കുവൈറ്റ് സിറ്റി: കഴിഞ്ഞ ഒരു പതിറ്റാണ്ടായി കുവൈറ്റിൽ പ്രവർത്തിക്കുന്ന പ്രവാസി വെൽഫെയർ കുവൈറ്റ് പത്താം വാർഷികം സമുചിതമായി ആഘോഷിച്ചു. അബ്ബാസിയ ഇന്ത്യൻ സെൻട്രൽ സ്‌കൂളിൽ തിങ്ങി നിറഞ്ഞ സദസിനെ സാക്ഷിയാക്കിയാണ് വർണാഭമായ വാർഷിക പരിപാടികൾ അരങ്ങേറിയത്.
സ്നേഹവും സൗഹൃദവും ആഘോഷവും ഒത്തു ചേരുമ്പോൾ തന്നെ രാഷ്ട്രീയമായി ഉദ്ബുദ്ധരാകേണ്ടത് കാലഘട്ടത്തിന്‍റെ ആവശ്യമാണെന്ന് സമ്മേളനത്തിൽ മുഖ്യപ്രഭാഷണം നിർവഹിച്ച വെൽഫെയർ പാർട്ടി സംസ്ഥാന സെക്രെട്ടറി ഷംസീർ ഇബ്രാഹിം പറഞ്ഞു. ആധുനിക കേരളത്തെ നിർമിച്ചത് ഇടതുപക്ഷവും വലതുപക്ഷവുമല്ല മറിച്ച് പ്രവാസി പക്ഷമാണെന്നും അദ്ദേഹം കൂട്ടിച്ചേർത്തു
സേവന മേഖലയിൽ തുടർന്നും പ്രവാസികളോടൊപ്പം ഉണ്ടാകുമെന്ന് അധ്യക്ഷ ഭാഷണം നിർവഹിച്ച പ്രവാസി വെൽഫെയർ കുവൈറ്റ് സംസ്ഥാന പ്രസിഡന്‍റ് ലായിക് അഹമ്മദ് പറഞ്ഞു. പ്രവാസി വെൽഫെയർ കുവൈറ്റിന്‍റെ പത്തുവർഷ സേവനങ്ങളെ അടയാളപ്പെടുത്തി വിവിധ സെഷനുകൾ അരങ്ങേറി.
ഇന്ത്യയുടെയും കുവൈറ്റിന്‍റെയും ദേശീയ ഗാനങ്ങളോടു കൂടി ആരംഭിച്ച പരിപാടിയിൽ മറിമായം ടീമിന്‍റെ വിവിധ കലാപരിപാടികൾ അരങ്ങേറി. മുസ്തഫ, യാസർ, റാഫി കല്ലായി, സഞ്ജന എന്നിവർ ദേശീയ ഗാനങ്ങളാലപിച്ചു.
70 കുട്ടികൾ അണിനിരന്ന ഡികെ ഡാൻസ് ഗ്രൂപ് കുവൈറ്റ് ദേശീയ ദിന പശ്ചാലത്തിൽ ഒരുക്കിയ സംഘ നൃത്തം വിസ്മയം തീർത്തു. പ്രവാസി വെൽഫെയർ തീം സോംഗ് പ്രകാശനം ഷംസീർ ഇബ്രാഹിം നിർവഹിച്ചു.
ഹോട്ടൽ കഫ്തീരിയ മേഖലകളിൽ 35 വർഷം പൂർത്തിയാക്കിയ ജീവനക്കാരെ പ്രത്യേകം ആദരിച്ചത് ശ്രദ്ധേയമായി. എം.പി അബ്ദുറഹ്മാൻ മാട്ടൂൽ, ടി.സി അബ്ദുറഹ്മാൻ മാഹി, അബ്ദുൽ റഹ്മാൻ കുട്ടി മതിലകം, ഹാരിസ് ഫാരിസ് തലശേരി, എ.കെ. സൈതലവി പെരിന്തൽമണ്ണ, ടി.കെ ഇബ്രാഹിം പേരാമ്പ്ര,
പി.സി മൊയ്‌തു വടകര, പി. മുഹമ്മദ് തെയ്യാല എന്നിവർക്കുള്ള ആദരം മാംഗോ ഹൈപ്പർ എം.ഡി. റഫീഖ് അഹമ്മദ്, പ്രവാസി വെൽഫെയർ നേതാക്കളായ ഗിരീഷ് വയനാട്, അഷ്കർ മാളിയേക്കൽ, ജവാദ് അമീർ, ഖലീലു റഹ്മാൻ, അൻവർ ഷാജി എന്നിവർ കൈമാറി.
മാംഗോ ഹൈപ്പർ മാനേജിംഗ് ഡയറക്‌ടർ റഫീഖ് അഹമ്മദ്, അയ്യൂബ് കച്ചേരി ഗ്രാന്‍റ് ഹൈപ്പർ, ബെൻസൻ/ഫൈസൽ ബോസ്കോ പ്രിന്‍റിംഗ്, അഫ്സൽ ഖാൻ മലബാർ ഗോൾഡ്, ഷബീർ മണ്ടോളി ടോം ആൻഡ് ജെറി റസ്റ്ററന്‍റ്, അൻസാരി ഇബ്റാഹിം പ്രിൻസസ് ഹോളിഡേയ്‌സ്, മുസ്തഫ ക്വാളിറ്റി ഇന്‍റർനാഷനൽ ഫുഡ് സ്റ്റഫ്, കമാൽ വി.ടി.എസ്. കാലിക്കറ്റ് ദർബാർ, അനസ് സെഗ്യൂറോ ഷിപ്പിംഗ് എന്നിവർക്കുള്ള മൊമെന്‍റോ പ്രവാസി വെൽഫെയർ സംസ്ഥാന നേതാക്കൾ കൈമാറി.
മറിമായം കലാകാരന്മാരായ നിയാസ് ബക്കർ, മണികണ്ഠൻ പട്ടാമ്പി, സ്നേഹ ശ്രീകുമാർ, ഉണ്ണിരാജൻ, സലിം ഹസൻ, മണി ഷൊർണൂർ, ജയദേവ് എന്നിവർക്കുള്ള ആദരം യഥാക്രമം കൺവീനർ സഫ്‌വാൻ, കമ്മിറ്റി അംഗങ്ങളായ കെ.എം ജവാദ്, അഷ്‌ഫാഖ്‌, നസീം, നയീം, നാസർ മടപ്പള്ളി, റഷീദ് ഖാൻ, ഡികെ ഡാൻസിനുള്ള ഉപഹാരം നിഷാദ് ഇളയതും കൈമാറി.
പ്രവാസി വെൽഫെയർ സംസ്ഥാന നേതാക്കളായ റസീന മുഹിയിദ്ധീൻ, അൻവർ സഈദ്, റഫീഖ് ബാബു പൊന്മുണ്ടം, ഷൗക്കത്ത് വളാഞ്ചേരി, ആയിഷ പിടിപി, ഗിരീഷ് വയനാട്, അനിയൻകുഞ്ഞ്, വാഹിദ ഫൈസൽ, സിറാജ് സ്രാമ്പിക്കൽ, അബ്ദുൽ വാഹിദ് എന്നിവർ നേതൃത്വം നൽകി
ജനറൽ സെക്രട്ടറി രാജേഷ് മാത്യു സ്വാഗതവും പ്രോഗ്രാം ജനറൽ കൺവീനർ സഫ് വാൻ നന്ദിയും പറഞ്ഞു.
|