Deepika.com Nri News :ലുലു ഹൈപ്പർ മാർക്കറ്റ് ഷവാമെഖിൽ പ്രവർത്തനമാരംഭിച്ചു.......

Middle East & Gulf

ലുലു ഹൈപ്പർ മാർക്കറ്റ് ഷവാമെഖിൽ പ്രവർത്തനമാരംഭിച്ചു

Back To NRI Home Forward This News Click here for detailed news of all items

അബുദാബി: ലുലു ഗ്രൂപ്പിന്‍റെ പുതിയ ഹൈപ്പർ മാർക്കറ്റ് അബുദാബി ഷവാമെഖിൽ പ്രവർത്തനം ആരംഭിച്ചു. ലുലു ഗ്രൂപ്പ് ചെയർമാൻ എം.എ. യൂസഫലിയുടെ സാന്നിധ്യത്തിൽ അൽ വത്ബ മുനിസിപ്പാലിറ്റി ഡയറക്ടർ ഹുമൈദ് അൽ മർസൂഖി ഉദ്ഘാടനം നിർവഹിച്ചു.

അബുദാബി നഗരത്തിന്‍റെ പ്രാന്തപ്രദേശമായ ഷവാമെഖിൽ പുതുതായി ആരംഭിച്ച ഷവാമെഖ് സെൻട്രൽ മാളിലാണ് ലുലു ഹൈപ്പർ മാർക്കറ്റ്. 85,000 ചതുരശ്രയടി വിസ്തീർണ്ണത്തിലുള്ള ഹൈപ്പർ മാർക്കറ്റിൽ ഉപഭോക്തക്കളുടെ സൗകര്യം മുൻനിർത്തി ഏറ്റവും പുതിയ ഹൈപ്പർമാർക്കറ്റ് ലേഔട്ട് ഡിസൈനിലാണ് രൂപകൽപ്പന ചെയ്തിരിക്കുന്നത്.

സൂപ്പർമാർക്കറ്റ്, ഹോട്ട് ഫുഡ്‌സ്, ഫ്രഷ് ഫുഡ്, ബേക്കറി, ഇലക്ട്രോണിക്‌സ് വിഭാഗം, ലുലു ഫാഷൻ സ്റ്റോർ തുടങ്ങിയ സെക്ഷനുകളുമുണ്ട്. ഹൈപ്പർ മാർക്കറ്റിനെ കൂടാതെ മണി എക്സ്ചേഞ്ച്, ഫാർമസി, ഫുഡ് & ബിവറേജസ് ഔട്ട്‌ലെറ്റുകൾ, എടിഎം തുടങ്ങി വിവിധോദ്ദേശങ്ങളായ സ്ഥാപനങ്ങളുമുണ്ട്.

വിവിധങ്ങളായ ജനസമൂഹങ്ങളെ സേവിക്കുന്നതിനായി ലുലു ഗ്രൂപ്പ് ആരംഭിച്ച ഷോപ്പിംഗ് കേന്ദ്രം പ്രാദേശിക കാർഷകർക്ക് ഏറെ ഉപകാരപ്രദമായിരിക്കുമെന്ന് ഹുമൈദ് അൽ മർസൂഖി പറഞ്ഞു. നഗരത്തിൽ മാത്രമല്ല, പ്രാന്തപ്രദേശങ്ങളിലും ലുലു ഗ്രൂപ്പ് ജനങ്ങൾക്ക് നൽകുന്ന സേവനങ്ങളെ അദ്ദേഹം പ്രകീർത്തിച്ചു.

അബുദാബിയിൽ അടുത്ത വർഷാവസാനത്തോടെ ഏഴ് പുതിയ ഹൈപ്പർ മാർക്കറ്റുകൾ കൂടി ആരംഭിക്കുമെന്ന് എം.എ.യൂസഫലി പറഞ്ഞു. ഇത് 268ാമത്തെ ഹൈപ്പർ മാർക്കറ്റാണ്. അടുത്ത വർഷം അവസാനത്തോടെ ഹൈപ്പർ മാർക്കറ്റുകളുടെ എണ്ണം 300 ആക്കുക എന്നതാണ് ലക്ഷ്യം.

എമിറേറ്റിലെ ഉൾപ്രദേശങ്ങളിലെ ഉപഭോക്താക്കൾക്കും ദീർഘ ദൂരം യാത്ര ചെയ്യാതെ വേണ്ടതെല്ലാം വാങ്ങാനാവുക എന്ന ലക്ഷ്യത്തോടെയാണ് പുതിയ ഹൈപ്പർ മാർക്കറ്റ് നഗരത്തി നിന്നും മാറി ഷവാമെഖിൽ ആരംഭിച്ചത്. ലുലു ഗ്രൂപ്പിന് യുഎഇ ഭരണാധികാരികൾ നൽകുന്ന പിന്തുണയ്ക്ക് യൂസഫലി നന്ദി പറഞ്ഞു.

ലുലു ഗ്രൂപ്പ് സിഇഒ സൈഫി രൂപാവാല, എക്സിക്യൂട്ടീവ് ഡയറക്ടർ എം.എ. അഷ്റഫ് അലി, ലുലു അബുദാബി ഡയറക്ടർ അബൂബക്കർ, റീജിയണൽ ഡയറക്ടർ അജയ് കുമാർ എന്നിവരും സംബന്ധിച്ചു.

മഴയ്ക്കായി പ്രാർഥിച്ച് യുഎഇ.

അബുദാബി: മഴയ്ക്കായി പ്രാ‍ർഥനകൾ നടത്തി യുഎഇ.

കേളി കുടുംബ വേദി "സിനിമാ കൊട്ടക' തുറന്നു.

റിയാദ്: കേളി കുടുംബ വേദിയുടെ നേതൃത്വത്തിൽ സിനിമാ പ്രദർശനവും നിരൂപണവും ചർച്ചയും ലക്ഷ്യം വച്ചുകൊണ്ട് "സിനിമാ കൊട്ടക' എ

ജലയാത്രയുടെ നൂറുവർഷങ്ങൾ: ചില്ല സംവാദം സംഘടിപ്പിച്ചു.

റിയാദ്: കുമാരനാശാൻ വിടപറഞ്ഞിട്ട് ഒരു നൂറ്റാണ്ട് പിന്നിടുമ്പോൾ ‘ജലയാത്രയുടെ നൂറുവർഷങ്ങൾ’ എന്ന ശീർഷകത്തിൽ റിയാദില

കസവ് ഭാരവാഹികളെ തെരഞ്ഞെടുത്തു.

ഷാർജ: കണ്ണൂർ സാംസ്‌കാരിക വേദി (കസവ്) ഭാരവാഹികളെ തെരഞ്ഞെടുത്തു. പി.ആർ.

കുവൈറ്റിൽ ബസ് അപകടം: രണ്ട് പേർ മരിച്ചു.

കുവൈറ്റ് സിറ്റി: കുവൈറ്റിലെ ആറാം നമ്പർ റോഡിൽ ബസ് മണൽത്തിട്ടയിലിടിച്ചുണ്ടായ അപകടത്തിൽ രണ്ട് പേർ മരിച്ചു.