ലണ്ടൻ: ക്രോയിഡോണിൽ നടന്ന ഉമ്മൻ ചാണ്ടി അനുസ്‌മരണവും ഉമ്മൻ ചാണ്ടി ഫൗണ്ടേഷൻ ഉദ്ഘാടനവും അവിസ്മരണീയമായി. രാഷ്‌ട്രീയ കലാ സാമുദായിക സാമൂഹ്യ രംഗത്തെ നിരവധി പ്രമുഖർ അനുസ്മരണത്തിൽ പങ്കെടുത്തു.
കെപിസിസി പ്രസിഡന്‍റ് കെ. സുധാകരൻ ഉദ്ഘാടന പ്രസംഗം നടത്തി. ഉമ്മൻ ചാണ്ടി എന്ന മനുഷ്യ സ്‌നേഹി കാണിച്ചു തന്ന മാതൃക ഉമ്മൻ ചാണ്ടി ഫൗണ്ടേഷൻ പിന്തുടരണമെന്ന് അദ്ദേഹം പറഞ്ഞു. പ്രോഗ്രാം കൺവീനർ ബേബികുട്ടി ജോർജ് സ്വാഗത പ്രസംഗവും ഒഐസിസി നാഷണൽ പ്രസിഡന്‍റ് കെ. കെ. മോഹൻദാസ് അധ്യക്ഷ പ്രസംഗവും നടത്തി.
ഉമ്മൻ ചാണ്ടിയുടെ മകനും എംഎൽഎയുമായ ചാണ്ടി ഉമ്മൻ, മലയാളികളായ ബ്രിട്ടൻ എംപി സോജൻ ജോസഫ്, കംബ്രിഡ്ജ് മേയർ ബൈജു തിട്ടാല എന്നിവർ മുഖ്യപ്രഭാഷണം നടത്തി.
ഒഐസിസി യുകെ നാഷണൽ പ്രസിഡന്‍റ് കെ. കെ. മോഹൻദാസിന്‍റെയും ഒഐസിസി യുകെ നാഷണൽ സെക്രട്ടറിയും പ്രോഗ്രാം ജനറൽ കൺവീനറുമായ ബേബികുട്ടി ജോർജിന്‍റെയും മുഖ്യ നേതൃത്വത്തിലാണ് പരിപാടി സംഘടിപ്പിച്ചത്.
ഒഐസിസി ഗ്ലോബൽ പ്രസിഡന്‍റ് ജെയിംസ് കുടൽ, ക്രോയിഡോൺ മുൻ മേയർ മഞ്ജു ഷാഹുൾ ഹമീദ്, കെപിസിസി വൈസ് പ്രസിഡന്‍റ് വി.പി. സജീന്ദ്രൻ, കെപിസിസി സെക്രട്ടറിമാരായ എം.എം. നസീർ, റിങ്കു ചെറിയാൻ, ഐഒസി പ്രസിഡന്‍റ് കമൽ ദലിവാൽ, മലങ്കര ഓർത്തഡോസ് സഭ വൈദിക സംഘം സെക്രട്ടറി റവ. ഫാ.ഡോ. നൈനാൻ വി ജോർജ്,
ഒഐസിസി യൂറോപ് വനിതാ കോഓർഡിനേറ്ററും ഒഐസിസി യുകെ നാഷണൽ വർക്കിംഗ് പ്രസിഡന്‍റുമായ ഷൈനു മാത്യു, ഒഐസിസി നാഷണൽ വർക്കിംഗ് പ്രസിഡന്‍റുമാരായ സുജു ഡാനിയേൽ, അപ്പാ ഗഫൂർ, മണികണ്ഠൻ ഭാസ്കരകുറുപ്പ്, കെഎംസിസി ബ്രിട്ടൻ ചെയർമാൻ കരിം മാസ്റ്റർ,
ഒഐസിസി യൂറോപ്പ്‌ കോഓർഡിനേറ്റർ സുനിൽ രവീന്ദ്രൻ, ഒഐസിസി സറേ റീജിയൺ പ്രസിഡന്‍റ് വിൽസൺ ജോർജ്, ഒഐസിസി ക്രോയിഡോൺ യൂണിറ്റ് പീസിഡന്‍റ് ലില്ലിയ പോൾ, ഒഐസിസി നേതാവ് റോമി കുര്യാക്കോസ് (സത്യം ന്യൂസ്‌ ചീഫ് റിപ്പോർട്ടർ, യുകെ) തുടങ്ങിയ നേതാക്കൾ പങ്കെടുത്തു.
ഒഐസിസി സറേ റീജിയൺ ട്രഷറർ ബിജു വർഗീസ് നിർമാണവും സംവിധാനവും നിർവഹിച്ച് ഒഐസിസി യുകെ സാറേ റീജിയൺ മീഡിയ കോഓർഡിനേറ്റർ തോമസ് ഫിലിപ്പി വോയിസ് ഓവർ നൽകിയ ഉമ്മൻ ചാണ്ടി അനുസ്മരണ ഹ്രസ്യ ചിത്രം സദസിൽ അവതരിപ്പിച്ചു.
ഒഐസിസി നേതാവ് ജോർജ് ജേക്കബ് സ്റ്റേജ് പരിപാടികൾക്ക് നേതൃത്വം നൽകി. ലിലിയ പോളും അലാന ആന്‍റണിയും അവതാരകമാരായി. എല്ലാവർക്കും ഫുഡ് കമ്മിറ്റി ലീഡർ അഷ്‌റഫ്‌ അബ്ദുല്ലയുടെ നേതൃത്വത്തിൽ ഭക്ഷണം നൽകി.
ഒഐസിസി നാഷണൽ കമ്മിറ്റി അംഗം സാജു മണക്കുഴി, ഒഐസിസി സറേ ജനറൽ സെക്രട്ടറി സാബു ജോർജ്, ഒഐസിസി സറേ എക്സിക്യൂട്ടീവ് അംഗങ്ങളായ ജോർജ് ജോസഫ്, ചെല്ലപ്പൻ നടരാജൻ, ബിജു ഉതുപ്പ് എന്നിവരും പരിപാടി വിജയമാക്കുന്നതിൽ പ്രധാന പങ്കുവഹിച്ചു
എൻഎച്ച്എസിലെ നഴ്സുമാരും ജോലിക്കാരും ഉമ്മൻ ചാണ്ടിയുടെ ഛായാചിത്രത്തിൽ പുഷ്പാർച്ച നടത്തി. കെഎസ്‌യു പ്രവർത്തകരായ ബിബിൻ ബോബച്ചൻ, എഫ്രേം സാം, അജാസ് മുഹമ്മദ്, അൽത്താഫ് മുഹമ്മദ് ഷംസുദീൻ, ഗീവർഗീസ്, അബ്‌ദുൾ, റഹ്മാൻ എന്നിവരും സമ്മേളത്തിൽ എത്തിയിരുന്നു.
പരിപാടി വിജയമാക്കാൻ സഹകരിച്ച എല്ലാവർക്കും സറേ റീജിയൺ പ്രസിഡന്‍റ് വിൽസൺ ജോർജ് നന്ദി അർപ്പിച്ചു. തുടർന്ന് ദേശീയ ഗാനാലാപത്തോടെ പരിപാടി സമാപിച്ചു.
|