Deepika.com Nri News :മോദിയും രാഹുലും അമേരിക്കയിലേക്ക്.......

Americas

മോദിയും രാഹുലും അമേരിക്കയിലേക്ക്

Back To NRI Home Forward This News Click here for detailed news of all items

ന്യൂഡൽഹി: പ്രധാനമന്ത്രി നരേന്ദ്ര മോദിയും പ്രതിപക്ഷനേതാവ് രാഹുൽ ഗാന്ധിയും അടുത്ത മാസം അമേരിക്ക സന്ദർശിക്കും. സെപ്റ്റംബർ 2223 തീയതികളിൽ ന്യൂയോർക്കിൽ നടക്കുന്ന “ഭാവിയുടെ ഉച്ചകോടി’’ എന്ന ഐക്യരാഷ്‌ട്ര സഭാ സമ്മേളനത്തിൽ പ്രധാനമന്ത്രി പ്രസംഗിക്കും.

22ന് ന്യൂയോർക്കിൽ ഇന്ത്യൻ വംശജരുടെ സമ്മേളനത്തിലും പ്രസംഗിക്കും. ഐക്യരാഷ്‌ട്ര പൊതുസഭയിൽ സെപ്റ്റംബർ 26നാണ് ഇന്ത്യൻ പ്രധാനമന്ത്രിയുടെ പ്രസംഗം നിശ്ചയിച്ചിരിക്കുന്നത്.

ന്യൂയോർക്കിലെ യുഎൻ സമ്മേളനത്തിനിടെ ഏതാനും ലോകനേതാക്കളുമായി മോദി കൂടിക്കാഴ്ച നടത്തും. ഐക്യരാഷ്‌ട്ര പൊതുസഭയുടെ (യുഎൻ ജനറൽ അസംബ്ലി) സെപ്റ്റംബർ 24 മുതൽ 30 വരെ നടക്കുന്ന 79ാമത് സമ്മേളനത്തിന്‍റെ പൊതുചർച്ചയിൽ മോദി 26ന് പ്രസംഗിക്കുമെന്നാണ് ഐക്യരാഷ്‌ട്ര സഭ പുറത്തുവിട്ട പ്രസംഗകരുടെ പട്ടികയിൽ പറയുന്നത്.

പ്രതിപക്ഷ നേതാവായശേഷമുള്ള രാഹുൽ ഗാന്ധിയുടെ ആദ്യ വിദേശയാത്രയാണ് സെപ്റ്റംബർ ഏഴു മുതൽ നടക്കുന്നത്. അഞ്ചു ദിവസം നീളുന്ന അമേരിക്കൻ പര്യടനത്തിനിടെ അമേരിക്കയിലെ സെനറ്റർമാർ അടക്കമുള്ള നിയമനിർമാതാക്കൾ, സർവകലാശാല വിദ്യാർഥികൾ, പ്രവാസി ഇന്ത്യക്കാർ, വ്യവസായ പ്രമുഖർ തുടങ്ങിയവരുമായി രാഹുൽ ആശയവിനിമയം നടത്തും.

അമേരിക്കൻ പ്രസിഡന്‍റ് തെരഞ്ഞെടുപ്പിന്‍റെ പ്രചാരണം ശക്തമായതിനിടെയുള്ള ഇന്ത്യയിലെ കോണ്‍ഗ്രസ് നേതാവിന്‍റെ സന്ദർശനത്തിനിടെ ഡെമോക്രാറ്റിക്, റിപ്പബ്ലിക്കൻ പാർട്ടി നേതാക്കളും സെനറ്റർമാരുമായി രാഹുൽ നടത്തുന്ന ചർച്ചകൾക്ക് അന്താരാഷ്‌ട്ര പ്രാധാന്യമുണ്ട്.

അതേസമയം, ജമ്മുകാഷ്മീർ, ഹരിയാന നിയമസഭാ തെരഞ്ഞെടുപ്പുകളുടെ പ്രചാരണത്തിനായി രാഹുലിന്‍റെ അമേരിക്കൻ യാത്ര രണ്ടോ മൂന്നോ ദിവസം വെട്ടിച്ചുരുക്കിയേക്കുമെന്ന് സൂചനയുണ്ട്.

സെപ്റ്റംബർ ഏഴിന് ഡൽഹിയിൽനിന്നു തിരിച്ച് അമേരിക്കയിലെത്തുന്നതുമുതൽ വാഷിംഗ്ടണ്‍ ഡിസി, ന്യൂജഴ്സി, ലോസ് ആഞ്ചൽസ്, ടെക്സസ് എന്നിവിടങ്ങളിലായി രാഹുലിന് തിരക്കേറിയ പരിപാടികളാണു നിശ്ചയിച്ചിരിക്കുന്നത്.

ഡാളസിൽ വാഹനാപകടം: നാല് മരണം.

ഡാളസ്: ഡാളസിൽ വാഹനങ്ങൾ കൂട്ടിയിടിച്ച് നാലു പേർ മരിച്ചു. രണ്ട് പേർക്ക് പരിക്കേറ്റു.

മാൻസ്ഫീൽഡ് മലയാളി അസോസിയേഷന്‍റെ ഓണാഘോഷം ഗംഭീരമായി.

മാൻസ്ഫീൽഡ്: ഡാളസിന്‍റെ പ്രാന്തപ്രദേശമായ മാൻസ്ഫീൽഡിലെ മലയാളി കൂട്ടായ്മയായ മാൻസ്ഫീൽഡ് മലയാളി അസോസിയേഷൻ(എംഎംഎ) ഓ

ഹൂസ്റ്റണിൽ സൗജന്യ ആരോഗ്യ മേള ശനിയാഴ്ച.

ഹൂസ്റ്റൺ: ലവ് ‌ടു ഷെയർ ഫൗണ്ടേഷൻ അമേരിക്കയുടെ ആഭിമുഖ്യത്തിൽ ശനിയാഴ്ച (സെപ്റ്റംബർ 21) രാവിലെ എ‌ട്ട് മുതൽ 12 വരെ സൗജന്യ

വേൾഡ് മലയാളി കൗൺസിൽ കാലിഫോർണിയ പ്രൊവിൻസ് ഓണാഘോഷം സംഘടിപ്പിച്ചു.

സാൻഫ്രാൻസിസ്കോ: വേൾഡ് മലയാളി കൗൺസിൽ കലിഫോർണിയ പ്രൊവിൻസ് സംഘടിപ്പിച്ച ഓണാഘോഷം സാൻ ഫ്രാൻസിസ്കോ ബേ ഏരിയയിൽ സംഘടിപ

മങ്കയുടെ വാർഷികവും ഓണാഘോഷവും സംഘടിപ്പിച്ചു ‌.

ഫ്രീമൗണ്ട്: മലയാളി അസോസിയേഷൻ ഓഫ് നോർത്തേൺ കലിഫോർണിയയുടെ(മങ്ക) 40ാം വാർഷികവും ഓണാഘോഷവും പ്രൗഢഗംഭീരമായി നടന്നു.