ഫിലാഡൽഫിയ: ട്രൈസ്റ്റേറ്റ് കേരള ഫോറത്തിന്‍റെ ഓണാഘോഷ പരിപാടികൾക്കുള്ള ഒരുക്കങ്ങൾ പൂർത്തിയായതായി സംഘാടക സമിതി അറിയിച്ചു. ശനിയാഴ്ച ഉച്ചയ്ക്ക് 12ന് സീറോമലബാർ ചർച്ച് ഓഡിറ്റോറിയത്തിൽ (608 Welsh road, Philadelphia PA 19115) വിഭവ സമൃദ്ധമായ ഓണസദ്യയോടു കൂടിയായിരിക്കും പരിപാടികൾക്ക് കൊടിയേറുക.
തുടർന്ന് പഞ്ചാരി മേളത്തിന്‍റെ അകമ്പടിയോടു കൂടിയുള്ള ഘോഷയാത്ര, മെഗാ തിരുവാതിര, സാംസ്‌കാരിക സമ്മേളനം, കലാസന്ധ്യ എന്നിവ അരങ്ങേറും. സംഗീത വിസ്മയം നവനീത് ഉണ്ണികൃഷ്‍ണൻ, പ്രശസ്ത സിനിമാ താരം ശ്വേതാ മേനോൻ എന്നിവർ മുഖ്യ അതിഥികളായി പങ്കെടുക്കും.
പരിപാടിയോട് അനുബന്ധിച്ചു നടക്കുന്ന അവാർഡ് നൈറ്റിൽ തെരഞ്ഞെടുക്കപ്പെടുന്ന കർഷകർക്കും സൗന്ദര്യ മത്സര വിജയികൾക്കും അമേരിക്കൻ മലയാളികൾക്കിടയിലെ മികച്ച പ്രതിഭയ്ക്കുമുള്ള അവാർഡുകൾ സമ്മാനിക്കും.
ഓണാഘോഷത്തിന് ജോയ് ആലുക്കാസിന്‍റെ വന്പിച്ച സമ്മാനവര്‍ഷം
ട്രൈസ്റ്റേറ്റ് ഓണാഘോഷ പരിപാടികളോടനുബന്ധിച്ചു ജോയ് ആലുക്കാസ് ഗ്രൂപ്പിന്‍റെ വന്പിച്ചസമ്മാന പരിപാടികള്‍ ഉണ്ടായിരിക്കുന്നതാണ്, പങ്കെടുക്കുന്നവരുടെ പ്രവേശന ടിക്കറ്റ് നമ്പര്‍ നറുക്കെടിപ്പിലൂടെ ആണ് വിജയികളെ തിരഞ്ഞെടുക്കുക.
നറുക്കെടുപ്പുകളിലൂടെ അഞ്ചു വിജയികള്‍ക്ക് 500 ഡോളറിന്‍റെ ഗിഫ്റ്റ് വൗച്ചറുകള്‍ വീതം നല്‍കും. ശ്വേതാ മേനോന്‍ വിജയികള്‍ക്കുന്നവര്‍ക്ക് സമ്മാനം വിതരണം ചെയ്യും.
ഗ്രെയ്റ്റർ ഫിലാഡൽഫിയ ട്രൈസ്റ്റേറ്റ് ഏരിയയിലെ പതിനഞ്ചോളം സംഘടനകളുടെ കൂട്ടായ്മയായ ടികെഎഫ് "ആരവം 2024' എന്ന് നാമകരണം ചെയ്യപ്പെട്ടിട്ടുള്ള ഓണാഘോഷ പരിപാടിയിലേക്ക് സകുടുംബം എല്ലാവരെയും സ്വാഗതം ചെയ്യുന്നതായി സംഘാടകർ അറിയിച്ചു.
പരിപാടിയുടെ വിജയത്തിനായി ജോൺ പണിക്കർ, രാജൻ സാമുവേൽ, ജോർജ് നടവയൽ, സുരേഷ് നായർ, സാജൻ വർഗീസ്, അലക്സ് തോമസ്, ജോർജ് ഓലിക്കൽ, സുധാ കർത്താ, സുമോദ് റ്റി. നെല്ലിക്കാല (പിആർഒ 267 322 8527),
റോണി വറുഗീസ്, തോമസ് പോൾ, ജോർജുകുട്ടി ലൂക്കോസ്, ജീമോൻ ജോർജ്, സാറാ ഐപ്പ്, ശോശാമ്മ ചെറിയാൻ, ബ്രിജിത്ത് വിൻസെന്‍റ്, സെലിൻ ഓലിക്കൽ, അരുൺ കോവാട്ട്, അലക്സ് ബാബു, ആശാ അഗസ്റ്റിൻ, സദാശിവൻ കുഞ്ഞി എന്നിവർ ഉൾപ്പെടുന്ന വിപുലമായ കമ്മിറ്റി പ്രവർത്തിച്ചു വരുന്നു.
കൂടുതൽ വിവരങ്ങക്ക്: അഭിലാഷ് ജോൺ (ചെയർമാൻ 267 701 3623), ബിനു മാത്യു (സെക്രട്ടറി 267 893 9571), ഫിലിപ്പോസ് ചെറിയാൻ (ട്രെഷറർ 215 605 7310), ജോബി ജോർജ് (ഓണം ചെയർമാൻ 215 470 2400), വിൻസെന്‍റ് ഇമ്മാനുവേൽ (പ്രോഗ്രാം കോഓർഡിനേറ്റർ 215 880 3341).
|