ന്യൂയോർക്ക്: ഫൊക്കാനയുടെ 2024 2026ലെ ന്യൂസ് ടീം അംഗങ്ങളായി അനില്‍ കുമാര്‍ ആറന്മുള, പി. ഡി. ജോര്‍ജ് നടവയല്‍, സന്തോഷ് എബ്രഹാം, സരൂപ അനിൽ എന്നിവരെ നിയമിച്ചതായി പ്രസിഡന്റ് സജിമോൻ ആന്‍റണി അറിയിച്ചു.
ഈ രണ്ടു വർഷക്കാലം ഫൊക്കാനയുടെ പ്രവർത്തനങ്ങൾ എങ്ങനെ ജനങ്ങളിൽ എത്തിക്കാം എന്ന ലക്ഷ്യബോധത്തോടെയും കാഴ്ചപ്പാടോടെകൂടിയുമാണ് ഈ ടീം രംഗത്ത് വരുന്നത്. മാധ്യമ രംഗത്ത് പരിചയവും കഴിവുമുള്ളവരാണ് ഈ ടീമിന്‍റെ ഭാഗമായി മുന്നോട്ട് വരുന്നത്.
ഫൊക്കാനയ്ക്ക് സമൂഹത്തിൽ സ്വാധീനം ചെലുത്തുവാൻ കഴിയുന്ന 22 ഓളം പദ്ധതികളും അതിന്‍റെ ഉപപദ്ധിതികളും മറ്റ് പ്രോജക്‌ടകളും ത‌യാറാക്കിയിട്ടുണ്ട്. അതുകൊണ്ടു തന്നെ ഫൊക്കാന ന്യൂസ് ടീമിന് വളരെ അധികം പ്രാധാന്യമാണ് ഉള്ളത്.
കാലാകാലങ്ങളില്‍ സമൂഹത്തില്‍ വരുന്ന മാറ്റങ്ങള്‍ അനുസരിച്ചു ഫൊക്കാനയുടെ പ്രവര്‍ത്തനവും വിപുലീകരിക്കേണ്ടുന്നത് അനിവാര്യമാണ്. അത് കണ്ടറിഞ്ഞുള്ള ഒരു പ്രവർത്തനമാണ് ഫൊക്കാനയുടെ ഈ കമ്മിറ്റി മുന്നോട്ട് വയ്ക്കുന്നത്.
അനില്‍ ആറന്മുള: പ്രമുഖ അമേരിക്കന്‍ മലയാളി മാധ്യമ പ്രവര്‍ത്തകനും എഴുത്തുകാരനുമായ അനില്‍ ആറന്മുള ഇന്ത്യ പ്രസ്‌ക്ലബ് ഓഫ് നോർത്ത് അമേരിക്കയുടെ വൈസ് പ്രസിഡന്റ് കൂടിയാണ്. വളരെ അധികം സാഹിത്യ സൃഷ്‌ടികളുടെ രചയിതാവ് കൂടിയാണ് അദ്ദേഹം.
മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണിന്‍റെ പ്രസിഡന്‍റായും അദ്ദേഹം സേവനം അനുഷ്‌ഠിച്ചിട്ടുണ്ട്. കുടുംബസമേതം ഹൂസ്റ്റണിലാണ് താമസം.
ജോർജ് നടവയൽ: 2004ലെ ഫൊക്കാന മീഡിയ എക്സലൻസ് അവാഡ് ജേതാവാണ്. 2008ൽ ഫൊക്കാനാ സ്പൊക്സ് പേഴ്സൺ ആയിരുന്നു. മുട്ടത്തുവർക്കി സെന്‍റിനറി കമ്മറ്റിയുടെ 2014ലെ ഗ്ലോബൽ ലിറ്റററി അവാഡ്, ഫോമയുടെ 2012ലെ ലിറ്റററി അവാഡ് ഉൾപ്പെടെ വിവിധ പുരസ്കാരങ്ങൾ അലങ്കരിക്കുന്നു.
പമ്പ മലയാളി അസോസിയേഷന്‍റെ മുൻ ജനറൽ സെക്രട്ടറി, മാപ്പ് മലയാളി അസോസിയേഷന്‍റെ മുൻ ജോയിന്‍റ് സെക്രട്ടറി, ഇന്ത്യ പ്രസ് ക്ലബ് ഫിലഡൽഫിയ ചാപ്റ്ററിൻന്‍റ് മുൻ പ്രസിഡന്റ്, ലാന ലിറ്റററി അസോസിയേഷന്‍റെ മുൻ വൈസ് പ്രസിഡന്റ്, ട്രൈസ്റ്റേറ്റ് കേരള ഫോറം മുൻ ചെയർമാൻ,
പിയാനോ നഴ്സസ് അസോസിയേഷന്‍റെ മുൻ പ്രസിഡന്റ്, ഓർമ ഇന്‍റർനാഷണൽ പ്രസിഡന്റ്, മുൻ കേരള പിഎസ്‌സി സെക്ഷൻ ഓഫീസർ, ഇന്ത്യൻ എംബസി സ്കൂൾ മുൻ അധ്യാപകൻ, ഗ്രാമീൺ ബാങ്ക് മുൻ ഉദ്യോഗസ്ഥൻ,
ഇന്ത്യൻ എയർഫോഴ്സിൽ മുൻ എഡ്യൂക്കേഷണൽ ഇൻസ്ട്രക്ടർ(യുടി), വയനാട് ലൈബ്രറി ആൻഡ് ലിറ്ററി കോഓപ്പറേറ്റിവ് സൊസൈറ്റി മുൻ ഡയറക്ടർ, വയനാട് എഡ്യൂക്കേഷണൽ സൊസൈറ്റി മുൻ ഡയറക്ടർ എന്നിങ്ങനെ വിവിധ പദവികളിൽ സേവനം അനുഷ്ഠിച്ചു. പെൻസിൽവേനിയ കോമൺ വെൽത്തിൽ ഉദ്യോഗം.
സന്തോഷ് എബ്രഹാം: പ്രമുഖ എഴുത്തുകാരനായ സന്തോഷ് എബ്രഹാം അറിയപ്പെടുന്ന മാധ്യമ പ്രവർത്തകൻ കൂടിയാണ്. വേൾഡ് മലയാളി കൗൺസിൽ പെൻസിൽവേനിയ പ്രൊവിൻസിന്‍റെ പ്രധാന പ്രവർത്തകൻ ആയിരുന്ന അദ്ദേഹം വേൾഡ് മലയാളി കൗൺസിലിന്‍റെ പിആർഒ ആയും പ്രവർത്തിച്ചിരുന്നു.
മലയാളി അസോസിയേഷൻ ഓഫ് ഗ്രേറ്റർ ഫിലാഡൽഫിയായുടെ പ്രധാന പ്രവർത്തകൻ കൂടിയ അദ്ദേഹം ഓവർസീസ് കോൺഗ്രസിന്‍റെ ഭാരവാഹി കൂടിയാണ് സാമുഖ്യസംഘടനകളിൽ എന്നത്‌ പോലെ മതസംഘടനകളിലും ഉജ്വല പ്രവര്‍ത്തനം കാഴ്ചവയ്ക്കുന്ന വ്യക്തിയാണ്. കുടുംബമായി ഫിലാഡൽഫിയയിൽ ആണ് താമസം
സരൂപ അനിൽ: അറിയപ്പെടുന്ന നർത്തകി, എഴുത്തുകാരി, അവതാരിക, സംഘടനാ പ്രവർത്തക, മതസാംസ്‌കാരിക പ്രവർത്തക, കമ്പ്യൂട്ടർ പ്രഫഷണൽ തുടങ്ങി നിരവധി മേഖലകളിൽ തനതായ വ്യക്തി മുദ്ര പതിപ്പിച്ച ബഹുമുഖപ്രതിഭയാണ് സരൂപ അനിൽ.
നോർത്ത് അമേരിക്കയിലെ വിവിധ സാമൂഹ്യ സന്നധ സംഘടനകളിൽ സജീവ സാനിധ്യമായ സരൂപ മന്ത്രയുടെ ഭാഗമായ സോവിനിയറിന്‍റെ ചീഫ് എഡിറ്റർ ആയും പ്രവർത്തിച്ചിട്ടുണ്ട്. ഇന്ത്യയിലും അമേരിക്കയിലും അറിയപ്പെടുന്ന നർത്തകി കൂടിയായ സരൂപ വിവിധ വേദികളിൽ ക്ലാസിക്കൽ നൃത്തത്തിൽ പ്രസിദ്ധയാണ്. കുടുംബസമ്മേതം വാഷിംഗ്ടൺ ഡിസിയിൽ ആണ് താമസം.
ന്യൂസ് ടീം അംഗങ്ങളെ പ്രസിഡന്റ് സജിമോൻ ആന്‍റണി, സെക്രട്ടറി ശ്രീകുമാർ ഉണ്ണിത്താൻ, ട്രഷർ ജോയി ചക്കപ്പൻ, എക്സി പ്രസിഡന്റ് പ്രവീൺ തോമസ്, വൈസ് പ്രസിഡന്റ് വിപിൻ രാജു, ജോയിന്‍റ് സെക്രട്ടറി മനോജ് ഇടമന, ജോയിന്‍റ് ട്രഷർ ജോൺ കല്ലോലിക്കൽ, അഡിഷണൽ ജോയിന്‍റ് സെക്രട്ടറി അപ്പുകുട്ടൻ പിള്ള, അഡിഷണൽ ജോയിന്‍റ് ട്രഷർ മില്ലി ഫിലിപ്പ്, വിമൻസ് ഫോറം ചെയർപേഴ്സൺ രേവതി പിള്ള, ട്രസ്റ്റീ ബോർഡ് ചെയർ ജോജി തോമസ് എന്നിവർ അഭിനന്ദിച്ചു.
|