കുവൈറ്റ് സിറ്റി : ’കെഫാക്’ ഇന്നോവറ്റിവ് സോക്കർ & മാസ്റ്റേഴ്സ് ലീഗ് 202324 സീസൺ ഫുട്ബോൾ ലീഗിൽ നിലവിലെ ചാമ്പ്യന്മാരായ യംഗ് ഷൂട്ടേർസ് അബാസിയ മാസ്റ്റേഴ്സ് വിഭാഗത്തിലും ഇന്നൊവേറ്റീവ് എഫ് സി സോക്കർ വിഭാഗത്തിലും കിരീടം നിലനിർത്തി.
മിശ്രിഫിലെ പബ്ലിക് അതോറിറ്റി ഫോർ യൂത്ത് സ്റ്റേഡിയത്തിൽ നടന്ന വാശിയേറിയ ഗ്രാൻഡ് ഫിനാലെ മത്സരങ്ങളിൽ ഒന്നിനെതിരെ രണ്ട് ഗോളുകൾക്ക് സിഎഫ്സി സാൽമിയയെ പരാജയപ്പെടുത്തിയാണ് യംഗ് ഷൂട്ടേർസ് അബാസിയ തുടർച്ചയായി രണ്ടാം തവണയും ചായമ്പ്യന്മാരായത് .
സോക്കർ ലീഗിൽ ഒരൊറ്റ മത്സരവും പരാജയപ്പെടാതെയാണ് ഇന്നോവറ്റിവ് എഫ് സി ചാപ്യൻപട്ടം നിലനിർത്തിയത് . ഫൈനലിൽ ഫ്ലൈറ്റെർസ് എഫ് സിയെ ടൈ ബ്രെക്കറിലാണ് പരാജയപ്പെടുത്തിയത് . മത്സരത്തിന്‍റെ ആദ്യ പകുതിയിൽ ജിബിൻ ബോസ്കോ നേടിയ അതിമനോഹരമായ ഗോളിൽ ഇന്നോവറ്റിവ് എഫ് സി മുന്നിലെത്തി . രണ്ടാം പകുതിയുടെ ഇഞ്ചുറി ടൈമിൽ രാഹുൽ നേടിയ ഗോളിൽ ഫ്ലൈറ്റെർസ് എഫ് സി സമനിലഗോൾ നേടിയതോടെ മത്സരം എക്സ്ട്രാ ടൈമിലേക്ക് നീങ്ങി. ടൈ ബ്രെക്കറിൽ നാലിനെതിരെ അഞ്ചു ഗോളുകൾക്ക് ഇന്നോവറ്റിവ് എഫ് സി തുടർച്ചായി രണ്ടാംതവണയും ചാമ്പ്യന്മാരായി .
കെഫാക് സോക്കർ ലീഗിൽ ആദ്യമായി ഏർപ്പെടുത്തിയ വേർജിൻ മെമ്മോറിയൽ റോളിംഗ് ട്രോഫി ഇന്നോവേറ്റിവ് എഫ്സിക്ക് ഇന്നോവറ്റിവ് മാനേജിംഗ് പാർട്ടണർ എബ്രഹാം ജോസ് കൈമാറി . ലൂസേഴ്സ് ഫൈനലുകിൽ മാസ്റ്റേഴ്സ് വിഭാഗത്തിൽ മലപ്പുറം ബ്രദേഴ്സിനെ പരാജയപ്പെടുത്തി ബ്ലാസ്റ്റേഴ്സ് എഫ് മൂന്നാം സ്ഥാനം നേടി . സോക്കർ ലീഗിൽ മാക് കുവൈറ്റിനെ പരാജയപ്പെടുത്തി സിൽവർ സ്റ്റാർസ് എസ് സി മൂന്നാം സ്ഥാനം നേടി . മാസ്റ്റേഴ്സ് & സോക്കർ വിഭാഗത്തിൽ ഫയർപ്ലേയ് ട്രോഫികൾക്ക് മലപ്പുറം ബ്രദേഴ്സ് അർഹരായി .
മാസ്റ്റേഴ്സ് വിഭാഗത്തിൽ അബ്ദുൽ ലത്തീഫ് (ഗോൾ കീപ്പർ .യംഗ് ഷൂട്ടേർസ് അബാസിയ ) അബ്ദുൽ റഷീദ് (ഡിഫൻഡർ യംഗ് ഷൂട്ടേർസ് അബാസിയ) ബൈജു (മികച്ച കളിക്കാരൻ സി എഫ് സി സാൽമിയ ) നിസാർ (ടോപ് സ്കോറർ ബ്ലാസ്റ്റേഴ്സ് എഫ് സി ) എന്നിവരെയും സോക്കർ ലീഗിൽ സുമിത്ത് (ഗോൾ കീപ്പർ ഫ്ലായറ്റേഴ്സ് എഫ് സി ) സന്ദീപ് (ഡിഫൻഡർ ഫ്ലായറ്റേഴ്സ് എഫ് സി ) ശ്രീ ഹരി (മികച്ച കളിക്കാരൻ ഇന്നോവറ്റിവ് എഫ് സി ) നജീം (ടോപ് സ്കോറർ സിൽവർ സ്റ്റാർസ് എസ് സി ) എന്നിവർ മികച്ച കളിക്കാരായി. എമേർജിങ് പ്ലയേഴ്സായി മുഹമ്മദ് അനസ് (മാക് കുവൈറ്റ് ) നിധിൻ ( സിൽവർ സ്റ്റാർസ് എസ് സി) എന്നിവരെയും തെരഞ്ഞെടുത്തു .
ഇന്നോവറ്റിവ് ഗ്രൂപ്പ് എം ഡി ജോസ് കാർമെൻഡ് , സന്തോഷ് (എം ഡി ഡിസൈനിംഗ് ഗ്രൂപ്പ് )അഖിൽ കാരി (ഡയറക്ടർ ഫ്രണ്ട് ലൈൻ ഇന്റർനാഷണൽ ) അബ്ദുൽ റസാഖ് (അബു ഹുറൈറ ) കെഫാക് പ്രസിഡന്റ് മൻസൂർ കുന്നത്തേരി , ട്രഷറർ മൻസൂർ അലി , വൈസ് പ്രസിഡന്‍റുമാരായ ബിജു ജോണി , റോബർട്ട് ബെർണാഡ് , സ്പോർട്സ് സെക്രട്ടറി അബ്ദുൽ റഹ്മാൻ കെഫാക് മാനേജ്മെന്റ് കമ്മറ്റി അംഗങ്ങളായ ജോർജ് ജോസഫ്, സഹീർ ആലക്കൽ, അബ്ദുൽ ലത്തീഫ്, കമറുദ്ധീൻ , ഫൈസൽ, ഇബ്രാഹിം, നാസർ പള്ളത്ത്, ഹനീഫ, ജംഷീദ് , ശക്കീർ, നൗഷാദ് കെ സി, ബിജു എബ്രഹാം , കെഫാക് ഫൗണ്ടർ മെമ്പർ മുബാറക് യൂസഫ് , മുൻ കമ്മറ്റി അംഗം ഷബീർ കളത്തിങ്കൽ , എന്നിവർ വിജയികൾക്കുള്ള ട്രോഫികൾ വിതരണം ചെയ്തു.
|