Deepika.com Nri News :മാൻസ്ഫീൽഡ് മലയാളി അസോസിയേഷന്‍റെ ഓണാഘോഷം ഗംഭീരമായി.......

Americas

മാൻസ്ഫീൽഡ് മലയാളി അസോസിയേഷന്‍റെ ഓണാഘോഷം ഗംഭീരമായി

Back To NRI Home Forward This News Click here for detailed news of all items

മാൻസ്ഫീൽഡ്: ഡാളസിന്‍റെ പ്രാന്തപ്രദേശമായ മാൻസ്ഫീൽഡിലെ മലയാളി കൂട്ടായ്മയായ മാൻസ്ഫീൽഡ് മലയാളി അസോസിയേഷൻ(എംഎംഎ) ഓണാഘോഷം സംഘടിപ്പിച്ചു.

ഡാളസ് ഫോർട്ട്‌വർത്ത് മെട്രോപ്ലെക്സിലെ മാൻസ്ഫീൽഡിലും പ്രാന്തപ്രദേശത്തുമുള്ള പുതുതലമുറയുടെ നേതൃത്വത്തിലായിരുന്നു ഓണാഘോഷ പരിപാടികൾ ന‌‌ടത്തിയത്.

മാൻസ്ഫീൽഡ് സിറ്റി ആക്ടിവിറ്റിസ് സെന്‍ററിൽ നടന്ന ഓണാഘോഷ പരിപാടികളിൽ നൂറിലധികം പേർ പങ്കുചേർന്നു. വനിതകൾ ഒരുക്കി‌യ പൂക്കളം ശ്രദ്ധേയമായി. തുടർന്ന് കലാപരിപാടികൾ അരങ്ങേറി.

കുട്ടികളുടെ നൃത്യനൃത്തങ്ങൾ, ഓണപ്പാട്ട്, വള്ളപ്പാട്ട്, തിരുവാതിര, യുവാക്കളുടെ കോമഡി നൃത്തം, കുട്ടികൾ ചേർന്നവതരിപ്പിച്ച ഉപകരണ സംഗീതം, പാരമ്പതാഗത നൃത്തങ്ങൾ തുടങ്ങിയവ ആഘോഷങ്ങക്ക് കൊഴുപ്പേകി.

വനിതകളുടെ നേതൃത്വത്തിൽ നടത്തിയ തിരുവാതിര പ്രത്യേക ശ്രദ്ധനേടി. മാവേലി എഴുന്നെള്ളത്തിൽ കുട്ടി മാവേലിക്കൊപ്പം ആർപ്പും വിളികളുമായി കുട്ടികളുടെ നൃത്തച്ചുവടുകളും ആവേശം പകർന്നു.

തുടർന്ന് യുവജനങ്ങളും കുട്ടികളും പങ്കെടുത്ത ഓണക്കളികൾ സംഘടിപ്പിച്ചു. കുട്ടികൾക്കായി സംഘടിപ്പിച്ച വടംവലി മത്സരങ്ങളും ആഘോഷങ്ങൾക്ക് ആവേശം പകർന്നു.

ബിജോയ് മാത്യു ഓണാഘോഷത്തെയും അതിന്‍റെ ഐതിഹ്യത്തെയും പറ്റി പുതുതലമുറയ്ക്കായി വിവരിച്ചു. കൂട്ടായ്മയുടെ നേതൃത്വത്തിൽ തയാറാക്കിയ വിഭവ സമൃദ്ധ്യമായ ഓണസദ്യയോടെയാണ് ആഘോഷങ്ങൾക്ക് തിരശീല വീണത്.

കിരൺ ജോർജ്, മനോജ് മാത്യു, ബിനു വർഗീസ് തുടങ്ങിയവർ ആഘോഷങ്ങൾക്കു നേതൃത്വം നൽകി. സ്കറിയ ജേക്കബ് മ്യൂസിക്കൽ ഓർക്കസ്‌ട്രേഷൻ ഒരുക്കി.

അല്ലി അഖിൽ, സുമി മാത്യു എന്നിവർ നൃത്തപരിപാടികൾക്കും ജി. ഷാബു യുവാക്കളുടെ ഡാൻസ് കൊറിയോഗ്രഫിക്കും നേതൃത്വം നൽകി.

മോഹൻ മണമേൽ, ബിനു വർഗീസ് എന്നിവരായിരുന്നു പരിപാടിയുടെ അവതാരകർ. കിരൺ ജോർജ് സ്വാഗതവും മനോജ് മാത്യു നന്ദിയും പറഞ്ഞു.

ഫോട്ടോ: വിഷ്ണു ശ്രീകുമാർ

ഫോമാ ഭരണസമിതിയുടെ പ്രവർത്തനോദ്ഘാടനവും ഹാൻഡ് ഓവർ സെറിമോണിയും ഒക്ടോബർ 26ന്.

ഹൂസ്റ്റൺ: ബേബി മണക്കുന്നേൽ നയിക്കുന്ന ഫോമാ 202426 വർഷത്തെ പുതിയ ഭരണ സമിതിയുടെ പ്രവർത്തന ഉദ്ഘാടനവും ഹാൻഡ് ഓവർ സെറിമോ

പക്ഷാഘാതം: മധ്യവയസ്കരിൽ മരണ നിരക്ക് ഉയരുന്നതായി സിഡിസി റിപ്പോർട്ട്.

ന്യൂയോർക്ക് ∙ സമീപകാലത്ത് 45 നും 64 നും ഇടയിൽ പ്രായമുള്ളവർ പക്ഷാഘാതം മൂലം മരിക്കുന്നതായ് സെന്‍റേഴ്സ് ഫോർ ഡിസീസ് കൺട്ര

ഡാളസിൽ വാഹനാപകടത്തിൽ മരിച്ച മലയാളി ദമ്പതികളുടെ സംസ്കാരം ശനിയാഴ്ച.

ഡാളസ്: വാഹനാപകടത്തെ തുടർന്ന് മരിച്ച മലയാളി ദമ്പതികളായ വിക്‌ടർ വർഗീസിനും(45) ഭാര്യ ഖുശ്ബു വർഗീസിനും(36) കണ്ണീരോട്

യുഎസ് തെരഞ്ഞെടുപ്പ്: ദിവസങ്ങൾ മാത്രം, എന്ത് സംഭവിക്കും?.

വാഷിംഗ്‌ടൺ ഡിസി: നവംബർ അഞ്ചിനാണ് ‌യുഎസ് പ്രസിഡന്‍റ് തെരഞ്ഞെടുപ്പ് നടക്കുന്നത്.

മോദിയുമായി കൂടിക്കാഴ്ച നടത്തുമെന്ന് ട്രംപ്.

മിഷിഗൺ: അടുത്തയാഴ്ച നടക്കുന്ന അമേരിക്കൻ സന്ദർശന വേളയിൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തുമെന്ന