ന്യൂയോർക്ക്: ഡ്രീം ടീമിന്റെ കലാശക്കൊട്ട് ഗംഭീരമായി. സജിമോൻ ആന്റണി നേതൃത്വം നൽകുന്ന ഡ്രീം ടീമിന്റെ കേരള സെന്ററിൽ നടന്ന ഒത്തുകൂടൽ പങ്കാളിത്തം കൊണ്ടും ആവേശ പ്രകടനം കൊണ്ടും അത്ഭൂതപൂർവമായി.
പങ്കെടുത്ത 200ൽ പരം പേരിൽ മിക്കവാറും ഫൊക്കാന തെരഞ്ഞെടുപ്പിൽ വോട്ടുള്ള ഡെലിഗേറ്റുകളാണ്. കാനഡ മുതൽ വാഷിംഗ്ടൺ ഡിസി വരെയുള്ള ഡെലിഗേറ്റുകൾ കലാശക്കൊട്ടിനായി ഒത്തുകൂടുകയും എന്തുകൊണ്ട് തങ്ങൾ മത്സരിക്കുന്നു എന്നും എന്തുകൊണ്ട് ഈ ടീമിൽ നിൽക്കുന്നു എന്നും വിശദീകരിക്കുകയും ചെയ്തു.
![](/nri/fokanajuly182.jpg)
മേരി ഫിലിപ്പിന്റെ ആമുഖവും മേരിക്കുട്ടി മൈക്കിളിന്റെ പ്രാർഥനാഗാനവും കഴിഞ്ഞതോടെ സെക്രട്ടറി സ്ഥാനാർഥി ശ്രീകുമാർ ഉണ്ണിത്താൻ ടീമിനെപ്പറ്റി വിവരിച്ചു. വ്യത്യസ്ത മേഖലകളിൽ വിജയം നേടിയവർ ആണ് ടീമിൽ. ഡോക്ടർമാർ മുതൽ വിവിധ മേഖലകളിലുള്ളവർ. മികച്ച പ്രാസംഗികരും എഴുത്തുകാരും അടങ്ങിയ ടീം.
പ്രസിഡന്റ് സ്ഥാനാർഥി സജിമോൻ ആന്റണി പ്രസംഗം ആവേശമുണർത്തുന്നതായിരുന്നു. ട്രഷറർ സ്ഥാനാർഥി ജോയി ചാക്കപ്പന്റെ പ്രസംഗത്തിൽ ബാബു സ്റ്റീഫന്റെ നേതൃത്വം ഉണ്ടാക്കിയ നേട്ടങ്ങൾ അനുസ്മരിച്ചു.
![](/nri/fokanajuly183.jpg)
എന്നാൽ 2022 24 കാലത്തെ ഭരണസമിതി, അവരുടെ മാനിഫെസ്റ്റിയിൽ പറഞ്ഞ പല കാര്യങ്ങളും നടപ്പിലാക്കിയില്ലെന്നും അദ്ദേഹം ആരോപിച്ചു. ഇപ്പോഴത്തെ സെക്രട്ടറിയും ട്രസ്റ്റി ബോർഡ് സ്ഥാനാർഥിയുമായ ബിജു കൊട്ടാരക്കര, ഈ പാനലിൽ ചേർന്നത് എന്തുകൊണ്ട് എന്നുവിശദീകരിച്ചു.
നിലവിലെ സെക്രട്ടറിയാണ് എതിർപാനലിനു നേതൃത്വം നല്കുന്നതെങ്കിലും താൻ അതിൽ ചേർന്നില്ല. പ്രധാനകാരണം സജിമോനൊപ്പം നേരത്തെ പ്രവർത്തിച്ചപ്പോഴത്തെ അനുഭവവും ഡ്രീം ടീമിന്റെ കർമപരിപാടിയുമാണ്.
![](/nri/fokanajuly184.jpg)
എക്സി. പ്രസിഡന്റ് സ്ഥാനാർഥി പ്രവീൺ തോമസ്, വൈസ് പ്രസിഡന്റ് സ്ഥാനാർഥി വിപിൻ രാജ്, ജോ. സെക്രട്ടറി സ്ഥാനാർഥി മനോജ് ഇടമന, അഡിഷണൽ ജോയിന്റ് സെക്രട്ടറി സ്ഥാനാർഥി അപ്പുകുട്ടൻ പിള്ള, അഡിഷണൽ ജോയിന്റ് ട്രഷർ സ്ഥാനാർഥി മില്ലി ഫിലിപ്പ്, വിമൻസ് ഫോറം ചെയർപേഴ്സൺ സ്ഥാനാർഥി രേവതി പിള്ള,
ട്രസ്റ്റീ ബോർഡിലേക്ക് മത്സരിക്കുന്ന ബിജു ജോൺ, നാഷണൽ കമ്മിറ്റി അംഗങ്ങളായ സോണി അമ്പൂക്കൻ, അഡ്വ. ലതാ മേനോൻ, ഷിബു എബ്രഹാം സാമുവേൽ, മേരി ഫിലിപ്പ്, മേരികുട്ടി മൈക്കിൾ, മനോജ് മാത്യു, ഡോ. ഷൈനി രാജു, മത്തായി ചാക്കോ, സിജു സെബാസ്റ്റ്യൻ, സുദീപ് നായർ,
സോമൻ സക്കറിയ, ജീമോൻ വർഗീസ്, ടോജോ ജോസ്, അജിത് ചാണ്ടി, അജിത് കൊച്ചൂസ്, കെവിൻ ജോസഫ്, റീജിയണൽ വൈസ് പ്രസിഡന്റായി മത്സരിക്കുന്ന ബെന് പോള്, കോശി കുരുവിള, ജോസി കാരക്കാട്, ലാജി തോമസ്, ആന്റോ വർക്കി, തുടങ്ങിയവർ പ്രസംഗിച്ചു.
ഫൊക്കാനയുടെ ആദ്യ ട്രഷറർ തോമസ് തോമസ് സ്ഥാനാർഥികളെ പൊന്നാടയണയിച്ചു.
|