ഫിലാഡൽഫിയ: ഷിക്കാഗോ സെന്‍റ് തോമസ് സീറോമലബാർ രൂപതയുടെ ആസ്ഥാനദേവാലയമായ മാർ തോമ്മാശ്ലീഹാ കത്തീഡ്രലിൽ ജൂലൈ 14ന് സീറോമലബാർ കത്തോലിക്കാ കോണ്ഗ്രസിന്റെ (എസ്എംസിസി) രജതജൂബിലി ആഘോഷങ്ങളോടനുബന്ധിച്ച് സെപ്റ്റംബർ 27 മുതൽ 29 വരെ ദേശീയ തലത്തിൽ ഫിലഡൽഫിയയിൽ നടക്കുന്ന സീറോമലബാർ കുടുംബസംഗമത്തിന്‍റെ രജിസ്ട്രേഷൻ കിക്ക് ഓഫ് നടത്തി.
ബിഷപ് എമരിത്തൂസ് മാർ ജേക്കബ് അങ്ങാടിയത്ത്, കത്തീഡ്രൽ വികാരി വെരി റവ. ഫാ. തോമസ് കടുകപ്പിള്ളിൽ, രൂപതാ വൈസ് ചാൻസലർ റവ. ഫാ. ജോണ്സണ്, റവ. ഫാ. യൂജീൻ, ഫാമിലി കോണ്ഫറൻസ് ചെയർപേഴ്സണ്‍ ജോർജ് മാത്യു, എസ്എംസിസി നാഷണൽ സെക്രട്ടറി/ജൂബിലികമ്മിറ്റി കോചെയർപേഴ്സണ് മേഴ്സി കുര്യാക്കോസ്, ഷിക്കാഗോ ചാപ്റ്റർ ഭാരവാഹികളായ സെബാസ്റ്റ്യൻ എമ്മാനുവേൽ, ജോസഫ് ജോസഫ്,
കത്തീഡ്രൽപള്ളി കൈക്കാരന്മാരായ ബിജി മാണി, ബോബി ചിറയിൽ, സന്തോഷ് കാട്ടൂക്കാരൻ, വിവിഷ് ജേക്കബ് എന്നിവ ടെ സാന്നിധ്യത്തിൽ രൂപതാ ബിഷപ്പ് മാർ ജോയ് ആലപ്പാട്ട് ഞായറാഴ്ച രാവിലെ ദിവ്യബലിക്കുഷം ഫാമിലി കോണ്ഫറൻസ് നാഷണൽ കോർഡിനേറ്റർ ജോണ്സണ് കണ്ണൂക്കാടനിൽനിന്നും ആദ്യ രജിസ്ടേഷൻ സ്വീകരിച്ചുകൊണ്ട് ഉദ്ഘാടനം ചെയ്തു.
എസ്എംസിസി. മുൻ നാഷണൽ പ്രസിഡന്‍റ് ജോർജ് ജോസഫ് കൊട്ടുകാപ്പള്ളി, ഷാബു മാതണ്ട, ബിജി വർഗീസ്, നീനു പ്രതീഷ്, ജോസഫ് നഴിയന്പാറ, ഷിബു അഗസ്റ്റിൻ, കുര്യാക്കോസ് തുണ്ടിപറന്പിൽ, ഷാജി ജോസഫ്, സണ്ണി വള്ളിക്കളം, ആഗ്നസ് തെങ്ങുംമൂട്ടിൽ എന്നിവ രജിസ്ട്രേഷൻ കിക്ക് ഓഫ് ചടങ്ങിൽ പങ്കെടുത്തു. അൽഫോൻസാ ഹാളിലാണ് ചടങ്ങുകൾ ക്രമീകരിച്ചത്.
ബിഷപ് മാർ ജോയ് ആലപ്പാട്ട് തന്‍റെ ആമുഖ പ്രസംഗത്തിൽ രൂപതയുടെ സ്ഥാപനത്തിനും വളർച്ചയ്ക്കും ഫിലഡൽഫിയായിൽ 1999ൽ നടന്ന ആദ്യ സീറോമലബാർ നാഷണൽ കണ്‍വൻഷൻ എങ്ങനെ സഹായകമായി എന്നും രൂപതയുടെ വളർച്ച‌യ്ക്ക് എസ്എംസിസി നൽകിക്കൊണ്ടിരിക്കുന്ന സഹായസഹകരണങ്ങളും അനുസ്മരിച്ചു.
മാർ ജേക്കബ് അങ്ങാടിയത്ത് ഫാമിലി കോണ്ഫറൻസിന് എല്ലാവിധ ആശംസകളും അർപ്പിച്ചു. ചെയർപേഴ്സണ്‍ ജോർജ് മാത്യു തന്‍റെ പ്രസംഗത്തിൽ രൂപതയിലെ എല്ലാ സീറോമലബാർ വിശ്വാസികളെയും കുടുംബമേളയിലേക്ക് സ്വാഗതം ചെയ്യുകയും, എല്ലാവരും നേരത്തെതന്നെ രജിസ്റ്റർ ചെയ്യേണ്ടതിന്‍റെ ആവശ്യകത ഊന്നിപ്പറയുകയും ചെയ്തു. മേഴ്സി കുര്യാക്കോസ് എല്ലാവരെയും സദസിന് പരിചയപ്പെടുത്തി. ജോണ്സണ് കണ്ണൂക്കാടൻ എം.സിയായി.
ചാപ്റ്റർ സെക്രട്ടറി സെബാസ്റ്റ്യൻ എമ്മാനുവേൽ നന്ദി പ്രകാശിപ്പിച്ചു. കോവിഡ് മഹാമാരിക്കുശേഷം രൂപതയുടെ നേതൃത്വത്തിൽ എല്ലാ സീറോമലബാർ ഇടവകകളുടെയും, മിഷനുകളുടെയും സഹകരണത്തോടെ ഫിലഡൽഫിയയിൽ നടത്തപ്പെടുന്ന ഈ ദേശീയ കൂടുംബസംഗമം അമേരിക്കയിലെ നസ്രാണികത്തോലിക്കരുടെ ഏറ്റവും വലിയ ഒത്തുചേരലായിരിക്കും.
സീറോമലബാർ ദേശീയകുടുംബസംഗമത്തിനും, എസ്എംസിസി. രജതജൂബിലി ആഘോഷങ്ങൾക്കും, സഭാപിതാക്കന്മാരും, വൈദികരും, സന്യസ്തരും അത്മായനേതാക്കളും, അമേരിക്കയിലെ എല്ലാ ഇടവകകളിൽനിìമുള്ള കുടുംബങ്ങളും പങ്കെടുക്കും.
മൂന്ദിനുവസത്തെ സമ്മേളനത്തോടനുബന്ധിച്ച് എല്ലാദിവസവും ആഘോഷമായ ദിവ്യബലി, യുവജനസമ്മേളനം, മിസ് സീറോമലബാർ മൽസരം, ക്വയർ ഫെസ്റ്റ്, വൈവിദ്ധ്യമാർന്ന കലാപരിപാടികൾ, നസ്രാണിതനിമയിലുള്ള പൈതൃകഘോഷയാത്ര, ബൈബിൾ സ്കിറ്റ്, വിവിധ വിഷയങ്ങളെ അധികരിച്ചുള്ള സെമിനാറുകൾ/ചർച്ചാസമ്മേളനങ്ങൾ, വിവാഹജീവിതത്തിന്‍റെ 25/50 വർഷങ്ങൾ ആഘോഷിçന്ന ജൂബിലി ദന്പതിമാരെ ആദരിക്കൽ, മതാധ്യാപകസംഗമം, ബാങ്ക്വറ്റ്, വോളിബോൾ ടൂർണമെന്‍റ്, ഫിലാഡൽഫിയ സിറ്റി ടൂർ എന്നിവ ക്രമീകരിച്ചിട്ടുണ്ട്.
സീറോമലബാർ കൂടുംബസംഗമത്തിന്‍റെ നടത്തിപ്പിനായി ദേശീയതലത്തിൽ ബിഷപ് മാർ ജോയ് ആലപ്പാട്ട് മുഖ്യ രക്ഷാധികാരിയും, എസ്എംസിസി. നാഷണൽ സ്പിരിച്വൽ ഡയറക്ടർ റവ. ഫാ. ജോർജ് എളംബാശേരിൽ; ആതിഥേയഇടവകവികാരി റവ. ഡോ. ജോർജ് ദാനവേലിൽ എന്നിവർ രക്ഷാധികാരികളും; ജോർജ് മാത്യു സിപിഎ (ചെയർപേഴ്സണ്‍), ഡോ. ജയിംസ് കുറിച്ചി, മേഴ്സി കുര്യാക്കോസ്, (കോചെയർപേഴ്സണ്സ്),
ജോസ് മാളേയ്ക്കൽ (ജനറൽ സെക്രട്ടറി), ജോർജ് വി. ജോർജ് (ട്രഷറർ), നാഷണൽ കോർഡിനേറ്റർമാരായ ജോജോ കോട്ടൂർ, ജോണ്സണ് കണ്ണൂക്കാടൻ എന്നിവരും വിവിധ സബ്കമ്മിറ്റി ചെയർപേഴ്സണ്‍സും ഉൾപ്പെടെയുള്ള സിൽവർ ജൂബിലി കമ്മിറ്റി എസ്എംസിസി. നാഷണൽ പ്രസിഡന്‍റ് സിജിൽ പാലക്കലോടി, ജനറൽ സെക്രട്ടറി മേഴ്സി കുര്യാക്കോസ്, ബോർഡ് ചെയർമാൻ ജോർജുകുട്ടി പുല്ലാപ്പള്ളി എന്നിവർ നേതൃത്വം നൽകുന്ന നാഷണൽ കമ്മിറ്റിയോടൊപ്പം പ്രവർത്തിച്ചു.
മൂìദിവസത്തെ സമ്മേളനത്തിൽ പങ്കെടുക്കാൻ ഒരാൾക്ക് ഭക്ഷണമുൾപ്പെടെ 150 ഡോളറും, നാലുപേരടങ്ങിയ ഫാമിലിക്ക് 500 ഡോളറുമാണൂ രജിസ്ട്രേഷൻ ഫീസ്. ദൂരസ്ഥലങ്ങളിൽനിന്നെത്തുന്നവർക്ക് താമസത്തിന് സമീപസ്ഥങ്ങളായ ഹോട്ടലുകൾ കൂടാതെ ആതിഥേയകുടുംബങ്ങളെ ക്രമീകരിക്കുന്നതിനും സംഘാടകർ ശ്രമിച്ചു.
കോണ്ഫറൻസിന് രജിസ്റ്റർ ചെയ്യുന്നതിന് ഓണ്‍ലൈൻ വഴിയുള്ള രജിസ്ട്രേഷൻ ആണ് ഏറ്റവും സ്വീകാര്യം. കോണ്ഫറൻസ് സംബന്ധിച്ച എല്ലാവിവരങ്ങളും ജൂബിലി വെബ്സൈറ്റിൽ ലഭ്യമാകും.
വെബ്സൈറ്റ്: www.smccjubilee.orgcontentImageInside
സോമർസെറ്റ് സെന്‍റ് തോമസ്, ന്യൂയോർക്ക് ബ്രോങ്ക്സ് ദേവാലയങ്ങളിൽ ഇതിനോടകം നടന്ന കിക്ക് ഓഫുകളിൽ ധാരാളം കുടുംബങ്ങൾ ബുക്ക് ചെയ്തുകഴിഞ്ഞു. സീറ്റുകൾ പരിമിതമായതിനാൽ താത്പര്യമുള്ളവർ എത്രയും പെട്ടെന്ന് വെബ്സൈറ്റുവഴി രജിസ്റ്റർ ചെയ്യണമെന്ന് സംഘാടകർ അറിയിച്ചു. രജിസ്ട്രേഷനുള്ള അവസാന തീയതി ഓഗസ്റ്റ് 31.
|