ടാമ്പ: മലയാളി മെഗാ ഷോ പാട്ടുത്സവം ഫ്രീഡിയ എന്‍റർടൈൻമെന്‍റ് ടാമ്പയിൽ ഈ മാസം 20ന് നടത്തപ്പെടുന്നു. വാൾറിക്കോയിലുള്ള ക്നാനായ കമ്യൂണിറ്റി ഹാളിൽ(2620 Washington Rd , Valrico , FL 33594) വൈകുന്നേരം ഏഴിനാണ് പരിപാടി ആരംഭിക്കുക.
മലയാളത്തിലെ ഏറ്റവും സ്റ്റേജ് പെർഫോമറായ റിമി ടോമിയുടെ പ്രകടനം സ്റ്റേജിൽ നേരിട്ടു കാണുവാനായി ഫ്ലോറിഡ മലയാളികൾ ആവേശത്തോടെയാണ് കാത്തിരിക്കുന്നത്. റിമി ടോമി, ബിജു നാരായണൻ ടീം നേതൃത്വം നൽകുന്ന പാട്ടുത്സവത്തിൽ ഗായകരായ കൗഷികും അശ്വതിയും ഹാസ്യ പരിപാടിയുമായി അനീഷ്, മായ, ശ്രീനാഥ് എന്നിവരും അണിചേരുന്നു.
ലൈവ് ഓർക്കസ്ട്രയോടൊപ്പം ഡാൻസും കോമഡിയും ഉൾക്കൊള്ളുന്നതാണ് ഈ മെഗാ ഷോ. ഫ്ലോറിഡയിലെ പരിപാടിയുടെ മുഖ്യസ്പോൺസർമാർ മാത്യു മുണ്ടിയാംകൽ, ബെൻ കനകാഭായ്, ജോമോൻ ആന്‍റണി, ടി. ഉണ്ണികൃഷ്ണൻ, ബിജു മനാഡയേൽ, ബാബു ദേവസ്യ, ഫ്രാൻസിസ് വയലുങ്കൽ, ടിറ്റോ ജോൺ, അജേഷ് ബാലാനന്ദൻ, വിഷ്ണു നായർ, സിജോ കുര്യാക്കോസ് തുടങ്ങിയവരാണ്.
ടിക്കറ്റുകൾ DesiEventsFL.com വെബ്സൈറ്റിൽ ലഭ്യമാണ്.
|