ഷിക്കാഗോ: ഷിക്കാഗോ മാർത്തോമ്മാ യുവജനസഖ്യത്തിന്‍റെ ആഭിമുഖ്യത്തിൽ നടത്തപ്പെടുന്ന കൊയ്ത്തുത്സവം "കാഴ്ച 24' ശനിയാഴ്ച വൈകുന്നേരം നാലു മുതൽ ഷിക്കാഗോ മാർത്തോമ്മാ ദേവാലയങ്കണത്തിൽ വച്ച് നടത്തും.
പ്രശസ്ത മലയാളി യുട്യൂബറും മോട്ടിവേഷൻ സ്പീക്കറുമായ ഷിനോദ് മാത്യു കൊയ്ത്തുത്സവത്തിന്‍റെ ഉദ്ഘാടനം നിർവഹിക്കും. ഷിക്കാഗൊ മാർത്തോമ്മാ യുവജനസഖ്യം പ്രസിഡന്‍റ് റവ. എബി എം. തോമസ് തരകൻ അധ്യക്ഷത വഹിക്കുന്ന ചടങ്ങിൽ സഖ്യം വൈസ് പ്രസിഡന്‍റ് റവ. ബിജു .വൈ, ആത്മീയ സാമൂഹ്യ സാംസ്കാരിക നേതാക്കൾ തുടങ്ങിയർ പങ്കെടുക്കും.
"ഭവന രഹിതർക്ക് ഒരു ഭവനം' എന്ന പദ്ധതിയുടെ ധനശേഖരണാർഥം നടത്തുന്ന ഈ പരിപാടിയിലൂടെ സമാഹരിക്കുന്ന ഫണ്ട് ഉപയോഗിച്ച് സ്വന്തമായൊരു ഭവനം എന്ന സ്വപ്നം യാഥാർഥ്യമാക്കുകയാണ്.
മുൻവർഷങ്ങളിൽ ഈ പദ്ധതിയിലൂടെ ഷിക്കാഗോ മാർത്തോമ്മാ യുവജനസഖ്യം മുന്നൂറിലധികം കുടുംബങ്ങൾക്ക് ഭവന നിർമാണ സഹായം നൽകിയിട്ടുണ്ട്. ഈ വർഷത്തെ കൊയ്ത്തുത്സവത്തിൽ കൂടുതൽ വർണാഭമായ പരിപാടികളാണ് ഉൾപ്പെടുത്തിയിരിക്കുന്നത്.
കാർഷിക വിപണന മേള, കേരളത്തിന്‍റെ തനതായ ഭക്ഷണങ്ങളുടെ സ്റ്റാളുകൾ അതോടൊപ്പം ഷിക്കാഗോ മാർത്തോമ്മാ ഇടവകയിലെ കലാകാരന്മാരും കലാകാരികളും അവതരിപ്പിക്കുന്ന മികവുറ്റ കലാപരിപാടികൾ എന്നിവ പരിപാടിയെ കൂടുതൽ ആസ്വാദ്യകരമാക്കും.
ഷിക്കാഗോ മാർത്തോമ്മാ യുവജനസഖ്യം പ്രസിഡന്‍റ് റവ. എബി എം. തോമസ് തരകൻ, വൈസ് പ്രസിഡന്‍റ് റവ. ബിജു വൈ, ശാഖ സെക്രട്ടറി ലിനു എം. ജോസഫ്, ജനറൽ കൺവീനർ ജിബിൻ വൈ. ജോർജ്, ജോയിന്‍റ് കൺവീനർ അജയ് എബ്രഹാം, വിൻസി അനീഷ്, ആൻസി വർഗീസ്,
കെസിയ ബൈജു റേച്ചൽ, സാറാ ജോർജ്, നിജു പോത്തൻ, വിമൽ അലക്സ്, റോയി തോമസ്, ഷൈജു വർഗീസ്, ആൽബിൻ ജോർജ്, ജോജി എബ്രഹാം, ആൽഫി നിജു, രാജേഷ് ഫിലിപ്പ്, ജോമി റോഷൻ വർഗീസ്, അജു മാത്യു എന്നിവരടങ്ങുന്ന വിപുലമായ കമ്മിറ്റിയാണ് ക്രമീകരണങ്ങൾക്ക് നേതൃത്വം നൽകുന്നത്.
സമൂഹത്തിൽ പിന്തള്ളപ്പെട്ടവർക്ക് പ്രതീക്ഷയും സുരക്ഷിതത്വവും നൽകുന്ന പരിപാടിയിലേക്ക് ഏവരേയും സ്വാഗതം ചെയ്യുന്നതായി സംഘാടകർ അറിയിച്ചു.
|