മനാമ: പ്രവാസി വെൽഫെയർ സംഘടിപ്പിക്കുന്ന "പ്രവാസോണം' ഓണാഘോഷ പോസ്റ്റർ പ്രകാശനം ചെയ്തു. പ്രവാസി വെൽഫെയർ പ്രസിഡന്‍റ് ബദറുദ്ദീൻ പൂവാർ, ഓണാഘോഷ കമ്മിറ്റി ചെയർമാൻ ഷാഹുൽ വെന്നിയൂരിന് നൽകിയാണ് പ്രകാശനം ചെയ്തത്.
ഒക്ടോബർ നാലിന് മനാമ കർണാടക ക്ലബിലാണ് ഓണാഘോഷ പരിപാടികൾ അരങ്ങേറുന്നത്. ദിവസം മുഴുവൻ നീളുന്ന ഓണാഘോഷ പരിപാടികൾ വിജയിപ്പിക്കുന്നതിന് ഷാഹുൽ വെന്നിയൂർ ജനറൽ കൺവീനറും രാജീവ് നാവായിക്കുളം, മൊയ്തു തിരുവള്ളൂർ, അനിൽ ആറ്റിങ്ങൽ എന്നിവർ കൺവീനർമാരുമായ 51 അംഗ സംഘാടകസമിതിയെ തെരഞ്ഞെടുത്തു.
സ്പോൺസർഷിപ്പ്: അനസ് കാഞ്ഞിരപ്പള്ളി, ലിഖിത ലക്ഷ്മൺ, ഇർഷാദ് കോട്ടയം, റജീന, ബദറുദ്ദീൻ. രജിസ്ട്രേഷൻ ആഷിക് എരുമേലി, മഹമൂദ് മായൻ, ഹാഷിം, ഷിജിന ആഷിഖ്. ഓണസദ്യ മൊയ്തു തിരുവള്ളൂർ, രാജീവ് നാവായിക്കുളം, ലത്തീഫ് കടമേരി, അനിൽകുമാർ, ദീപക്, നൗഷാദ്,
ഓണക്കളികൾ റെനി വിനേഷ്, സബീന, രാജീവ് നാവായിക്കുളം, അനിൽകുമാർ, സിനി, റഹീസ്, ബൈജു, അസ്റ, മസീറ റഷീദ സുബൈർ. കലാപരിപാടികൾ റുമൈസ അബ്ബാസ്, സഞ്ജു സാനു, ആബിദ, ബൈജു സുഹാന, റഷീദ, സുനിൽ വൈക്കം, നുസൈബ മൊയ്തീൻ, റഷീദ ബദർ, അബ്ബാസ്, വഫ ശാഹുൽ.
പ്രവാസി സെന്‍ററിൽ നടന്ന പ്രവാസോണം പോസ്റ്റർ പ്രകാശനത്തിനും സംഘാടക സമിതി യോഗത്തിലും പ്രവാസോണം ജനറൽ കൺവീനർ ഷാഹുൽ വെന്നിയൂർ അധ്യക്ഷത വഹിച്ചു. ലിഖിത ലക്ഷ്മൺ സംഘാടകസമിതി രൂപീകരണത്തിന് നേതൃത്വം നൽകി. സഞ്ജു സാനു സ്വാഗതവും ബദറുദ്ദീൻ പൂവാർ നന്ദിയും പറഞ്ഞു.
|