Deepika.com Nri News :ജര്‍മൻ നഗരത്തിൽ ആഘോഷ പരിപാടിക്കിടെ കത്തിയാക്രമണം; മൂന്നു മരണം.......

Europe

ജര്‍മൻ നഗരത്തിൽ ആഘോഷ പരിപാടിക്കിടെ കത്തിയാക്രമണം; മൂന്നു മരണം

Back To NRI Home Forward This News Click here for detailed news of all items

ബര്‍ലിന്‍: ജര്‍മനിയിലെ നഗരത്തിൽ ആഘോഷ പരിപാടിക്കിടെയുണ്ടായ കത്തിയാക്രമണത്തിൽ മൂന്നു പേര്‍ മരിച്ചു. പടിഞ്ഞാറന്‍ സംസ്ഥാനമായ നോര്‍ത്ത് റൈന്‍ വെസ്റ്റ് ഫാളിയയിലെ സോളിംഗന്‍ നഗരത്തില്‍ വെള്ളിയാഴ്ച രാത്രിയാണ് ആക്രമണമുണ്ടായത്.

ആക്രമണത്തില്‍ ഒരു സ്ത്രീയും രണ്ട് പുരുഷന്മാരുമാണ് മരണമടയുകയും എട്ട് പേര്‍ക്ക് പരിക്കേല്‍ക്കുകയും ചെയ്തു, അവരില്‍ അഞ്ച് പേര്‍ക്ക് ഗുരുതരമായി പരിക്കേറ്റിട്ടണ്ടെന്ന് ഡ്യൂസല്‍ഡോര്‍ഫിലെ പോലീസ് അറിയിച്ചു.

പ്രാദേശിക ആഘോഷ പരിപാടി നടക്കുന്നതിനിടെ അജ്ഞാതൻ ആക്രമണം നടത്തുകയായിരുന്നു. നഗരം രൂപീകരിച്ചിട്ട് 640 വര്‍ഷം തികഞ്ഞതിന്‍റെ ആഘോഷപരിപാടികള്‍ക്കിടെയായിരുന്നു സംഭവം. കത്തിയാക്രമണം നടത്തി ഭീതി പരത്തിയശേഷം അക്രമി സംഭവസ്ഥലത്ത് നിന്ന് രക്ഷപ്പെട്ടു. മേഖലയില്‍ നിന്ന് പോലീസ് ആളുകളെ ഒഴിപ്പിച്ചു.

ഒമ്പത് പേരുടെ ജീവന്‍ രക്ഷിക്കാന്‍ പാരാമെഡിക്കുകള്‍ പോരാടുകയാണെന്ന് സഹ സംഘാടകരിലൊരാള്‍ പറഞ്ഞു. അക്രമത്തിന്‍റെ നിഴലില്‍ ഉത്സവം താല്‍ക്കാലികമായി നിര്‍ത്തിവച്ചു. നഗരമധ്യത്തിലുള്ള ഫ്രോന്‍ഹോഫ് എന്ന മാര്‍ക്കറ്റില്‍ ലൈവ് മ്യൂസിക്കിനായി ഒരു വേദി ഒരുക്കിയാണ് സംഭവം.

പോലീസ് കനത്ത ജാഗ്രതാ നിര്‍ദ്ദേശം പുറപ്പെടുവിക്കുകയും അക്രമിയെ കണ്ടെത്താനുള്ള ഉത്തരവ് പ്രഖ്യാപിക്കുകയും ചെയ്തിട്ടുണ്ട്. കറുത്ത വസ്ത്രമണിഞ്ഞാണ് അക്രമി എത്തിയതെന്നും പോലീസ് പറയുന്നു.

ഞെട്ടിപ്പിക്കുന്ന രാത്രിയാണ് കടന്നുപോയതെന്ന് സോളിംഗന്‍ മേയര്‍ ടിം കുര്‍സ്ബാഹ്. ആക്രമണത്തില്‍ കൊല്ലപ്പെട്ടവരുടെ കുടുംബത്തിന്‍റെ ദുഃഖത്തില്‍ പങ്കുചേരുന്നുവെന്നും പരിക്കേറ്റവര്‍ വേഗം സുഖം പ്രാപിക്കട്ടെയെന്നും മേയര്‍ പറഞ്ഞു.

1,60,000 ജനങ്ങള്‍ താമസിക്കുന്ന നഗരമാണ് സോളിംഗന്‍. ജര്‍മ്മനിയിലെ ഏറ്റവും ജനസാന്ദ്രതയുള്ള സംസ്ഥാനമായ നോര്‍ത്ത് റൈന്‍~വെസ്ററ്ഫാലിയയിലെ വലിയ നഗരങ്ങളായ കൊളോണിനും ഡ്യൂസല്‍ഡോര്‍ഫിനും ഇടയിലായാണ് ഇത് സ്ഥിതി ചെയ്യുന്നത്.

ഈ വര്‍ഷം മേയില്‍ ജര്‍മനിയിലെ മാന്‍ഹൈം നഗരത്തില്‍ അജ്ഞാതനായ അക്രമി നടത്തിയ കത്തിയാക്രമണത്തില്‍ പൊലീസുകാരനുള്‍പ്പെടെ നിരവധിയാളുകള്‍ക്ക് പരിക്കേറ്റിരുന്നു. തീവ്രവലതു പക്ഷ പരിപാടിക്കിടെയായിരുന്നു അന്നത്തെ അക്രമത്തിനു പിന്നില്‍.

കരോൾ ഗാനമത്സരത്തിന്‍റെ അകമ്പടിയോടെ ക്രിസ്മസിന്‍റെ വരവറിയിച്ച് ഓൾഫ് സ്റ്റോക്ക് ഓൺ ട്രെന്‍റ്.

സ്റ്റോക്ക് ഓണ്‍ ട്രെന്‍റ്: സ്റ്റോക്ക് ഓണ്‍ ട്രെന്‍റിലെ സീറോമലബാറിന്‍റെ കീഴിലുള്ള നിത്യസഹായ മാതാവിന്‍റെ പള്ളിയില്‍ തിരുപ്പി

ഫ്രാങ്ക്ഫര്‍ട്ട് കേരള സമാജം ക്രിസ്മസ് ആഘോഷിച്ചു.

ഫ്രാങ്ക്ഫര്‍ട്ട്: ഫ്രാങ്ക്ഫര്‍ട്ട് കേരള സമാജത്തിന്‍റെ ആഭിമുഖ്യത്തില്‍ ക്രിസ്മസ് ആഘോഷിച്ചു.

പാട്ടുകളുടെ പാലാഴി തീർത്ത് കൈരളി യൂകെ പാട്ടുകൂട്ടം.

സതാംപ്ടൺ: കൈരളി യുകെ സതാംപ്ടൺ പോർട്ട്സ്മൗത്ത് യൂണിറ്റിന്‍റെ നേതൃത്വത്തിൽ വാട്ടർലൂ കമ്യൂണിറ്റി സെന്‍ററിൽ വെച്ചു നടന്ന പാ

പിറവി തിരുന്നാൾ തിരുക്കർമങ്ങൾക്ക് വിപുലമായ സൗകര്യങ്ങൾ ഒരുക്കി ഗ്രേറ്റ് ബ്രിട്ടൻ സീറോമലബാർ രൂപത.

ബിർമിംഗ്ഹാം: യേശുക്രിസ്തുവിന്‍റെ തിരുപ്പിറവി ആഘോഷങ്ങളുടെ തിരുക്കർമങ്ങൾക്ക് വിപുലമായ ക്രമീകരണങ്ങൾ ഒരുക്കി ഗ്രേറ്റ് ബ്രി

ജർമനിയിൽ ആൾക്കൂട്ടത്തിലേക്ക് കാർ പാഞ്ഞു കയറി രണ്ടു മരണം.

ബെർലിൻ: ജർമനിയിൽ ആൾക്കൂട്ടത്തിലേക്ക് കാർ പാഞ്ഞു കയറി ഒരു കുട്ടിയടക്കം രണ്ടു പേർ മരിച്ചു.