ന്യൂജഴ്സി: സോമര്സെറ്റ് സെന്റ് തോമസ് സീറോമലബാര് കാത്തലിക് ഫൊറോനാ ദേവാലത്തിൽ ഭാരതത്തിന്റെ അപ്പസ്തോലനും ഇടവക മധ്യസ്ഥനുമായ വിശുദ്ധ തോമാശ്ശീഹായുടെയും ഭാരതത്തിലെ ആദ്യ വിശുദ്ധ അല്ഫോന്സാമ്മയുടെയും തിരുനാള് ഈ മാസം 28 മുതല് ജൂലൈ ഏഴ് വരെ സംയുക്തമായി കൊണ്ടാടുന്നതായി ഇടവക വികാരി ഫാ. ആന്റണി പുല്ലുകാട്ട് സേവ്യർ അറിയിച്ചു.
തിരുനാളിനു ആരംഭം കുറിച്ചുള്ള കൊടികയറ്റം 28ന് വെകുന്നേരം 7.15ന് വിശുദ്ധ യൂദാശ്ലീഹായുടെ നൊവേനയ്ക്കും തുടർന്ന് നടന്ന ആഘോഷമായ ദിവ്യബലിക്കും ശേഷം നടത്തപ്പെടും. ദിവ്യബലിക്ക് ഇടവക വികാരി റവ.ഫാ. ആന്റണി പുല്ലുകാട്ട് സേവ്യർ മുഖ്യകാര്മ്മികത്വം വഹിക്കും.
അന്നേദിവസം എല്ലാ പിതാക്കന്മാർക്കുവേണ്ടിയുള്ള പ്രത്യേക പ്രാർഥനകൾ നടക്കും. തുടര്ന്ന് വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. പ്രാർഥന ചടങ്ങുകൾക്ക് സെന്റ് തോമസ് വാർഡ് കുടുംബാംഗങ്ങൾ നേതൃത്വം നൽകും.
29ന് രാവിലെ ഒന്പതിന് നിത്യസഹായ മാതാവിനോടുള്ള നൊവേനയും തുടർന്ന് നടക്കുന്ന വിശുദ്ധ ദിവ്യബലിക്ക് റവ. ഫാ. ഡോ. ജോർജ് മഠത്തിപ്പറമ്പിൽ മുഖ്യ കാര്മികത്വം വഹിക്കും. ഇടവക വികാരി സഹകാർമികത്വം വഹിക്കും.
തുടര്ന്ന് വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. ഇന്നേദിവസം കുട്ടികൾക്കുവേണ്ടിയുള്ള പ്രത്യേക പ്രാർഥനകൾ നടക്കും. പ്രാർഥന ചടങ്ങുകൾക്ക് സെന്റ് അൽഫോൻസാ വാർഡ് കുടുംബാംഗങ്ങൾ നേതൃത്വം നൽകും.
30ന് ഞായറാഴ്ച രാവിലെ 7.30നും 11.30നുമായി രണ്ടുദിവ്യബലികൾ (മലയാളം) ഉണ്ടായിരിക്കും. റവ. ഫാ. തോമസ് വട്ടംകാട്ടേലിന്റെ മുഖ്യകാർമികത്വത്തിൽ നടക്കുന്ന വിശുദ്ധ ദിവ്യബലിയോടെ ഇന്നത്തെ തിരുനാള് ആഘോഷങ്ങള്ക്ക് തുടക്കമാകും.
ഇന്നേ ദിവസം ഗ്രാന്റ് പാരന്റ്സ് ഡേയ് ആയി ആചരിക്കും. എല്ലാ ഗ്രാന്റ് പാരന്റ്സിനും വേണ്ടി പ്രത്യക പ്രാഥനകളും നടത്തപ്പെടും. വിശുദ്ധ അല്ഫോന്സാമ്മയുടെ നൊവേന പതിവുപോലെ ഉണ്ടായിരിക്കുന്നതാണ്. തിരുനാള് പ്രാര്ഥനകള്ക്ക് സെന്റ് പോൾ വാർഡ് കുടുംബാംഗങ്ങൾ നേതൃത്വം നൽകും.
ജൂലൈ ഒന്നിന് തിങ്കളാഴ്ചയിലെ തിരുകര്മങ്ങള് വൈകിട്ട് 7.30ന് റവ. ഫാ. എബ്രഹാം ഒരപ്പാങ്കലിന്റെ മുഖ്യകാർമികത്വത്തിൽ നടക്കും. ഇടവക വികാരി സഹകാർമികത്വം വഹിക്കും. തുടര്ന്ന് വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും.
ഇന്നേ ദിവസം അമ്മമാരുടെ ദിനമായി ആചരിക്കും. എല്ലാഅമ്മമാർക്കും വേണ്ടി പ്രത്യേക പ്രാര്ഥനകളും നടത്തപ്പെടും. പ്രാര്ഥനയ്ക്ക് സെന്റ് ആന്റണി വാര്ഡ് കുടുംബാംഗങ്ങള് നേതൃത്വം നല്കും. ജൂലൈ രണ്ടിന് ചൊവാഴ്ച വൈകിട്ട് 7.15ന് ഉണ്ണി ഈശോയുടെ നൊവേനയോടെ ഇന്നത്തെ തിരുക്കര്മങ്ങള്ക്ക് തുടക്കമാവും.
റവ. ഫാ. ബിജു നാറാണത്ത് സിഎംഐയുടെ മുഖ്യകാർമികത്വത്തിലായിരിക്കും വിശുദ്ധ ബലി നടത്തപ്പനെടുന്നത്. തുടർന്ന് പതിവുപോലെ അല്ഫോന്സാമ്മയുടെ മധ്യസ്ഥതയിലുള്ള നൊവേനയും നടക്കും. ഇന്നേദിവസം കുട്ടികളുടെ ദിനമായി ആചരിക്കും. അവര്ക്കായി പ്രത്യേക പ്രാര്ഥനകളും നടത്തപ്പെടും. പ്രാര്ഥനകള്ക്ക് സെന്റ് ജോസഫ് വാര്ഡ് കുടുംബാംഗങ്ങള് നേതൃത്വം കൊടുക്കും
ജൂലൈ മൂന്നിന് വിശുദ്ധ തോമാശ്ശീഹായുടെ ദുക്റാന തിരുനാൾ (രക്തസാക്ഷിത്വ ദിനം) ഭക്ത്യാദരപൂർവം ആചരിക്കും. വൈകുന്നേരം 5.30ന് റവ. ഫാ. ജോബി ജോസഫിന്റെ മുഖ്യകാർമികത്വത്തിൽ ഇംഗ്ലീഷിലും 7.30ന് നടക്കുന്ന ആഘോഷമായ റാസക്രമത്തിലുള്ള ദിവ്യബലിക്ക്, പാറ്റേഴ്സൺ സെന്റ് ജോർജ് വികാരി റവ.ഫാ. സിമ്മി തോമസ്, റവ.ഫാ. ജോസഫ് അലക്സ്, ഇടവക വികാരി എന്നിവരുടെ കാർമികത്വത്തിലായിരിക്കും നടക്കുക.
ദിവ്യബലിയെ തുടർന്ന് പതിവുപോലെ വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. ഇന്നേദിവസം യുവാക്കൾക്കായുള്ള പ്രത്യക പ്രാർത്ഥനകളും നടക്കും. പ്രാർഥനാ ചടങ്ങുകൾക്ക് സെന്റ് മേരീസ് വാർഡ് കുടുംബാംഗങ്ങൾ നേതൃത്വം നൽകും.
ജൂലൈ നാലിന് തിരുകര്മങ്ങള് രാവിലെ ഒന്പതിന് റവ. ഫാ. ഫിലിപ് വടക്കേക്കരയുടെ മുഖ്യ കാര്മികത്വത്തിലുള്ള വിശുദ്ധ ദിവ്യബലിയോടെ ആരംഭിക്കും. തുടർന്ന് വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. ഇന്നേദിവസം എല്ലാ കുടുംബങ്ങൾക്കും വേണ്ടി പ്രത്യേക പ്രാർഥനകൾ നടത്തും. പ്രാര്ഥനകൾക്ക് സെന്റ് ജൂഡ് വാർഡ് കുടുംബാംഗങ്ങള് നേതൃത്വം നൽകും.
ജൂലൈ അഞ്ചിന് വൈകീട്ട് 7.15ന് വിശുദ്ധ കുർബാനയുടെ ആരാധനയും തുടർന്ന് വിശുദ്ധ ദിവ്യബലിയും വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. ഇന്നത്തെ ദിവ്യബലി ഡിവൈൻ മേഴ്സി ഹീലിംഗ് സെന്റർ ഡയറക്ടർ റവ. ഫാ. സുനിൽ ഏനെക്കാട്ടിന്റെ മുഖ്യകാർമികത്വത്തിൽ നടക്കും.
ഇടവക വികാരി സഹകാർമികത്വം വഹിക്കും. ഇന്നേ ദിവസം രോഗശാന്തി പ്രാര്ത്ഥന ദിനമായി ആചരിക്കും. എല്ലാ രോഗികള്ക്കുവേണ്ടിയും പ്രത്യേക പ്രാര്ഥനകളും നടത്തപ്പെടും. പ്രാര്ഥനകള്ക്ക് സെന്റ്. ജോർജ് വാര്ഡ് കുടുംബാംഗങ്ങള് നേതൃത്വം നല്കും.
ജൂലൈ ആറിന് രാവിലെ ഒന്പതിന് നിത്യസഹായ മാതാവിനോടുള്ള നൊവേനയും തുടർന്ന് നടക്കുന്ന വിശുദ്ധ ദിവ്യബലിക്ക് ബാലസോർ രൂപതയുടെ പിതാവ് വർഗീസ് തോട്ടങ്കര സിഎമ്മിന്റെ മുഖ്യകാർമികത്വത്തിൽ നടക്കും.
ഇടവക വികാരി സഹകാർമികത്വം വഹിക്കും. തുടര്ന്ന് വിശുദ്ധ അല്ഫോന്സാമ്മയുടെ നൊവേനയും നടത്തപ്പെടും. ഇന്നേദിവസം സഭയ്ക്കും വൈദീകർക്കും വേണ്ടിയുള്ള പ്രത്യേക പ്രാർഥനകൾ നടത്തപ്പെടും. പ്രാര്ഥനകൾക്ക് സെന്റ് തെരേസ ഓഫ് കൽക്കട്ട വാർഡ് കുടുംബാംഗങ്ങള് നേതൃത്വം നൽകും.
ജൂലൈ ഏഴിന് പ്രധാന തിരുനാള് ദിനത്തില് വൈകീട്ട് നാലിന് രൂപ പ്രതിഷ്ഠയോടെ തിരുനാള് ചടങ്ങുകള് ആരംഭിക്കും. ആഘോഷമായ വിശുദ്ധ ദിവ്യബലിക്ക് ഷാര്ലെറ്റ് സെന്റ് മേരീസ് സീറോമലബാര് കാത്തലിക് ഇടവക വികാരി റവ.ഫാ.രാജീവ് വലിയവീട്ടില്, റവ.ഫാ. ഡോ. റോയ് പെരേര എസ്ജെ പിഎച്ച്ഡി, റവ.ഫാ. ഡോ. ജോർജ് മഠത്തിപ്പറമ്പിൽ, റവ.ഫാ.ഫിലിപ്പ് വടക്കേക്കര, റവ.ഫാ. ജോസഫ് അലക്സ് എന്നിവരോടൊപ്പം ഇടവക വികാരിയും സന്നിഹിതനായിരിക്കും.
ദേവാലയത്തിലെ മുഖ്യ തിരുകര്മങ്ങള്ക്കുശേഷം വിശുദ്ധരുടെ രൂപം വഹിച്ചുകൊണ്ടുള്ള നഗരികാണിക്കല് പ്രദക്ഷിണവും തിരുശേഷിപ്പ് വണക്കവും അടിമ സമര്പ്പണവും പ്രസുദേന്ധി വാഴ്ചയും നടക്കും.
തിരുനാൾ ആഘോഷങ്ങളോടനുബന്ധിച്ചു വൈകീട്ടു ഏഴ് മുതൽ വിവിധ കലാപരിപാടികൾ അരങ്ങേറും. മ്യൂസിക്കൽ ഷോ, ശിങ്കാരി മേളം, ബ്ലൂകെട്, ഇലക്റ്റിക് ഗ്രൂവ്സ്, റാഫിൾ, യൂത്ത് ബാൻഡ്, തുടർന്ന് ഫയർ വർക്സും നടക്കും.
ജൂലൈ എട്ടിന് വൈകിട്ട് 7.30ന് വിശുദ്ധബലിയും മരിച്ച ആത്മാക്കള്ക്കായുള്ള പ്രത്യേക പ്രാര്ഥകളും തുടര്ന്ന് കൊടിയിറക്കവും നടക്കും. സ്നേഹവിരുന്നോടെയാണ് ഓരോ ദിവസത്തെയും തിരുനാളിനു സമാപനം കുറിക്കുന്നത്.
ഈവര്ഷത്തെ തിരുനാള് ഏറ്റെടുത്ത് നടത്തുന്നത് റോയ് മാത്യു ആൻഡ് മിനി റോയ്, ബിജോയ് ആൻഡ് റോസ് പൊറവൻതട്ടിൽ, നിഖിൽ സ്റ്റീഫൻ ആൻഡ് സ്റ്റെഫി ഓലിക്കൽ എന്നീ കുടുംബാംഗങ്ങൾ ആണ്.
തിരുനാളിനോടനുബന്ധിച്ച് ദേവാലയത്തിലെ വിവിധ ഭക്തസംഘടനകള് നടത്തുന്ന സ്റ്റാളുകള് പ്രവര്ത്തിക്കുന്നതാണെന്ന് തിരുനാളിന്റെ സംഘടാകർ അറിയിച്ചു. തിരുനാളിന്റെ വിജയത്തിനായി വിവിധ കമ്മിറ്റികള് പ്രവര്ത്തിച്ചുവരുന്നു.
തിരുനാള് കര്മങ്ങളില് ഭക്തിപൂര്വം പങ്കുകൊണ്ടും വചനപ്രഘോഷണങ്ങള് പ്രാര്ഥനാപൂര്വം ശ്രവിച്ചും അനുഗ്രഹങ്ങള് പ്രാപിക്കാന് എല്ലാവരേയും സ്നേഹപൂര്വം ക്ഷണിക്കുന്നതായി ഇടവക വികാരി ഫാ. ആന്റണി പുല്ലുകാട്ട് സേവ്യർ അറിയിച്ചു.
കൂടുതല് വിവരങ്ങള്ക്ക്: ബോബി വർഗീസ് (ട്രസ്റ്റി) 2019272254, റോബിൻ ജോർജ് (ട്രസ്റ്റി), 848 3916535, സുനിൽ ജോസ് (ട്രസ്റ്റി) 7324217578, ലാസർ ജോയ് വെള്ളാറ (ട്രസ്റ്റി) 2015278081 (ട്രസ്റ്റി).
സാം അലക്സാണ്ടർ (തിരുനാൾ കോഓർഡിനേറ്റർ), സോമി മാത്യു (തിരുനാൾ കോഓർഡിനേറ്റർ), ലിൻഡ റോബർട്ട് (തിരുനാൾ കോഓർഡിനേറ്റർ), റീനു മാത്യു (തിരുനാൾ കോഓർഡിനേറ്റർ), സുബിൻ മഞ്ചേരി (തിരുനാൾ കോഓർഡിനേറ്റർ), സംഗീത് മേനാച്ചേരി (തിരുനാൾ കോഓർഡിനേറ്റർ), തെരീസ അലക്സ് (തിരുനാൾ കോഓർഡിനേറ്റർ).
വെബ്: www.stthomassyronj.org
|