ഫിലാഡല്ഫിയ: ഭാരതഅപ്പസ്തോലനും ഇടവക മധ്യസ്ഥനുമായ വിശുദ്ധ തോമ്മാശ്ലീഹായുടെ ദുക്റാന(ഓര്മ) തിരുനാള് കഴിഞ്ഞമാസം 28 മുതല് ജൂലൈ എട്ട് വരെ വിവിധതിരുക്കർമങ്ങളോടെയും കലാപരിപാടികളോടെയും ആഘോഷിച്ചു.
28ന് വൈകുന്നേരം ഇടവകവികാരി റവ. ഡോ. ജോര്ജ്ദാനവേലില്, ഷിക്കാഗോ സീറോമലബാര് രൂപതാ വികാരിജനറാള് റവ. ഫാ. ജോണ് മേലേപ്പുറം എന്നിവര് സംയുക്തമായി കൊടി ഉയര്ത്തി പത്തു ദിവസം നീണ്ടുനിന്ന തിരുനാള് ആഘോഷങ്ങള്ക്കു ആരംഭം കുറിച്ചു.
ജൂലൈ അഞ്ചിന് മുന് വികാരി റവ. ഫാ. കുര്യാക്കോസ് കുമ്പക്കിലും ശനിയാഴ്ച റവ. ഫാ. ജോബി ജോസഫും (സെന്റ് മേരീസ് സീറോമലബാര്, ലോംഗ് ഐലന്റ്) മുഖ്യകാർമികരായി തിരുനാള് കുര്ബാനയും ലദീഞ്ഞും നടത്തി.
![](/nri/perunnaljuly221.jpg)
ശനിയാഴ്ച ലദീഞ്ഞിനു ശേഷം ചെണ്ടമേളത്തിന്റെയും ബഹുവര്ണ മുത്തുക്കുടകളുടെയും അകമ്പടിയോടെ വിശുദ്ധരുടെ തിരുസ്വരൂപങ്ങള് സംവഹിച്ചുകൊണ്ടുള്ള പ്രദക്ഷിണം. തുടര്ന്ന് കലാസന്ധ്യ അരങ്ങേറി. ഇടവകയിലെ കലാപ്ര തിഭകളും പ്രസുദേന്തി കുടുംബങ്ങളും അവതരിപ്പിച്ച മൂന്നു മണിക്കൂര് നീണ്ടുനിന്ന കലാസന്ധ്യ ഹൃദ്യമായിരുന്നു.
നൃത്തകലാകാരനും മാതാ ഡാന്സ് അക്കാഡമി ഡയറക്ടറുമായ ബേബി തടവനാലിന്റെ കോറിയോഗ്രഫിയില് നൃത്തവിദ്യാലയത്തിലെ കലാപ്രതിഭകള് ബേബിയൊന്നിച്ചവതരിപ്പിച്ച അവതരണനൃത്തം ഇടവക ഗായക സംഘത്തിന്റെ ഗാനാമൃതം, സിസിഡി ഗേള്സിന്റെ പ്രാർഥനാനൃത്തം, പ്രസുദേന്തി ദമ്പതികളും കുട്ടികളും ചേര്ന്നവതരിപ്പിച്ച നൃത്തങ്ങള്,
മിമിക്രി ആര്ട്ടിസ്റ്റുകളായ ആക്കാട്ടു മുറോയ്/റോജ് സഹോദരങ്ങള് അവതരിപ്പിച്ച സൈന് ആര്ട്ടിസ്റ്റുകളുടെ ശബ്ദാനുകരണം, മരിയന് മദേഴ്സിന്റെ സ്കിറ്റ് സെന്റ് വിന്സന്റ് ഡി പോള് ടീം അവതരിപ്പിച്ച ഹാസ്യനാടകം, യൂത്ത്ഡാന്സ് എന്നിവ സദസ്യര് നന്നായി ആസ്വദിച്ചു.
![](/nri/perunnaljuly2211.jpg)
കമ്പ്യുട്ടര് സങ്കേതികവിദ്യയു ടെ സഹായത്താല് കലാപരമായ ഡിസൈനുകളും സ്റ്റേജിലവതരിപ്പിക്കു ന്ന കലാരൂപത്തിനിണങ്ങുന്ന പശ്ചാത്തല ദൃശ്യവിസ്മയങ്ങളും സമന്വയിപ്പിച്ചുള്ള വീഡിയോ വാള് സ്റ്റേജിനു മിഴിവേകി. ടിജോ പറപ്പുള്ളി, ജയിന് സന്തോഷ്, ആല്ബിന് ഏബ്രാഹം, എമിലിന് തോമസ് എന്നിവര് കലാസന്ധ്യയുടെ അവതാരകരായി.
പ്രധാന തിരു നാള് ദിവസമായ ജൂലൈ ഏഴിന് രാവിലെ 9.30ന് റവ. ഫാ. ലിജോ കൊച്ചുപറമ്പിലിന്റെ (ഫിലാഡല്ഫിയ സെന്റ് ന്യുമാന് ക്നാനായ കത്തോലിക്കാ മിഷന്) മുഖ്യകാർമികത്വത്തില് ആഘോഷമായ തിരുനാള് റാസ കുര്ബാന നടന്നു.
![](/nri/perunnaljuly22111.jpg)
റവ. ഫാ. ജോസഫ് അലക്സ് (കാത്തലിക് യൂണിവേഴ്സിറ്റി, വാഷിംഗ്ടണ് ഡിസി) തിരുനാള് സന്ദേശം നല്കി. നൊവേനയ്ക്കും ലദീഞ്ഞിനു ശേഷം വിശുദ്ധരുടെ തിരുസ്വരൂപങ്ങള് സംവഹിച്ചുകൊണ്ടുള്ള പ്രദക്ഷിണം, യുവജനങ്ങള് തയാറാക്കിയ കാര്ണിവല്, തുടര്ന്ന്സ്നേഹവിരുന്ന് എന്നിവ നടന്നു.
![](/nri/perunnaljuly221111.jpg)
മരിച്ചവരുടെ ഓർമദിനമായ ജുലൈ എട്ടിന് വൈകുന്നേരം ഏഴിനുള്ള ദിവ്യബലി, ഒപ്പീസ് എന്നിവയെ തുടര്ന്ന് റവ. ഡോ. ജോര്ജ് ദാനവേലില് കൊടിയിറക്കിയതോടെ പത്തു ദിവസം നീണ്ട് തിരുനാളാഘോഷങ്ങള്ക്കു തിരശീലവീണു.
വിന്സന്റ് ഇമ്മാനുവലും കുടുംബവുമായിരുന്നു ഈ വര്ഷത്തെ തിരുനാള് നടത്തിയത്. ഇടവക വികാരി റവ. ഡോ. ജോര്ജ് ദാനവേലില്, കൈക്കാരന്മാരായ ജോജി ചെറുവേലില്, ജോസ് തോമസ്, പോളച്ചന് വറീദ്, സജി സെബാസ്റ്റ്യന്, ജെറി കുരുവിള, പാരീഷ് സെക്രട്ടറി ടോം പാറ്റാനിയില്, തിരു നാള് പ്രസുദേന്തി, പാരിഷ്കൗണ്സില് അംഗങ്ങള് എന്നിവര് തിരുനാളിന്റെ ക്രമീകരണങ്ങള് നിര്വഹിച്ചു.
ഫോട്ടോ: ജോസ്തോ തോമസ്
|