കുവൈറ്റ് സിറ്റി: മേഖലയിലെ പ്രമുഖ റീട്ടെയിലറായ ലുലു ഹൈപ്പർമാർക്കറ്റ്, ‘ലുലു വേൾഡ് ഫുഡ്’ എന്ന പേരിൽ ഭക്ഷ്യ വിഭവങ്ങളുടെ പ്രൊമോഷൻ ആരംഭിച്ചു.
ബുധനാഴ്ച അൽ റായ് ഔട്ട്ലെറ്റിൽ ഉദ്ഘാടനം നിർവഹിക്കപ്പെട്ട പ്രൊമോഷൻ കുവൈറ്റിലെ എല്ലാ ലുലു ഹൈപ്പർമാർക്കറ്റ് ഔട്ട്ലെറ്റുകളിലുമായി രണ്ടാഴ്ചയോളം ഉണ്ടാകും. ഉദ്ഘാടന ചടങ്ങിൽ ഇന്ത്യൻ മാസ്റ്റർ ഷെഫ് സീസൺ എട്ട് ജേതക്കളും പ്രശസ്ത ഇന്ത്യൻ ഷെഫുമാരുമായ മുഹമ്മദ് ആഷിഖ്, പ്രാചി അഗാർക്കർ, കുവൈറ്റ് ഷെഫ് ടെറ ഹമാദ എന്നിവരും ലുലു മാനേജ്മെന്റ് അംഗങ്ങളും സ്പോൺസർമാരുടെ പ്രതിനിധികളും പങ്കെടുത്തു.
ലുലു വേൾഡ് ഫുഡ് പ്രമോഷൻ കാലയളവിൽ പലചരക്ക് സാധനങ്ങൾ, ഫ്രഷ് ഉത്പന്നങ്ങൾ, മാംസോത്പന്നങ്ങൾ, സീഫുഡ്, ശീതീകരിച്ച ഭക്ഷണങ്ങൾ, പാലുത്പന്നങ്ങൾ, വീട്ടുപകരണങ്ങൾ, അടുക്കള അവശ്യവസ്തുക്കൾ അടക്കം നിരവധി വസ്തുക്കൾക് അതിശയകരമായ കിഴിവുകൾ പ്രഖ്യാപിച്ചിട്ടുണ്ട്.
എല്ലാ ലുലു ഹൈപ്പർമാർക്കറ്റ് ഔട്ട്ലെറ്റുകളിലും പ്രമോഷൻ കാലയളവിൽ ആവേശകരമായ വിവിധ മത്സരങ്ങൾ ഒരുക്കിയിട്ടുണ്ട്.
അറബി, ഇൻഡ്യൻ, ഇറ്റാലിയൻ, കോണ്ടിനെന്റൽ, ഫിലിപ്പിനോ, തായ്, മെക്സിക്കൻ തുടങ്ങി വിവിധ പാചകരീതികളിൽ വിവിധ മത്സരങ്ങളിൽ തങ്ങളുടെ കഴിവുകൾ മാസ്റ്റർ ഷെഫുമാർക്ക് മുന്നിൽ തെളിയിക്കാൻ പങ്കെടുത്തവർക്ക് അവസരമുണ്ടായിരുന്നു.
അമ്മമാരും കുട്ടികളും ചേർന്ന് ആരോഗ്യദായക മായ സാലഡ് മാസ്റ്റർപീസുകൾ സൃഷ്ടിക്കുന്ന ഹൃദയസ്പർശിയായ ‘അമ്മയും ഞാനും’ മത്സരം ഏറെ ആകർഷണീയമായി. 610, 1115 പ്രായ വിഭാഗങ്ങൾക്കുള്ള "മാസ്റ്റർ ജൂനിയർ ഷെഫ്' മത്സരങ്ങളിൽ യുവപാചകക്കാരും തിളങ്ങി.
കോഫി പ്രേമികൾ ബാരിസ്റ്റ മത്സരത്തിൽ തങ്ങളുടെ ലാറ്റെ ആർട്ടും ബ്രൂവിംഗ് കഴിവുകളും പ്രദർശിപ്പിച്ചു. കേക്ക് ചലഞ്ചിൽ കേക്ക് അലങ്കരിക്കാനുള്ള കഴിവുകൾ നിരവധി പേർ പ്രദർശിപ്പിച്ചു. പങ്കെടുത്ത എല്ലാവർക്കും പ്രോത്സാഹന സമ്മാനങ്ങൾ ഉൾപ്പെടെ എല്ലാ വിജയികൾക്കും ആകർഷകമായ സമ്മാനങ്ങൾ ഉണ്ടായിരുന്നു.
പാചകത്തിൽ പ്രചോദനം തേടുന്നവർക്കായി മാസ്റ്റർ ഷെഫുകളുമായി ചിറ്റ്ചാറ്റ് സെഷനുകളും സെലിബ്രിറ്റി ഷെഫുകളുടെ തത്സമയ പാചക പ്രദർശനങ്ങളും ഉണ്ടായിരുന്നു. ബെസ്റ്റ് ബേക്ക്, കേക്ക് സോ കുക്കീസ്, നാടൻ തട്ടുകട, ഗ്ലോബൽ ക്യുസിൻ സ്ട്രീറ്റ് ഫുഡ് കൗണ്ടറുകൽ തുടങ്ങിയവയാണ് പ്രൊമോഷന്റെ ഹൈലൈറ്റ്.
ലോംഗസ്റ്റ് ടാക്കോ ഷവർമ, ഏറ്റവും വലിയ ബർഗർ, ഏറ്റവും വലിയ പിസ, ഏറ്റവും വലിയ ബിരിയാണി, ലോംഗസ്റ്റ് സിംഗ്സ് ഫില്ലറ്റ്, ബിഗ്ജസ്റ്റ് ബസ്ബൂസ, ബിരിയാണി ധമാക്ക, ലോംഗസ്റ്റ് മെക്സിക്കൻ ക്രിസ്പി റാപ് സാൻഡ്വിച്ച്, ലോംഗസ്റ്റ് ലോട്ടസ് കേക്ക് എന്നിവ മനം കവർന്നു. അൽവാസാൻ, ബയാറ, ആഫിയ, ബെറ്റി ക്രോക്കർ, നേച്ചർ വാലി, അമേരിക്കാന, സാദിയ, ലാം വെസ്റ്റൺ, അർല, പക്ക്, ക്രാഫ്റ്റ്, കിറ്റ്കോ, നെസ്ലെ, ഇഫ്കോ, നൂർ, ലണ്ടൻ ഡയറി, മക്കെയ്ൻ തുടങ്ങിയ സ്പോൺസർമാരുടെ പിന്തുണയോടെയാണ് പ്രമോഷൻ.
|