Deepika.com Nri News :ഫാമിലി ആൻഡ് യൂത്ത് കോൺഫറൻസ് ടീമിന് ആൽബനിയിൽ വൻ സ്വീകരണം.......

Americas

ഫാമിലി ആൻഡ് യൂത്ത് കോൺഫറൻസ് ടീമിന് ആൽബനിയിൽ വൻ സ്വീകരണം

Back To NRI Home Forward This News Click here for detailed news of all items

ആൽബനി (ന്യൂയോർക്ക്): ഫാമിലി ആൻഡ് യൂത്ത് കോൺഫറൻസ് ടീം ഫെബ്രുവരി 18 ഞായറാഴ്ച ആൽബനി സെന്‍റ് പോൾസ് ഇന്ത്യൻ ഓർത്തഡോക്സ് ഇടവക സന്ദർശിച്ചു. കോൺഫറൻസ് ടീമിന് ഇടവകയിൽ നിന്ന് മാതൃകാപരമായ സ്വീകരണം ലഭിച്ചു. ചെറിയാൻ പെരുമാൾ (ഫാമിലി & യൂത്ത് കോൺഫറൻസ് സെക്രട്ടറി), അജിത് വട്ടശ്ശേരിൽ (മുൻ കോൺഫറൻസ് സെക്രട്ടറി/മുൻ ഭദ്രാസന കൗൺസിൽ അംഗം), ഫിലിപ്പ് തങ്കച്ചൻ, ലിസ് പോത്തൻ, അലക്സ് പോത്തൻ
(കോൺഫറൻസ് കമ്മിറ്റി അംഗങ്ങൾ) എന്നിവരായിരുന്നു ടീം അംഗങ്ങൾ.

ചെറിയാൻ പെരുമാൾ നോർത്ത് ഈസ്റ്റ് അമേരിക്കൻ ഭദ്രാസനത്തിന്‍റെ ഏറ്റവും
വലിയ ആത്മീയ കൂട്ടായ്മയുടെ തീയതി, സ്ഥലം, പ്രാസംഗികർ, തീം എന്നിവയെ
കുറിച്ചുള്ള വിവരങ്ങൾ നൽകി. ഫിലിപ്പ് തങ്കച്ചൻ രജിസ്ട്രേഷൻ വിശദാംശങ്ങളെക്കുറിച്ച് സംസാരിച്ചു. പള്ളിയിലെ അവിസ്മരണീയമായ സന്ദർശനത്തിന് സഹകരിച്ച സഭാംഗങ്ങളെ അദ്ദേഹം പ്രശംസിച്ചു. യുവാക്കൾ കോൺഫറൻസിൽ പങ്കെടുക്കേണ്ടതിൻ്റെ പ്രാധാന്യത്തെക്കുറിച്ചും 3 നും 21 നും ഇടയിൽ പ്രായമുള്ള എല്ലാവർക്കും കുറഞ്ഞ നിരക്കിൽ രജിസ്റ്റർ ചെയ്യാമെന്നും അദ്ദേഹം സൂചിപ്പിച്ചു.

കോൺഫറൻസിന്റെ ധനസമാഹരണത്തിൻ്റെ പ്രാധാന്യത്തെക്കുറിച്ച് ലിസ് പോത്തൻ സംസാരിച്ചു. സുവനീർ, റാഫിൾ എന്നിവയിലൂടെ കോൺഫറൻസിനായി എല്ലാവരും സഹകരിക്കുവാൻ ലിസ് അഭ്യർഥിച്ചു. ഫാമിലി ആൻഡ് യൂത്ത് കോൺഫറൻസിന്‍റെ എളിയ തുടക്കത്തെക്കുറിച്ചും ഫാ.
അലക്സ് ജോയ് സെക്രട്ടറിയായിരിക്കെ കോൺഫറൻസിന്‍റെ ആദ്യ നാളുകളിൽ
എത്രമാത്രം പിന്തുണച്ചിരുന്നുവെന്നും അജിത് വട്ടശ്ശേരിൽ അനുസ്മരിച്ചു.

കോൺഫറൻസിൽ രജിസ്റ്റർ ചെയ്യാനും സാമ്പത്തികമായി സഹായിക്കുവാനും ഫാ.
അലക്സ് ജോയ് എല്ലാവരേയും പ്രോത്സാഹിപ്പിച്ചു. എന്‍റർടൈൻമെന്‍റ് സായാഹ്നത്തിൽ ഓരോ പള്ളിക്കും 7 മിനിറ്റ് വീതം ലഭ്യമാണെന്ന് അദ്ദേഹം പരാമർശിക്കുകയും ഒരു പ്രോഗ്രാമിനായി മുൻകൂട്ടി രജിസ്റ്റർ ചെയ്യാൻ സഭാംഗങ്ങളെ പ്രോത്സാഹിപ്പിക്കുകയും ചെയ്തു.

ഭദ്രാസനത്തിലെ ഏറ്റവും ചെറിയ ദേവാലയങ്ങളിൽ ഒന്നാണ് ആൽബനി ഇടവക എങ്കിലും വികാരിയുടെ നേതൃത്വത്തിൽ മിക്കവാറും എല്ലാ അംഗങ്ങളും ആവേശത്തോടെ പങ്കെടുക്കുകയും കോൺഫറൻസിനും ഭദാസനത്തിനും സാധ്യമായ എല്ലാവിധ പിന്തുണ അറിയിക്കുകയും ചെയ്തു.

പോൾ ജോണും എലിസബത്തും സ്പോൺസർമാരായി തങ്ങളുടെ പിന്തുണ വാഗ്ദാനം ചെയ്തു. റാഫിളിൽ ആദ്യമായി ങഏഛഇടങ അംഗങ്ങൾ അവരുടെ സംഭാവനകൾ വാഗ്ദാനം ചെയ്തു. ഇത് സമ്മേളനത്തിനായുള്ള ഭാവി തലമുറയുടെ പ്രതിബദ്ധത കാണിക്കുന്നു. ഡേവി ചീരൻ, അനിൽ തോമസ്, ജോർജ് കുര്യൻ, ശോശാമ്മ വർഗീസ് എന്നിവർ സുവനീറിൽ ആശംസകൾ നൽകി
പിന്തുണ അറിയിച്ചു. റാഫിളിലൂടെയും സുവനീറിലൂടെയും ഇടവകയിലെ ഭൂരിഭാഗം അംഗങ്ങളും സമ്മേളനത്തിന് പിന്തുണ നൽകി.
സമ്മേളനത്തിന് ഉദാരമായ പിന്തുണ നൽകിയ വികാരിക്കും ഭാരവാഹികൾക്കും ഇടവകാംഗങ്ങൾക്കും കോൺഫറൻസ് ഭാരവാഹികൾ കടപ്പാട് അറിയിച്ചു. 2024 ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം റിസോർട്ടിലാണ് സമ്മേളനം നടക്കുന്നത്. സൺഡേ സ്കൂൾ ഡയറക്ടർ ജനറലും പുതുപ്പള്ളി സെന്‍റ് ജോർജ് ഓർത്തഡോക്സ് പള്ളി വികാരിയുമായ ഫാ. ഡോ.
വർഗീസ് വർഗീസ് (മീനടം) മുഖ്യപ്രഭാഷണം നടത്തും. ഗ്രീക്ക് ഓർത്തഡോക്സ്
സഭയുടെ ഫാ. സെറാഫിം മജ്മുദാറും, സൗത്ത് വെസ്റ്റ് ഭദ്രാസന വൈദികൻ ഫാ.
ജോയൽ മാത്യുവും യുവജന സെഷനുകൾക്ക് നേതൃത്വം നൽകും.

കൂടുതൽ വിവരങ്ങൾക്ക്, ഫാ. അബു പീറ്റർ, കോൺഫറൻസ് കോർഡിനേറ്റർ
(ഫോൺ: 914.806.4595) / ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ.
516.439.9087) എന്നിവരുമായി ബന്ധപ്പെടുക.

മാർത്തോമ്മാ ഭദ്രാസനാ സുവിശേഷക സേവികാസംഘം സമ്മേളനം ഇന്ന്.

ന്യൂയോർക്ക്: നോർത്ത് അമേരിക്ക മാർത്തോമ്മാ ഭദ്രാസനാ സുവിശേഷക സേവികാസംഘം സമ്മേളനം വ്യാഴാഴ്ച വൈകുന്നേരം സൂം പ്ലാറ്റഫോമി

ജോ മാത്യു ഫൊക്കാന നാഷണൽ കമ്മിറ്റിയിലേക്ക് മത്സരിക്കുന്നു.

ബ്രാംപ്ടൺ: ബ്രാംപ്ടൺ മലയാളി സമാജം പ്രവർത്തകനും കാനഡയിലെ പ്രമുഖ ബിസിനസ്സുകാരനുമായ ജോ മാത്യു(തങ്കച്ചൻ) ഫൊക്കാന നാഷ

ബ്രസീലിൽ കനത്ത മഴയും വെള്ളപ്പൊക്കവും; നൂറിലധികം മരണം.

സാവോ പോളോ: തെക്കൻ ബ്രസീലിലെ റിയോ ഗ്രാൻഡെ ഡോ സുൾ സംസ്ഥാനത്ത് ഒരാഴ്ചയിലേറെ നീണ്ട മഴയിലും വെള്ളപ്പൊക്കത്തിലും നൂറിലധികം

ഡോ. കെ.പി. യോഹന്നാൻ അന്തരിച്ചു.

ഡാളസ്: ബിലീവേഴ്സ് ഈസ്റ്റേൺ ചർച്ച് സ്ഥാപകനും അധ്യക്ഷനുമായ ഡോ. കെ.പി. യോഹന്നാൻ (അത്തനേഷ്യസ് യോഹാൻ പ്രഥമൻ) അന്തരിച്ചു.

സാം പിത്രോദ ഓവർസീസ് കോൺഗ്രസ് അധ്യക്ഷ സ്ഥാനം രാജിവച്ചു.

ന്യൂഡൽഹി: ഓവർസീസ് കോൺഗ്രസ് അധ്യക്ഷ സ്ഥാനം സാം പിത്രോദ രാജിവച്ചു.