Deepika.com Nri News :ട്രംപിന്‍റെ വിജയം ഉറപ്പാക്കണം; അരയും തലയും മുറുക്കി മലയാളി എബ്രഹാം ജോര്‍ജ്.......

Americas

ട്രംപിന്‍റെ വിജയം ഉറപ്പാക്കണം; അരയും തലയും മുറുക്കി മലയാളി എബ്രഹാം ജോര്‍ജ്

Back To NRI Home Forward This News Click here for detailed news of all items

ടെക്സസ്: നവംബറിൽ നടക്കുന്ന അമേരിക്കൻ പ്രസിഡന്‍റ് തെരഞ്ഞെടുപ്പിൽ റിപ്പബ്ലിക്കൻ പാർട്ടിയുടെ ഉരുക്കുകോട്ടയായി അറിയപ്പെടുന്ന ടെക്സസ് സംസ്ഥാനത്ത് ഡോണൾഡ് ട്രംപിന്‍റെ വിജയം ഉറപ്പാക്കണമെന്ന ദൃഢനിശ്ചയത്തോടെ പാർട്ടി അമരക്കാരനായ മലയാളി എബ്രഹാം ജോർജ് രംഗത്ത്.

റിപ്പബ്ലിക്കൻ പാർട്ടിയുടെ ടെക്‌സസ് അധ്യക്ഷനായി ഈ വർഷം മേയിലാണ് എബ്രഹാം ജോർജ് അധികാരമേറ്റത്. പാലക്കാട് നരിമറ്റത്തിൽ പാസ്റ്റർ ജോർജ് എൻ. ഏബ്രഹാമിന്‍റെയും പരേതയായ റേച്ചൽ ജോർജിന്‍റെയും മകനാണ്.

1996ൽ തന്‍റെ 16 വയസിലാണ് ഏബ്രഹാം കുടുംബത്തിനൊപ്പം ടെക്സസിലെ കരോൾട്ടണിൽ എത്തിയത്. തുടർന്ന് ഉന്നത വിദ്യാഭ്യാസം നേടി ഐടി രംഗത്തു ജോലി ചെയ്തു. 2008ലെ പ്രസിഡന്‍റ് തെരഞ്ഞെടുപ്പ് സമയത്താണ് അദ്ദേഹം രാഷ്‌ട്രീയത്തിൽ സജീവമായത്.

കോളിൻ കൗണ്ടി റിപ്പബ്ലിക്കൻ പാർട്ടി കൗണ്ടി ചെയർമാനായും സ്റ്റേറ്റ് പാർട്ടിയുടെ മുൻ എസ്ആർഇസി അംഗമായും സേവനമനുഷ്ഠിച്ചു. കോളിൻ കൗണ്ടി കൺസർവേറ്റീവ് റിപ്പബ്ലിക്കൻമാരുടെ ബോർഡിലും കൺവൻഷനുകളുടെ കമ്മിറ്റി ചെയർമാനുമടക്കം വിവിധ തലങ്ങളിലും സേവനമനുഷ്ഠിച്ചു.

കോളിൻ കൗണ്ടി റിപ്പബ്ലിക്കൻ പാർട്ടിയുടെ വൈസ് ചെയർ സ്ഥാനവും പിന്നീട് സെനറ്റ് ഡിസ്ട്രിക്റ്റ് 8നെ പ്രതിനിധീകരിക്കുന്ന സ്റ്റേറ്റ് റിപ്പബ്ലിക്കൻ എക്സിക്യൂട്ടീവ് കമ്മിറ്റിയിൽ ഇടവും നേടി. തുടർന്ന് പാർട്ടി വൈസ് ചെയർ ഡാന മിയേഴ്സിനെ പരാജയപ്പെടുത്തി‌ ഏബ്രഹാം പാർട്ടിയുടെ സംസ്ഥാന അധ്യക്ഷനുമായി.

നവംബറിൽ നടക്കുന്ന യുഎസ് പ്രസിഡന്‍റ് തെരഞ്ഞെടുപ്പ് ഏബ്രഹാമിന് നിർണാ‌യകമാണ്. ‌ട്രംപിന് ‌ടെക്സസിൽ മികച്ച വിജയം നേടികൊടുക്കാനുള്ള ശ്രമത്തിലാണ് ഇദ്ദേഹവും സംഘവും.

ഭാര്യ ജീന(പ്രിയ). മക്കൾ: സാറ, ഏബൽ. റോസ്‌ലിൻ ജോൺ ഏക സഹോദരിയാണ്. ഡോ. ജെയ്സൺ ജോൺ സഹോദരി ഭർത്താവുമാണ്. ഡാളസ് ഐപിസി ഹെബ്രോൻ സഭാംഗമാണ്.

കേരള അസോസിയേഷൻ നാഷ്‌വിൽ സ്വാതന്ത്ര്യ ദിന ഫ്ലോട്ടിന് പ്രത്യേക പുരസ്‌കാരം.

നാഷ്‌വിൽ: ഇന്ത്യൻ അസോസിയേഷൻ ഓഫ് നാഷ്‌വിൽ സംഘടിപ്പിച്ച ഇന്ത്യൻ സ്വാതന്ത്ര്യ ദിന പരേഡിൽ കേരള അസോസിയേഷൻ നാഷ്‌വിലിന്‍

സാൻഫ്രാൻസിസ്കോ ബേ ഏരിയ പഞ്ചാരി മേളം ടീം അരങ്ങേറ്റം കുറിച്ചു.

ലിവർമോർ: സാൻഫ്രാൻസിസ്കോ ബേ ഏരിയയിലെ പഞ്ചാരി മേളം ടീംലിവർമോറിൽ അരങ്ങേറ്റം കുറിച്ചു.

കേരള കൗൺസിൽ ഓഫ് ചർച്ചസ് ജനറൽ സെക്രട്ടറി ഡോ. പ്രകാശ് പി. തോമസ് യുഎസിൽ.

ന്യൂയോർക്ക്: കേരളത്തിലെ സഭകളുടെ ഔദ്യോഗിക ഐക്യവേദിയായ കേരള കൗൺസിൽ ഓഫ് ചർച്ചസിന്‍റെ ജനറൽ സെക്രട്ടറി ഡോ.

അമേരിക്കൻ പ്രസിഡന്‍റ് തെരഞ്ഞെടുപ്പ്: സംവാദത്തിൽ കലഹിച്ച് ട്രംപും കമലയും.

വാഷിംഗ്ടൺ: അമേരിക്കൻ പ്രസിഡന്‍റ് തെരഞ്ഞെടുപ്പിനു മുന്നോടിയായുള്ള സംവാദത്തിൽ അടിയും തിരിച്ചടിയുമായി സ്ഥാനാർഥികളായ

സി.എ. വർഗീസ് യുഎസ്‌എയിൽ അന്തരിച്ചു.

ഇത്തിത്താനം: പൊൻപുഴ ചിറത്തലാട്ട് സി.എ. വർഗീസ് (വർഗീസ് സാർ 85 ) യുഎസ്‌എയിൽ അന്തരിച്ചു. സംസ്കാരം പിന്നീട്.