ഫ്രിസ്കോ (ഡാളസ്): ലോക സഞ്ചാരിയായ മുഹമ്മദ് സിനാന് ബുധനാഴ്ച ഡാളസിൽ ഊഷ്മളമായ സ്വീകരണം നല്‍കി. രാവിലെ 10ന് 7055 പ്രിസ്റ്റൻ റോഡ് ഫ്രിസ്കോയിലുള്ള ജോയ് ആലുക്കാസ് ഷോ റൂമിന് മുൻവശം അലങ്കരിച്ച വാഹനങ്ങളുടെ അകമ്പടിയോടെ എത്തിച്ചേർന്ന സിനാനെ സ്വീകരിക്കാൻ ഡാളസ് ഫോർത്തവർത്ത മെട്രോപ്ലെക്സിനിൽ നിന്നും നിരവധി പേരാണ് എത്തിച്ചേർന്നത്.
സിനാന്‍റെ സാഹസികത നിറഞ്ഞയാത്രയുടെ അമേരിക്കയിലെ പ്രധാന സ്പോണ്‍സര്‍ ജോയ് ആലുക്കാസിനെ പ്രതിനിധീകരിച്ചു ഫറാഹ് സ്വാഗതം ആശംസിച്ചു. തുടർന്ന് സിനാൻ തന്‍റെ യാത്രയുടെ ലക്ഷ്യങ്ങളെ ക്കുറിച്ചു വിശദീകരിച്ചു.
കൂടിയിരുന്നവരിൽ നിന്നും ഉയർന്ന ചോദ്യങ്ങൾക്കു സിനാൻ മറുപടി നൽകി. ഇന്ത്യ പ്രസ് ക്ലബ് ഓഫ് നോർത്ത് ടെക്സാസ് , ഡാളസ്‌സിലെ ഇതര സാമൂഹ്യ സാംസ്കാരിക സംഘടനാ നേതാക്കൾ പരിപാടിയിൽ പങ്കെടുത്തു .
യൂത്ത് ഓഫ് ഡാളസ് ക്ലബ്: ജിജി പി.സ്കറിയ & ബിജോയ് ബാബു, ഗ്ലോബൽ ഇന്ത്യൻ കൗൺസിൽ: (പ്രസിഡന്‍റ് പി.സി. മാത്യു, ഇന്ത്യൻ പ്രസ് ക്ലബ്:ഓഫ് നോർത്ത് ടെക്സസ് പ്രസിഡന്‍റ് സണ്ണി മാളിയേക്കൽ, സുരബി റേഡിയോ അവന്തികയും രുചിറും, ഫൺ ഏഷ്യആൻഡ് ടീം സ്വാതി, ഇസ്ലാമിക് സെൻ്റർ ഓഫ് ഫ്രിസ്കോ: ഷൂറയും ബോർഡ് അംഗവും ഫാറൂഖ്,
ഇന്ത്യൻ ലയൺ ക്ലബ്:മുൻ പ്രസിഡന്‍റ് ജോർജ് അഗസ്റ്റിൻ, ഡോൾഫിൻ ഡിജിറ്റൽ പരസ്യ കമ്പനി: മിസ്റ്റർ ജോസി, ലോസൺ ട്രാവൽസ്: മിസ്റ്റർ ബിജു തോമസ്, മല്ലിഗ കന്നഡ അസോസിയേഷൻ ഓഫ് നോർത്ത് ടെക്സാസ്: മീഡിയ റിപ്പോർട്ടർ: പി.പി. ചെറിയാൻ, സാം മാത്യു പവർ വിഷൻ ,ഷിജു എബ്രഹാം, പ്രസാദ് തിയോടിക്കൽ,പ്രൊവിഷൻ ടി വി അനന്ത് കുമാർ,റോബിൻ , ജിപ്സൺ (ജോയ് ആലുക്കാസ്) തുടങ്ങിയവർ സിനാന് ആശംസകൾ അറിയിച്ചു. ജിജി പി.സ്കറിയ,പി.സി. മാത്യു എന്നിവർ മൊമെന്‍റോകൾ നൽകി ആദരിച്ചു.
ഇന്ത്യ പ്രസ് ക്ലബ് ഓഫ് നോർത്ത് ടെക്സസ് ഈ മാസം 12ന് വൈകുന്നേരം ആറിന് ഷാരോൺ ഇവന്‍റ് സെൻ്റർ മെസ്ക്വിറ്റിൽ ഒരു സംഗീത കച്ചേരി നടത്തപ്പെടുന്നുണ്ടെന്നും ജോയ്ആലുക്കാസ് ഇവന്‍റ് സ്പോൺസർ ആണെന്നും എല്ലാവരുടേയും പിന്തുണ അഭ്യർത്ഥിക്കുന്നതായും പ്രോഗ്രാം കോർഡിനേറ്റർ സിജു വി ജോർജ് അറിയിച്ചു.
കര്‍ണാടകയിലെ മംഗലാപുരത്തു നിന്നുള്ള ആര്‍ക്കിടെക്റ്റായ മുഹമ്മദ് സിനാന് 70ലധികം രാജ്യങ്ങളാണ് കാറില്‍ സന്ദര്‍ശിക്കുന്നത്. യു എസില്‍ ന്യൂയോര്‍ക്കും ന്യൂജേഴ്സിയും സന്ദര്‍ശിച്ച അദ്ദേഹം ന്യൂജഴ്സിയിലെ എഡിസണിലുള്ള ജോയ് ആലുക്കാസ് സ്റ്റോറില്‍ സ്വീകരണം സംഘടിപ്പിച്ചു. ഈസ്റ്റ് കോസ്റ്റില്‍ നിന്നാണ് സിനാന് ഷിക്കാഗോയിലെത്തിയത്.
തുടര്‍ന്ന് ജോര്‍ജിയയിലെ അറ്റ്ലാന്‍റാ, ഫ്ലോറിഡ കീ വെസ്റ്റ്, ഡാളസ്, ഹൂസ്റ്റണ്‍, കാലിഫോര്‍ണിയ തുടങ്ങിയവ സന്ദര്‍ശിക്കും. തുടര്‍ന്ന് ഓസ്ട്രേലിയയും മലേഷ്യയും സഞ്ചരിച്ചശേഷം അദ്ദേഹം ജൂലൈയിലാണ് ഇന്ത്യയിലേക്ക് മടങ്ങിയെത്തുന്നത്.
|