ലണ്ടൻ: യുകെ സന്ദർശിക്കാനെത്തിയ പുതുപ്പള്ളി എംഎൽഎ ചാണ്ടി ഉമ്മന് ഒഐസിസി നാഷണൽ പ്രസിഡന്‍റ് കെ.കെ. മോഹൻദാസും പ്രവർത്തകരും ചേർന്ന് വിമാനത്താവളത്തിൽ സ്വീകരിച്ചു.
തുടർന്ന് അദ്ദേഹത്തിന് ഒഐസിസി നാഷണൽ കമ്മിറ്റി അംഗങ്ങളും ഒഐസിസി സറേ റീജിയൺ പ്രഡിഡന്‍റ് വിൽ‌സൺ ജോർജിന്‍റെയും ഒഐസിസി യുകെ ജനറൽ സെകട്ടറി ബേബികുട്ടി ജോർജിന്‍റെയും മുഖ്യനേതൃത്വത്തിലും മറ്റു നേതാക്കളും ചേർന്ന് ക്രോയിഡോണിൽ ഗംഭീര സ്വീകരണം നൽകി.
ഉമ്മൻ ചാണ്ടിയുടെ ഒന്നാം ചരമ വാർഷിക ആചരണവും അനുസ്മരണ സമ്മേളനവും ഉമ്മൻ ചാണ്ടി ഫൗണ്ടേഷൻ തുടക്കവും വലിയ ഈ മാസം 28ന് നടത്താൻ തീരുമാനിച്ചിരിക്കുന്നതായി നേതാക്കൾ അറിയിച്ചു.
ഒഐസിസിയുടെ നാഷണൽ, റീജിയണൽ നേതാക്കളെ മാത്രം ഉൾകൊള്ളിച്ചു പെട്ടന്ന് വിളിച്ചു ചേർത്ത മീറ്റിംഗിൽ സംഘാടകർ പ്രതീക്ഷിച്ചതിലും കൂടുതൽ ആളുകൾ പങ്കെടുത്തത് ഉമ്മൻ ചാണ്ടി എന്ന നേതാവിനോട് പ്രവാസികൾക്കുള്ള സ്‌നേഹവും ബഹുമാനവും എടുത്തറിയിക്കുന്നതായിരുന്നു.
ഒഐസിസി യുകെ നേതക്കാന്മാർ ചാണ്ടി ഉമ്മന് നൽകിയ അത്താഴ വിരുന്നിൽ തന്‍റെ പിതാവിന് പ്രവാസി മലയാളികളോടുള്ള സ്നേഹം എത്രയായിരുന്നു എന്നോർമിപ്പിക്കുവാൻ ഉമ്മൻ ചാണ്ടി പ്രവാസികളുടെ വിമാന ടിക്കറ്റ് കുറയ്ക്കാൻ നടത്തിയ പദ്ധതികളെ കുറിച്ച് ചാണ്ടി ഉമ്മൻ വിശദീകരിച്ചു.
താനും യുകെയിൽ കുറച്ചു കാലം പ്രവാസി ആയിരുന്നതും അന്ന് താനും ഒഐസിസി പ്രവർത്തകനായിരുന്നു എന്നും അദ്ദേഹം ഓർമിച്ചു.
ഒഐസിസി യുകെ നാഷണൽ പ്രസിഡന്‍റ് കെ.കെ. മോഹൻദാസ്, ഒഐസിസി നാഷണൽ ജനറൽ സെകട്ടറി ബേബികുട്ടി ജോർജ്, റീജിയണൽ പ്രസിഡന്‍റ് വിത്സൺ ജോർജ് എന്നിവരുടെ നേതൃത്വത്തിൽ നടത്തിയ അത്താഴവിരുന്നിൽ ഒഐസിസി യുക്കെ നാഷണൽ വർക്കിംഗ് പ്രസിഡന്‍റുമാരായ അപ്പാ ഗഫുർ, സുജു ഡാനിയേൽ, ഷൈനു മാത്യു, വൈസ് പ്രസിഡന്‍റ് അൾസ ഹാർഅലി, ജനറൽ സെക്രട്ടറി ബേബിക്കുട്ടി ജോർജ് എന്നിവർ ചാണ്ടി ഉമ്മന് അനുമോദനങ്ങൾ നേർന്നു.
ഒഐസിസി നാഷണൽ എക്സിക്യൂട്ടീവ് അംഗങ്ങളായ റോണി ജേക്കബ്, ജയൻ റാൻ, സോണി ചാക്കോ, സാജു ആന്‍റണി ഒഐസിസി, സറേ റീജിയൺ പ്രസിഡന്‍റ് വിത്സൺ ജോർജ്, ഒഐസിസി സറേ റീജിയൺ ജനറൽ സെക്രട്ടറി സാബു ജോർജ്, ട്രഷറർ ബിജു വർഗീസ്, സത്യം ന്യൂസ്‌ ചീഫ് റിപ്പോർട്ടർ (യുകെ), റോമി കുര്യാക്കോസ്, സറേ റീജിയൺ എക്സിക്യൂട്ടീവ് അംഗങ്ങളായ അഷറഫ് അബ്‌ദുല്ല,
ജോർജ് ജോസഫ്, ചെല്ലപ്പൻ നടരാജൻ, ഷാംജിത്ത് ഒഐസിസി ക്രോയിഡോൺ യൂണിറ്റ് പ്രസിഡന്‍റ് ലിലിയ പോൾ, സറേ റീജണൽ നേതാവ് ജോർജ് ജേക്കബ്, ഒഐസിസി സാറേ മീഡിയ കോഓർഡിനേറ്റർ തോമസ് ഫിലിപ്പ് എന്നിവർ ആശംസ പ്രസംഗങ്ങൾ നടത്തി.
അതിവിപുലമായി യുകെ ഒഐസിസി കമ്മറ്റി നടത്താനിരിക്കുന്ന ഉമ്മൻ ചാണ്ടി ഒന്നാം ചരമ വാർഷിക അനുസ്മരണവും ഉമ്മൻ ചാണ്ടി ഫൗണ്ടേഷൻ ഉദ്ഘാടനവും ഒരു വലിയ വിജയമാക്കി തീർക്കുവാൻ എല്ലാവരും ഒറ്റകെട്ടായി പ്രവർത്തിക്കുമെന്ന് നേതാക്കന്മാർ ഉറപ്പ് നൽകി.
കേരളത്തിൽ നിന്നും കെപിസിസി പ്രസിഡന്‍റ് കെ. സുധാകരൻ എംപിയും എം.കെ. പ്രേമചന്ദ്രൻ എംപിയും നേതാക്കൾ പങ്കെടുക്കുന്ന ഉമ്മൻ ചാണ്ടി ചരമ വാർഷിക പരിപാടി ഒരു ചരിത്ര സംഭവമാക്കി മാറ്റുവാൻ പ്രവത്തിക്കുകയാണ് ഓരോ ഒഐസിസി നേതാക്കന്മാരും പ്രവർത്തകരും.
ഉമ്മൻ ചാണ്ടി ചരമ വാർഷികവും ഫൗണ്ടേഷൻ ഉദ്ഘാടനത്തിനെ കുറിച്ച് കൂടുതൽ വിവരങ്ങൾ അറിയുവാൻ പ്രോഗ്രാം ജനറൽ കൺവീനർ ബേബികുട്ടി ജോർജിനോടും ജോയിന്‍റ് കൺവീനർമാരായ അപ്പാ ഗഫുർ, വിൽ‌സൺ ജോർജ് എന്നിവരുമായി ബന്ധപെടാമെന്നു ഒഐസിസി നേതൃത്വം അറിയിച്ചു.
|