അബുദാബി: ദീർഘകാലത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന ശക്തി തീയറ്റേഴ്‌സ് അബുദാബിയുടെയും കേരള സോഷ്യൽ സെന്‍ററിന്‍റെയും സജീവപ്രവർത്തകരായ ഗോവിന്ദൻ നമ്പൂതിരിക്കും സിന്ധു ജി. നമ്പൂതിരിക്കും യാത്രയയപ്പ് നൽകി.
കേരള സോഷ്യൽ സെന്‍റർ, ശക്തി തീയറ്റേഴ്‌സ് അബുദാബി, യുവകലാസാഹിതി, ഫ്രണ്ട്സ് എഡിഎംഎസ് എന്നീ സംഘടനകൾ സംയുക്തമായാണ് യാത്രയയപ്പ് സമ്മേളനം ഒരുക്കിയത്.
1996 മുതൽ കേരള സോഷ്യൽ സെന്‍ററിന്‍റെയും ശക്തി തീയറ്റേഴ്‌സിന്‍റെയും സജീവപ്രവർത്തകനായ ഗോവിന്ദൻ നമ്പൂതിരി, നിരവധി തവണ ഇരുസംഘടനകളുടെയും ഭാരവാഹിയായി പ്രവർത്തിച്ചിട്ടുണ്ട്.
ശക്തിയിലും കെഎസ്‌സിയിലും സജീവപ്രവർത്തകയും അബുദാബിയിലെ കലാ സാംസ്കാരിക വനിതാ വേദികളിൽ നിറസാന്നിധ്യമായിരുന്ന സിന്ധു ജി. നമ്പൂതിരി ശക്തിയുടെയും കേരള സോഷ്യൽ സെന്‍ററിന്‍റെയും വനിതാ വിഭാഗം കൺവീനറായി പ്രവർത്തിച്ചിട്ടുണ്ട്.
മലയാളം മിഷൻ അബുദാബി ചാപ്റ്ററിലെ സീനിയർ അധ്യാപിക കൂടിയാണ് സിന്ധു. ശക്തിയുടെ സൂത്രധാരൻ, അത്ഭുത ദ്വീപ് എന്നീ നാടകങ്ങളിൽ നായിക കഥാപാത്രത്തെ അവതരിപ്പിച്ചി‌ട്ടുണ്ട്.
കേരള സോഷ്യൽ സെന്‍റർ പ്രസിഡന്‍റ് എ. കെ. ബീരാൻകുട്ടിയുടെ അധ്യക്ഷതയിൽ ചേർന്ന യാത്രയയപ്പ് സമ്മേളനത്തിൽ വിവിധ സംഘടനകളെ പ്രതിനിധീകരിച്ചുകൊണ്ട് കെഎസ്‌സി ജനറൽ സെക്രട്ടറി കെ. സത്യൻ, കലാവിഭാഗം സെക്രട്ടറി ലതീഷ് ശങ്കർ, ശക്തി പ്രസിഡന്‍റ് കെ. വി. ബഷീർ,
സെക്രട്ടറി എ. എൽ സിയാദ്, യുവകലാ സാഹിതി ആക്ടിംഗ് പ്രസിഡന്‍റ് രാഗേഷ് .എം, ഫ്രണ്ട്സ് എഡിഎംഎസ് പ്രസിഡന്‍റ് ഗഫൂർ എടപ്പാൾ, മലയാളം മിഷൻ അബുദാബി ചാപ്റ്റർ സെക്രട്ടറി സഫറുള്ള പാലപ്പെട്ടി, ഇൻകാസ് പ്രസിഡന്‍റ് ബി. യേശുശീലൻ,
ജെമിനി ഗ്രൂപ്പ് എം. ഡി. ഗണേഷ് ബാബു, പവർ ഗ്രൂപ്പ് എംഡി രാജൻ, സജീഷ് നായർ, പ്രകാശ് പല്ലിക്കാട്ടിൽ, റോയ് ഐ. വർഗീസ്, നൗഷാദ് കോട്ടക്കൽ, സലിം ചിറക്കൽ, സലിം ചോലമുഖത്ത്, ഹാരിസ് സി.എം.പി, നികേഷ് .വി, അജീബ് പരവൂർ, വിഷ്ണു മോഹൻദാസ്, സൗമ്യ ആർ.പി. എൻ,
സുമ വിപിൻ, അസീസ് ആനക്കര, പ്രമോദ്, ജോൺ വർഗീസ്, ശരീഫ് മാന്നാർ, ഗീത ജയചന്ദ്രൻ, മനോജ് ശങ്കർ, പ്രീത നാരായണൻ, ചിത്ര ശ്രീവത്സൻ, അനന്തലക്ഷ്മി ശരീഫ്, ഷംല സബ, ഷോബി അപ്പുക്കുട്ടൻ, ബിജു എന്നിവർ ആശംസകൾ നേർന്നു സംസാരിച്ചു.
|