Deepika.com Nri News :എഫ്സിഎസ്‌സി സംഘടിപ്പിക്കുന്ന സ്റ്റേജ് ഷോ മേയ് 11ന്.......

Americas

എഫ്സിഎസ്‌സി സംഘടിപ്പിക്കുന്ന സ്റ്റേജ് ഷോ മേയ് 11ന്

Back To NRI Home Forward This News Click here for detailed news of all items

യോങ്കേഴ്‌സ്: ന്യൂയോർക്ക് വെസ്റ്റ് ചെസ്റ്റർ കൗണ്ടിയിലെ നഗരമായ യോങ്കേഴ്‌സ് ആസ്ഥാനമാക്കി ഒരു കൂട്ടം യുവജനങ്ങളുടെ നേതൃത്വത്തിൽ പുതിയ സംഘടന രൂപം കൊണ്ടു. കുടുംബമായി ഒത്തുകൂടുവാനും സൗഹൃദങ്ങൾ ഊട്ടിയുറപ്പിക്കുവാനും കലാ കായിക വിനോദങ്ങൾക്കും മറ്റു സാമൂഹിക പ്രവർത്തനങ്ങൾക്കുമൊക്കെ വേദിയൊരുക്കുക എന്ന ലക്ഷ്യത്തോടെയാണ് ഫ്രണ്ട്സ് കൾച്ചറൽ ആൻഡ് സ്പോർട്സ് ക്ലബ് (എഫ്സിഎസ്‌സി) എന്ന സംഘടന പിറവിയെടുത്തത്.

ന്യൂയോർക്ക് വൂൾവ്സ് എന്ന ക്രിക്കറ്റ് ടീം 2019 മുതൽ നിലവിലുണ്ടെങ്കിലും 2023ലാണ് സംഘടന ഫ്രണ്ട്സ് കൾച്ചറൽ ആൻഡ് സ്പോർട്സ് ക്ലബ് എന്ന പേര് സ്വീകരിച്ചു രജിസ്റ്റർ ചെയ്തു നിലവിൽ വന്നത്.

ക്ലബിന്‍റെ നേതൃത്വത്തിലുള്ള ചാരിറ്റി പ്രവർത്തനങ്ങൾക്കും മറ്റുമായി ക്രിസ്മസ് കരോൾ അടക്കമുള്ള വിവിധ പരിപാടികൾ കഴിഞ്ഞ കാലങ്ങളിൽ നടത്തിവരികയും വൻ വിജയമാവുകയും ചെയ്തിട്ടുണ്ട്.

സംഘടനയിൽ എല്ലാവർക്കും തുല്യപ്രാധാന്യം എന്ന അഭിപ്രായം ഉൾക്കൊണ്ടുകൊണ്ട് പ്രസിഡന്‍റോ സെക്രട്ടറിയോ അടക്കമുള്ള ഒരു പദവികളും സംഘടനാ ആർക്കും നൽക്കാതെ എല്ലാവരും ഒറ്റക്കെട്ടായി തീരുമാനം എടുക്കുന്നു എന്നതുമാണ് ഈ സംഘടനയെ വ്യത്യസ്തമാക്കുന്നത്.

2024ലെ പ്രവർത്തനങ്ങളുടെ ഫണ്ട് ശേഖരണാർഥം പ്രമുഖ സിനിമാ സീരിയൽ താരങ്ങളായ സിജു വിൽ‌സൺ, മൈഥിലി, മീര, ബിനു അടിമാലി തുടങ്ങിയവരുടെ നേതൃത്വത്തിൽ ഒരു വൻതാരനിര പങ്കെടുക്കുന്ന ഗാന നാട്യ നർമ സംഗമം എന്ന സ്റ്റേജ് ഷോ സംഘടിപ്പിക്കുന്നു.

ഗ്ലോബൽ കൊളിഷൻ ഓട്ടോ ബോഡി വർക്സ് പ്രധാന പ്രായോജകരായെത്തുന്ന ഈ ഷോ മേയ് 11ന് വൈകുന്നേരം ആറിന് യോങ്കേഴ്‌സ് ലിങ്കൺ ഹൈസ്കൂളിൽ വച്ച് അരങ്ങേറുന്നു. ഈ പരിപാടിയുടെ വിജയത്തിനായി എല്ലാ മലയാളികളുടെയും സഹകരണം പ്രതീക്ഷിക്കുന്നുവെന്ന് പ്രോഗ്രാം കമ്മിറ്റി അറിയിച്ചു.

കൂടുതൽ വിവരങ്ങൾക്കും ടിക്കറ്റിനുമായി വിളിക്കുക ആശിഷ് ജോസഫ് 845 598 2416, ജിതിൻ വർഗീസ് 914 406 3873, ടിജോ മാളിയേക്കൽ 914 536 7670 , ജുബിൻ മാത്യു 914 349 1200, ക്രിസ്റ്റിൻ കെ. അലക്സ് 914 572 6484, മെഥുലിൻ മാത്യു 914 714 8941 ബോണി തോമസ് 914 479 9547.

ക്‌നാനായ റീജിയൺ ദിനാചരണം: ക്വിസ് മത്സരം സംഘടിപ്പിക്കുന്നു.

ഷിക്കാഗോ: വടക്കേ അമേരിക്കയിലെ ക്‌നാനായ റീജിയൺ ദിനാചരണത്തോട് അനുബന്ധിച്ച് ക്‌നാനായ ഓൺലൈൻ ക്വിസ് മത്സരം സംഘടിപ്പിക

ഫാമിലി ആൻഡ് യൂത്ത് കോൺഫറൻസ്: മുൻ‌കൂർ രജിസ്ട്രേഷനുള്ള ഡിസ്കൗണ്ട് ഇന്ന് അവസാനിക്കും.

ന്യൂയോർക്ക്: നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിന്‍റെ രജിസ്ട്രേഷൻ പുരോഗമിക്കുന്നു.

അന്നമ്മ വർഗീസ് ഡാളസിൽ അന്തരിച്ചു.

ഡാളസ്: കരോട്ട് വടക്കേതിൽ (വെണ്മണി) മത്തായി വർഗീസിന്‍റെ ഭാര്യ അന്നമ്മ വർഗീസ് (81) ഡാളസിൽ അന്തരിച്ചു.

സീറോമലബാർ കത്തോലിക്കാ കോൺഗ്രസിന്‍റെ രജത ജൂബിലി ആഘോഷങ്ങൾ സെപ്റ്റംബർ 26 മുതൽ.

ഫിലഡൽഫിയ: ഫിലഡൽഫിയയിൽ സീറോമലബാർ കത്തോലിക്കാ കോൺഗ്രസിന്‍റെ (എസ്എംസിസി) രജത ജൂബിലി ആഘോഷങ്ങളും ദേശീയ കുടുംബ സംഗമ

സിൽവർ സ്പ്രിംഗ് സെന്‍റ് തോമസ് ഓർത്തഡോക്സ് ഇടവകയിൽ കോൺഫറൻസ് രജിസ്ട്രേഷന് തുടക്കം.

സിൽവർ സ്പ്രിംഗ്: മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി യൂത്ത് കോൺഫറൻസിന്‍റ