ബര്‍ലിന്‍: പ്രശസ്ത മാന്ത്രികനും ടിവി അവതാരകനുമായ രാജ് കലേഷ് യുട്യൂബിലൂടെ റിലീസ് ചെയ്ത ഇംഗ്ലീഷ് ഷോര്ട്ട് "ഫിലിം ദ ഒബ്‌വിയസ്' ശ്രദ്ധനേടുന്നു. ആകാംക്ഷയുടെ മുള്‍മുനയില്‍ നിര്‍ത്തി പ്രേക്ഷക മനസുകളെ കീഴടക്കിയ ഈ ഹ്രസ്വചിത്രം പൂര്‍ണമായും ജര്‍മനിയിലാണ് ചിത്രീകരിച്ചത്.
എല്‍സ ബാസ്റ്റിന്‍ ഡാക്സ് ബി ഫിലിംസിന്‍റെ ബാനറില്‍ നിര്‍മിച്ച ചിത്രത്തിന്‍റെ രചനയും സംവിധാനവും നിര്‍വഹിച്ചത് ബാസ്റ്റിന്‍ സേവ്യറാണ്. ജര്‍മന്‍ മലയാളികള്‍ അണിയിച്ചൊരുക്കിയ ദ ഒബ്‌വിയസ് വ്യത്യസ്ഥമായ കഥയില്‍ ഇംഗ്ലീഷ് സിനിമകളെ അനുസ്മരിപ്പിക്കുന്ന അവതരണശൈലിയിലാണ് ചിത്രീകരിച്ചിരിക്കുന്നത്.
സസ്പെന്‍സ് നിറഞ്ഞ ഒരു സമ്പൂര്‍ണ സൈക്കോളജിക്കല് ത്രില്ലര്‍ ചിത്രമാണ് 16 മിനിറ്റുള്ള ദ ഒബ്‌വിയസ്. മലയാള സിനിമയില്‍ പ്രവര്‍ത്തിക്കുന്ന പ്രഗത്ഭരാണ് ചിത്രത്തിന്‍റെ അണിയറയില്‍. ഫിലിപ്സ്, പ്രകാശം പരക്കട്ടെ എന്നീ മലയാള സിനിമകളുടെ കളറിസ്റ്റ് ജോജി പാറക്കല്‍ ആണ് ചിത്രത്തിന്‍റെ കളറിസ്റ്റ്. അഭിനേതാക്കളായ ബാസ്റ്റിന്‍ സേവ്യര്‍, ഡോണി ജോര്ജ് എന്നിവരുടെ പ്രകടനം സിനിമയുടെ മറ്റൊരു സവിശേഷതയാണ്.
അമിരേഷ് രാജന്‍ ആണ് ചിത്രത്തിന്‍റെ കാമറയും എഡിറ്റിംഗും കൈകാര്യം ചെയ്തത്. സഹസംവിധാനം റീനു ട്രീസയും ബോണി ളൂയീസ് സംഗീത സംവിധാനവും നിര്‍വഹിച്ചു. കുട്ടി ജോസ് (സൗണ്ട് ഇഫക്ട് & മിക്സിംഗ്), അഖില അരുണ്‍, ഡിക്കന്‍ ജോര്ജ്, (പോസ്റ്റര്‍ & ടൈറ്റില്‍, ഡിസൈന്‍) മിനു ജോര്ജ് എന്നിവരാണ് മറ്റ് അണിയറ പ്രവര്‍ത്തകര്‍.
അനുശ്രീ ദാസ്, ലിയ ജോര്ജ്, ഹാന്‍സ് പോള് അലക്സ്, അരുണ്‍ ആര്‍. നായര്‍ എന്നിവരാണ് സഹവേഷങ്ങളില്‍ അഭിനയിച്ചത്. സെപ്റ്റംബര്‍ 26 മുതല്‍ ഒക്ടോബര് അഞ്ച് വരെ അരങ്ങേറുന്ന ഹാംബുര്‍ഗ് ഫിലിം ഫെസ്റ്റിവലില്‍ മത്സരിക്കാനുള്ള കാത്തിരിപ്പിലാണ് അണിയറ പ്രവര്‍ത്തകര്‍.
കഥ, സംവിധാനം: ബാസ്റ്റിന്‍ സേവ്യര്‍, നിര്‍മാണം: എല്‍സ ബാസ്റ്റിന്‍. കാമറ & എഡിറ്റിംഗ്: അമിരേഷ് രാജന്‍. കളറിംഗ്: ജോജി പാറക്കല്‍. അസോസിയേറ്റ് ഡയറക്ടര്‍: റീനു ട്രീസ. മ്യൂസിക് & ബായ്ക്ക്ഗ്രൗണ്ട് സ്കോര്: ബോണി ളൂയീസ്.
സൗണ്ട് എഫക്ട് & മിക്സിംഗ്: കുട്ടി ജോസ്. സൗണ്ട് സപ്പോര്ട്ട് & ലൊക്കേഷന്: മിനു ജോര്ജ്, പോസ്റ്റര്‍ & ടൈറ്റില്‍: ഡിക്കന്‍ ജോര്ജ്.
അഭിനേതാക്കള്‍: ബാസ്റ്റിന്‍ സേവ്യര്‍, ഡോണി ജോര്ജ്, അരുണ്‍ ആര്‍. നായര്‍, അനുശ്രീ ദാസ്, ലിയ ജോര്ജ്, അമിരേഷ് രാജന്‍, ഹാന്‍സ് പോള് ആന്‍റണി.
|