പെൻസിൽവേനിയ: മലങ്കര ഓർത്തഡോക്സ് നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിൽ മൂന്നാം ദിനത്തിൽ ശീമാ നമസ്‌കാരത്തിനു ശേഷം മലയാളത്തിൽ ഫാ. ബോബി വറുഗീസും ഇംഗ്ലീഷിൽ കൃപയാ വർഗീസും ധ്യാനപ്രസംഗങ്ങൾ നടത്തി.
ഗായക സംഘാംഗങ്ങളുടെ ഗാനാലാപനത്തെ തുടർന്ന് ജോയിന്‍റ് ട്രഷറർ ഷോൺ എബ്രഹാം ഈ ദിവസത്തെ വിവരങ്ങൾ നൽകി. മൂന്നാം ദിവസം ടെക്സസിൽ നിന്നെത്തിയ ഫാ. ജോയൽ മാത്യുവാണ് നയിച്ചത്.
ഫാ. ഡോ. വർഗീസ് വർഗീസ് (മീനടം) രണ്ടാം ദിവസത്തെ പ്രഭാഷണ പരമ്പരയ്ക്കായി ഷോൺ എബ്രഹാമിനെ ക്ഷണിച്ചു. "ദൈവിക ആരോഹണത്തിന്‍റെ ഗോവണി'യെ എല്ലാവർക്കും മനസിലാവുന്ന ഭാഷയിൽ അദ്ദേഹം വ്യക്തമാക്കി.
"ഫോക്കസി'നുവേണ്ടി ഫാ. സെറാഫിം മജ് മുദാറും എംജിഒഎസ്എമ്മിനു വേണ്ടി ഫാ. ജോയൽ മാത്യുവും സൺഡേ സ്കൂൾ കുട്ടികൾക്കായി അഖിലാ സണ്ണിയും ഫാ. സുജിത് തോമസും ക്ലാസുകൾ നയിച്ചു. തുടർന്ന് ഗ്രൂപ്പ് ഡിസ്കഷൻ നടന്നു.
നമസ്‌കാരങ്ങൾക്ക് ശേഷം ഫോട്ടോ സെഷൻ. റിസോർട്ടിന് പുറത്ത് എല്ലാവരും ഒത്തുകൂടി. ഉച്ചയ്ക്ക് ശേഷം വിവിധ വിഷയങ്ങളിൽ ഡോ. ജോയിസി ജേക്കബ്, ഫാ. ഡോ. വർഗീസ് വർഗീസ് (മീനടം), ഫാ. റ്റോബിൻ മാത്യു, ഫാ. സെറാഫിം മജ് മുദാർ, ഫാ. ജോയൽ മാത്യു, ഫാ. ഡോ. എബി ജോർജ്, ഫാ. അനൂപ് തോമസ്, അഖിലാ സണ്ണി, ഫാ. സുജിത് തോമസ് എന്നിവർ ക്ലാസുകൾ എടുത്തു.
പിന്നീട് സൺഡേ സ്കൂൾ സമാപന സമ്മേളനം. സമാപന സമ്മേളനത്തിൽ സഖറിയാസ് മാർ നിക്കോളാവോസ് മെത്രാപ്പൊലീത്ത, ഫാ. ഡോ. വർഗീസ് വർഗീസ് (മീനടം), ഫാ. അബു പീറ്റർ തുടങ്ങിയവർ സംസാരിച്ചു.
80 വയസ് പൂർത്തിയായവരെ ആദരിക്കുന്ന ചടങ്ങും ഉണ്ടായിരുന്നു. മുൻ ഫാമിലി കോൺഫറൻസ് പ്രവർത്തകരായ ഫാ. സണ്ണി ജോസഫ്, ജോബി ജോൺ, മാത്യു ജോഷ്വ, ചെറിയാൻ പെരുമാൾ എന്നിവരെ ആദരിച്ചു.
ഫാമിലി കോൺഫറൻസ് കോർ ടീം അംഗങ്ങൾ, ഭദ്രാസന കൗൺസിൽ അംഗങ്ങൾ, സഭാ മാനേജിംഗ് കമ്മിറ്റി അംഗങ്ങൾ എന്നിവർ വേദിയിൽ ഉപവിഷ്ടരായിരിക്കെ റാഫിൾ ടിക്കറ്റിന്‍റെ വിജയികളെ പ്രഖ്യാപിക്കുകയും ചെയ്തു.
മൂന്നാം സമ്മാനമായ ആപ്പിൾ വാച്ചുകൾ യഥാക്രമം അലക്സ് പോത്തൻ, ഡോ. ജോയിസി ജേക്കബ്, തോമസ് പുരയ്‌ക്കൽ എന്നിവർക്കും രണ്ടാം സമ്മാനമായ ഒരൗൺസ്‌ സ്വർണം യഥാക്രമം ഷോൺ എബ്രഹാമിനും ബിന്ദു മാത്യുവിനും ഒന്നാം സമ്മാനമായ പതിനായിരം ഡോളർ (വെക്കേഷൻ പാക്കേജ്) പ്രേംസി ജോണിനും ലഭിച്ചു.
റാഫിൾ കോഓർഡിനേറ്റർ മാത്യു വർഗീസ്, ജോയിന്‍റ് സെക്രട്ടറി ഷിബു തരകൻ, ഫിനാൻസ് മാനേജർ ജോൺ താമരവേലിൽ എന്നിവർ ക്രമീകരണങ്ങൾക്ക് നേതൃത്വം നൽകി. തുടർന്ന് സുവനീർ സ്പോൺസർമാരെ ആദരിക്കുന്ന ചടങ്ങായിരുന്നു.
ഡയമണ്ട് സ്പോൺസറായി ആറ് പേരും ഗോൾഡ് സ്പോൺസറായി 30 പേരും ഗ്രാൻഡ് സ്പോൺസറായി 26 പേരും മുന്നോട്ട് വന്നിരുന്നു. എല്ലാവർക്കും മൊണാസ്റ്ററി ഐക്കോണുകൾ നൽകി. ട്രഷറർ മാത്യു ജോഷ്വ എല്ലാവർക്കും കൃതജ്ഞത അർപ്പിച്ചു. ജാസ്മിൻ ജോർജ്, ഐറിൻ ജോർജ്, ഷോൺ എബ്രഹാം എന്നിവരായിരുന്നു എംസിമാർ.
ഗായകസംഘത്തിന്‍റെ പാട്ടുകൾക്ക് ശേഷം നമസ്കാര റിട്രീറ്റും കുമ്പസാരവും നടന്നു. ശുശ്രൂഷകർക്കുള്ള പഠനകളരി രാത്രി എട്ടിന് ഫാ. ടോബിൻ മാത്യു, ഫാ. അനൂപ് തോമസ് എന്നിവരുടെ നേതൃത്വത്തിലും നടന്നു.
|