഷണൽ ജനറൽ സെക്രട്ടറി കുര്യൻ ജോർജ് കലാമേള ഉദ്ഘാടനം ചെയ്യും. റീജിയണൽ സെക്രട്ടറി ബെന്നി ജോസഫ് സ്വാഗതം ആശംസിക്കും.
നാഷണൽ വൈസ് പ്രസിഡന്‍റ് ഷിജോ വർഗീസ്, പിആർഒ അലക്സ് വർഗീസ്, ദേശീയ സമിതിയംഗം ജാക്സൻ തോമസ് തുടങ്ങി നാഷണൽ റീജിയണൽ ഭാരവാഹികൾ ചടങ്ങിൽ പങ്കെടുക്കും. ട്രഷറർ ബിജു മൈക്കിൾ നന്ദിയർപ്പിക്കും.
ഇന്ന് കലാമേളകൾ നടക്കുന്ന രണ്ട് റീജിയണുകളിലും മത്സരാർഥികളുടെ എണ്ണം കൂടുതലായതിനാൽ കഴിഞ്ഞ തവണത്തേതിലും കൂടുതൽ സ്റ്റേജുകളിലായിട്ടാണ് മത്സരങ്ങൾ ക്രമീകരിച്ചിരിക്കുന്നത്. മത്സരാർഥികൾ കൃത്യസമത്ത് തന്നെ എത്തിച്ചേർന്ന് രജിസ്ട്രേഷൻ നടപടികൾ പൂർത്തീകരിച്ച് അതാത് വേദികളിൽ എത്തിച്ചേരണമെന്ന് സംഘാടകൾ അറിയിച്ചു.
കേരളത്തിലെ സ്കൂൾ യുവജനോത്സവങ്ങളെ അതേപടി പകർത്തി യുകെയിലെ പ്രവാസ ജീവിതത്തിന് നിറം പിടിപ്പിക്കാൻ സംഘടിപ്പിച്ച് വരുന്ന യുക്മ കലാമേള പതിനഞ്ച് വർഷത്തിലെത്തി നിൽക്കുമ്പോൾ ചരിത്രം കുറിക്കുയും ചരിത്രം തിരുത്തിക്കുറിക്കുകയുമാണ് ഓരോ വർഷവും സംഘടിപ്പിക്കുന്ന യുക്മ കലാമേളകൾ.
ഓരോ വർഷവും നടക്കുന്ന കലാമേളകൾക്ക് ശേഷം നടക്കുന്ന കലാമേളയുടെ അലോകന യോഗങ്ങളിൽ നടക്കുന്ന കൃത്യമായ വിലയിരുത്തലുകളിൽ വന്ന പോരായ്മകൾ വിലയിരുത്തി പരിഹരിച്ചാണ് അടുത്ത വർഷത്തെ കലാമേള നിയമാവലി തയാറാക്കുന്നത്.
അതിനാൽ തന്നെ ഓരോ വർഷവും കലാമേളകളുടെ നിലവാരം കൂടുതൽ കൂടുതൽ ഉയരുകയും മത്സരം കൂടുതൽ കടുത്തതാവുകയും ചെയ്യുന്നതായിട്ടാണ് കണ്ടുവരുന്നത്.
യുക്മ നോർത്ത് വെസ്റ്റ് റീജണൽ കലാമേളയുടെ ഒരുക്കങ്ങൾ പൂർത്തിയായതായി ഭാരവാഹികൾ അറിയിച്ചു. രാവിലെ 8.30ന് രജിസ്ട്രേഷൻ ആരംഭിച്ചു 8.55ന് ഈശ്വര പ്രാർഥനയോടുകൂടി കലാമേള ആരംങ്ങുണരുന്നതാണ്.
രാവിലെ 8.30 മുതൽ വിഭവസമൃദ്ധമായ ഭക്ഷണശാല വിഗണിലെ ഹംഗ്രി ഹാർവെസ്റ്റ് ഒരുക്കിയിരിക്കുന്നു. മിതമായ നിരക്കിൽ പ്രഭാതഭക്ഷണം, ഉച്ചഭക്ഷണം വിവിധ പലഹാരങ്ങൾ ചായ കാപ്പി ശീതളപാനീയങ്ങൾ തുടങ്ങിയവ ലഭിക്കുന്നതാണ്.
രാത്രി എട്ടിന് സമ്മാനദാനത്തോട് കൂടി റീജിയണൽ കലാമേള അവസാനിക്കുന്ന രീതിയിലാണ് ക്രമീകരിച്ചിരിക്കുന്നത്. കലാമേള വേദിയിലേക്കുള്ള പ്രവേശന ഫീസ് എല്ലാവർക്കും £5 ആയി പരിമിതപ്പെടുത്തിയിരിക്കുന്നു.
മത്സരാർഥികൾക്ക് വേറെ രജിസ്ട്രേഷൻ ഫീസ് ഉണ്ടായിരിക്കുന്നതല്ല. യുക്മ നാഷണൽ കലാമേളയ്ക്ക് മുന്നോടിയായുള്ള സൗത്ത് ഈസ്റ്റ് റീജിയണൽ കലാമേളയുടെ ഒരുക്കങ്ങൾ പൂർത്തിയായി. ഇന്ന് ശനിയാഴ്ച ഗ്യാറ്റ്‌വിക്കിനടുത്തുള്ള ക്രോളിയിലെ "ദി ഗ്യാറ്റ്‌വിക്' സ്‌കൂളിലാണ് കലാമേളയ്ക്ക് നടക്കുന്നത്.
റീജിയണിലെ പ്രമുഖ അസോസിയേഷനുകളിൽ ഒന്നായ ക്രോളി മലയാളി കമ്യൂണിറ്റി ആതിഥേയത്വം വഹിക്കുന്ന കലാമേളയിൽ ഇക്കുറി മത്സരാർഥികളുടെ എണ്ണത്തിൽ മുൻ വർഷങ്ങളെ അപേക്ഷിച്ചു റിക്കോർഡ് വർധനവാണ് ഉണ്ടായിരിക്കുന്നത്. കലാമേളയുടെ വിജയത്തിനായി വിപുലമായ സംഘാടക സമിതി രൂപീകരിച്ച് പ്രവർത്തിച്ചു വരുന്നു.
റീജിയണൽ പ്രസിഡന്‍റ് സുരേന്ദ്രൻ ആരക്കോട്ട് ചെയർമാനായുള്ള സംഘാടക സമിതിയിൽ രക്ഷാധികാരിയായി യുക്മ സ്ഥാപക പ്രസിഡന്‍റ് വർഗീസ് ജോണും ജനറൽ കൺവീനറായി റീജിയണൽ സെക്രട്ടറി ജിപ്സൺ തോമസും ഫിനാൻസ് കൺട്രോളറായി റീജിയണൽ ട്രഷറർ സനോജ് ജോസും വൈസ് ചെയർമാന്മാരായി എക്സിക്യൂട്ടീവ് കമ്മിറ്റി അംഗങ്ങളായ സാംസൺ പോൾ, സജി ലോഹിദാസ് എന്നിവരും ക്രോളി മലയാളി കമ്യൂണിറ്റി പ്രസിഡന്‍റ് എറിക്‌സൺ ജോസഫ് എന്നിവരാണ്.
അംഗ അസോസിയേഷനുകളിൽ നിന്നും ബിജു പോത്താനിക്കാട്, ജയപ്രകാശ് പണിക്കർ, ജിബി ജോണി, ജിന്‍റോ മാത്യു, മാത്യു വർഗീസ്, പവിത്രൻ ദാമോദരൻ, പ്രിയ മേനോൻ, ഷാദിന നൗഫൽ, ജോൺസൻ മാത്യു എന്നിവരും സംഘാടക സമിതിയിൽ പ്രവർത്തിക്കുന്നതായിരിക്കും.
അരുൺ മോഹൻ, ആഷ്‌ലി തോമസ്, ദീപ്തി ജെസ്സിൽ, ലിയോ മാത്യു, ലിറ്റോ കോരുത്, മധു, മിനി മോൾ, സജി സ്കറിയ, സുനോജ് ശ്രീനിവാസൻ, തേജു മാത്യു എന്നിവരായിരിക്കും വെന്യു & വോളന്‍റിയേഴ്‌സ് കമ്മിറ്റിയെ നയിക്കുക.
ഫുഡ് സേഫ്റ്റി കമ്മിറ്റി മെമ്പർമാരായി ആന്‍റണി തെക്കേപറമ്പിൽ, ബെന്നി കുറുമ്പേശ്വരത്ത്, ജോൺസൻ മാത്യൂസ്, ജെയിംസ് ജെറാൾഡ്, സലിം ജോസ്, ടോണി സെബാസ്റ്റ്യൻ, ബിജി ജോബി എന്നിവർ തെരഞ്ഞെടുക്കപ്പെട്ടു.
സേഫ് ഗാർഡിംഗ്, ഫയർ ആൻഡ് സേഫ്റ്റി കമ്മിറ്റി ഭാരവാഹികളായി ബൈജു ശ്രീനിവാസ്, ജിബിൻ പി ജോയ്, ജസ്റ്റിൻ ചാണ്ടി, സിജു കുര്യാക്കോസ് എന്നിവർ ചുമതലയേറ്റു. രജിസ്ട്രേഷൻ & ഫ്രന്‍റ് ഓഫീസ് കമ്മിറ്റിയിൽ ക്ലാര പീറ്റർ, സജി ലോഹിദാസ്, സനോജ് ജോസ്, ഷാ ഹരിദാസ്, സ്റ്റാലിൻ പ്ലാവില എന്നിവർ പ്രവർത്തിക്കുന്നതായിരിക്കും.
സ്റ്റേജ് മാനേജ്മെന്‍റ് കമ്മിറ്റിയുടെ ഭാഗമായി അഖില രാധാകൃഷ്ണൻ, ഡെന്നിസ് വറീദ്, ഹാഷിം കുഞ്ഞുമുഹമ്മദ്, ജേക്കബ് കോയിപ്പള്ളി, ജോസ് പ്രകാശ്, ജൂഡിത്ത് റോബിൻ, പ്രേംകുമാർ നായർ, റെനോൾഡ് മാനുവേൽ, സാംസൺ പോൾ, ശാരിക അമ്പിളി തുടങ്ങിയവർ പ്രവർത്തനങ്ങൾ ഏകോപിപ്പിക്കും.
ബാക് ഓഫീസ് മാനേജ്‌മന്‍റ് പ്രവർത്തങ്ങൾക്ക് ചുക്കാൻ പിടിക്കുന്നത് മുൻ റീജിയണൽ പ്രസിഡന്‍റ് ആയിരുന്ന ആന്‍റണി എബ്രഹാമും, ജിജു കുര്യൻ, ബിനു ആൽബർട്ട്, സനൽ സിജോ എന്നിവരും ചേർന്നായിരിക്കും.
യുക്മ മുൻ ദേശീയ പ്രസിഡന്‍റ് മനോജ് പിള്ള, യുക്മ ദേശീയ വക്താവ് എബി സെബാസ്റ്റ്യൻ, യുക്മ ദേശീയ സമിതി അംഗമായ ഷാജി തോമസ്, റീജിയണൽ പ്രസിഡന്‍റ് സുരേന്ദ്രൻ ആരക്കോട്ട്, സെക്രട്ടറി ജിപ്സൺ തോമസ് എന്നിവർ ചേർന്നതായിരിക്കും അപ്പീൽ കമ്മിറ്റി.
ലൈഫ് ലൈൻ, ജെഎംപി സോഫ്റ്റ്‌വെയർ, മലബാർ ഗോൾഡ്, ജോഷ്വാ ട്രീ പബ് & റസ്‌റ്റോറന്‍റ്, വോസ്റ്റെക്, എംജി ട്യൂഷൻ, ബെസ്റ്റ് ഓപ്ഷൻസ് ഫർണിച്ചർ തുടങ്ങിയ പ്രമുഖരാണ് സൗത്ത് ഈസ്റ്റ് റീജിയണൽ കലാമേളയ്ക്ക് സ്പോൺസർമാരായായുള്ളത്.
സൗത്ത് ഈസ്റ്റ് റീജിയണിലെ മുപ്പതിൽപരം അസോസിയേഷനുകൾ മാറ്റുരയ്ക്കുന്ന കലാമേളയ്ക്ക് വിപുലമായ ഒരുക്കങ്ങളാണ് സംഘാടക സമിതി പൂർത്തിയാക്കിയിരിക്കുന്നത്.
ക്രോളി മലയാളി കമ്യൂണിറ്റി ആതിഥേയത്വം വഹിക്കുന്ന കലാമേളയിൽ മൂന്ന് വേദികളിലായിട്ടായിരിക്കും മത്സരങ്ങൾ അരങ്ങേറുക. കലാമേളയിൽ പങ്കെടുക്കുന്നവർക്കായി മുഴുവൻ സമയവും പ്രവർത്തിക്കുന്ന നാടൻ വിഭവങ്ങളോട് കൂടിയ ഭക്ഷണശാലയും സംഘാടകർ ഒരുക്കുന്നുണ്ട്.
കലാമേള വൻ വിജയമാക്കുന്നതിന് രണ്ട് റീജിയണുകളിലും എല്ലാവരുടേയും സഹായ സഹകരണങ്ങൾ ഉണ്ടാവണമെന്ന് റീജിയണൽ കമ്മിറ്റികൾ അഭ്യർഥിച്ചു.
യുക്മ സൗത്ത് ഈസ്റ്റ് കലാമേള വേദിയുടെ വിലാസം: THE GATWICK SCHOOL, 23 GATWICK ROAD, CRAWLEY, RH10 9TP.
യുക്മ നോർത്ത് വെസ്റ്റ് റീജിയൻ കലാമേള വേദിയുടെ വിലാസം: Dean Trust Wigan, Greenhey, Orrell, Wigan WN5 0DQ.
|