റിയാദ്: സിപിഎം പ്രവർത്തകൻ പുഷ്പന്‍റെ നിര്യാണത്തിൽ കേളി രക്ഷാധികാരി സമിതി അനുശോചന യോഗം സംഘടിപ്പിച്ചു. ബത്തയിലെ ലൂഹാ ഓഡിറ്റോറിയത്തിൽ സംഘടിപ്പിച്ച പരിപാടിയിൽ രക്ഷാധികാരി സെക്രട്ടറി കെ.പി.എം. സാദിഖ് അധ്യക്ഷത വഹിച്ചു. രക്ഷാധികാരി കമ്മറ്റി അംഗം സെബിൻ ഇഖ്ബാൽ അനോശോചന കുറിപ്പ് അവതരിപ്പിച്ചു.
24ാം വയസിൽ കൂത്തുപറമ്പ് വെടിവയ്പിൽ പരിക്കേറ്റ പുഷ്പന്‍റെ ത്യാഗോജ്വല ജീവിതവും കൊടിയ വേദനയിലും ഒരിറ്റ് കണ്ണുനീർ പൊഴിക്കാതെ പുഞ്ചിരിയോടെ മാത്രം സഹപ്രവർത്തകർക്ക് ആവേശം പകർന്നു നൽകിയ ആ സഹനശക്തിയും പ്രസ്ഥാനത്തോടുള്ള അചഞ്ചലമായ കൂറും പുതുതലമുറയ്ക്ക് എന്നും പ്രചോദനമാണെന്ന് അധ്യക്ഷൻ കെ.പി.എം. സാദിഖ് പറഞ്ഞു.
രക്ഷാധികാരി കമ്മിറ്റി അംഗങ്ങളായ സീബാ കൂവോട്, സുരേഷ് കണ്ണപുരം, ഗീവർഗീസ് ഇടിച്ചാണ്ടി, സുരേന്ദ്രൻ കൂട്ടായ്, ചന്ദ്രൻ തെരുവത്ത്, ജോസഫ് ഷാജി, ഫിറോസ്‌ തയ്യിൽ, ഷമീർ കുന്നുമ്മൽ ഏരിയാ രക്ഷാധികാരി സെക്രട്ടറിമാരായ സെൻ ആന്‍റണി, സുനിൽ കുമാർ, മധു ബാലുശേരി, ജവാദ് പരിയാട്ട്, സതീഷ് കുമാർ വളവിൽ, അനിരുദ്ധൻ കീച്ചേരി, ബൈജു ബാലചന്ദ്രൻ,
സെക്രട്ടറിയേറ്റ് അംഗം ഗഫൂർ ആനമാങ്ങാട്, കേന്ദ്ര കമ്മറ്റി അംഗങ്ങളായ നൗഫൽ സിദ്ദീഖ്, റഫീഖ് ചാലിയം, ജാഫർ ഖാൻ, രാമകൃഷ്ണൻ, സബ്കമ്മിറ്റി കൺവീനർമാരായ ഷാജി റസാഖ് (സാസ്കാരികം), നസീർ മുള്ളൂർക്കര (ജീവകാരുണ്യം), ബിജു തായമ്പത്ത് (സൈബർ വിംഗ്),
ഹസൻ പുന്നയൂർ (സ്പോർട്സ്), ശ്രീകുമാർ വാസു( ചെയർമാൻ മാധ്യമം), കുടുംബവേദി ട്രഷറർ ശ്രീഷ സുകേഷ്, ചില്ല സഹ കോഓർഡിനേറ്റർ നാസർ കാരക്കുന്ന്, അൽഖർജ് ഏരിയ പ്രസിഡന്‍റ് ഷെബി അബ്ദുൾ സലാം, സുനിൽ ഉദിനൂക്കാരൻ എന്നിവർ അനുശോചനം രേഖപ്പെടുത്തികൊണ്ട് സംസാരിച്ചു.
|