Deepika.com Nri News :രാജ്യത്ത് വളർന്ന് വരേണ്ട വികാരമാണ് സാഹോദര്യം: സജി മാർക്കോസ്.......

Middle East & Gulf

രാജ്യത്ത് വളർന്ന് വരേണ്ട വികാരമാണ് സാഹോദര്യം: സജി മാർക്കോസ്

Back To NRI Home Forward This News Click here for detailed news of all items

മനാമ: സ്വാതന്ത്ര്യത്തെയും സമത്വത്തെയും കൂട്ടിയോജിപ്പിക്കുമ്പോൾ കിട്ടുന്ന സൗന്ദര്യമാണ് സാഹോദര്യമെന്ന് സഞ്ചാരിയും എഴുത്തുകാരനുമായ സജി മാർക്കോസ്. ജാതിവ്യവസ്ഥകളാൽ തുല്യത ഇല്ലാതിരുന്ന സമൂഹത്തിലേക്ക് ഭരണഘടനയാണ് തുല്യത കൊണ്ടുവന്നത്. അതു കൊണ്ട് തന്നെ രാജ്യത്ത് വളർന്ന് വരേണ്ട വികാരമാണ് സാഹോദര്യമെന്ന് അദ്ദേഹം കൂട്ടിച്ചേർത്തു.

സ്വാതന്ത്ര്യദിനത്തിൽ പ്രവാസി വെൽഫെയർ പ്രവാസി സെന്‍ററിൽ സംഘടിപ്പിച്ച സ്വാതന്ത്ര്യത്തിന്‍റെ നാനാർഥങ്ങൾ എന്ന വിഷയത്തിൽ പ്രഭാഷണം നടത്തുകയായിരുന്നു അദ്ദേഹം.

അധികാരം ഒരാളിലേക്ക് കുമിഞ്ഞുകൂടുന്നത് ജനാധിപത്യത്തിന് ആപത്താണ്. അതുകൊണ്ടാണ് സമൂഹത്തിന്‍റെ താഴെ തട്ടിൽ വരെ അധികാര വികേന്ദ്രീകരണത്തിനുള്ള നിയമങ്ങൾ രാജ്യത്ത് നടപ്പിലാക്കിയത്.

അതുപോലെ തന്നെ സമ്പത്ത് വ്യക്തികളിൽ കുമിഞ്ഞുകൂടുന്നതും ജനാധിപത്യത്തിന് ദോഷം ചെയ്യും. ജനാധിപത്യത്തെ കുറിച്ച് രാഷ്ട്രീയ ബോധമുള്ള നമ്മൾ സാമ്പത്തിക ജനാധിപത്യത്തെ കുറിച്ച് ബോധവാന്മാരല്ലെന്നും അദ്ദേഹം പറഞ്ഞു.

രാജ്യത്ത് നിലനിന്ന വ്യത്യസ്തതകളെ ചേർത്ത് പിടിച്ച് കൊണ്ടും മുഴുവൻ മനുഷ്യരുടെയും ക്ഷേമം ഉറപ്പുവരുത്തിയും ആണ് സ്വാതന്ത്ര്യാനന്തര ഇന്ത്യ രൂപപ്പെട്ടതെന്ന് അധ്യക്ഷ പ്രസംഗത്തിൽ പ്രവാസി വെൽഫെയർ സെക്രട്ടറി ഇർഷാദ് കോട്ടയം പറഞ്ഞു.

രാജ്യത്തെ വ്യത്യസ്ത ജനവിഭാഗങ്ങളെ ഉൾക്കൊള്ളുന്നതിന് പകരം പുറംതള്ളുന്നതിനെ കുറിച്ചാണ് ഇന്ന് രാജ്യം ചിന്തിക്കുന്നത്. ഇത് ഇന്ത്യ എന്ന ആശയത്തെ തന്നെ നിഷേധിക്കുന്നതിന് തുല്യമാണ് എന്ന് അദ്ദേഹം കൂട്ടിച്ചേർത്തു.

പ്രവാസി വെൽഫെയർ സെക്രട്ടറി ജോഷി ജോസഫ് സ്വാഗതവും എക്സിക്യൂട്ടീവ് അംഗം ലിഖിത ലക്ഷ്മൺ നന്ദിയും പറഞ്ഞു.

പ്രധാനമന്ത്രി കുവൈറ്റിൽ എത്തി.

കുവൈറ്റ് സിറ്റി: രണ്ടു ദിവസത്തെ ഔദ്യോഗിക സന്ദർശനത്തിനായി ഇന്ത്യൻ പ്രധാനമന്ത്രി നരേന്ദ്ര മോദി കുവൈറ്റിൽ എത്തി.

വാഹനം കടയിലേക്ക് ഇടിച്ച് കയറി; യുപി സ്വദേശി മരിച്ചു.

റിയാദ്: സൗദി ബാലൻ ഓടിച്ച വാഹനം നിയന്ത്രണം വിട്ട് കടയിലേക്ക് ഇടിച്ചുകയറിയതിനെ തുടർന്ന് ഉത്തർപ്രദേശ് സ്വദേശി മരിച്ച

വേൾഡ് കെഎംസിസി നിലവിൽ വന്നു.

കോഴിക്കോട്: വിവിധ രാജ്യങ്ങളിലെ കെഎംസിസി കമ്മിറ്റികളുടെ കൂട്ടായ്മയായി വേൾഡ് കെഎംസിസി നിലവിൽ വന്നു.

പ്രധാനമന്ത്രി നരേന്ദ്ര മോദി കുവൈറ്റ് സന്ദർശിക്കുന്നു.

കുവൈറ്റ് സിറ്റി: ഇന്ത്യൻ പ്രധാനമന്ത്രി നരേന്ദ്ര മോദി രണ്ടുദിവസത്തെ സന്ദർശനത്തിന് കുവൈറ്റിലെത്തുന്നു.