ഡബ്ലിൻ : അയർലൻഡ് സീറോ മലബാർ സഭയുടെ കാറ്റിക്കിസം ഡിപ്പാർട്ട്മെന്റ് സംഘടിപ്പിച്ച ബൈബിൾ ക്വിസിന്റെ നാഷണൽ ഗ്രാൻഡ് ഫിനാലെ ബിബ്ലിയ 24ൽ ലൂക്കൻ ടീം ജേതാക്കളായി . കാവൻ ബാലിഹേസ് കമ്യൂണിറ്റി ഹാളിലായിരുന്നു പരിപാടി സംഘടിപ്പിക്കപ്പെട്ടത്.
അയർലൻഡിലെ നാലു റീജണിലെ ഒൻപത് കുർബാന സെന്ററുകളിൽ നിന്നുള്ള ടീമുകൾ പങ്കെടുത്ത മത്സരത്തിലാണ് പ്രഥമ നാഷണൽ കിരീടം ലൂക്കൻ സ്വന്തമാക്കിയത് . ഡബ്ലിൻ റീജണൽ തലത്തിലും ലൂക്കൻ കുർബാന സെന്റർ വിജയികളായിരുന്നു.
കാസിൽബാർ(ഗാൽവേ റീജണൽ) കുർബാന സെന്റർ രണ്ടാം സ്ഥാനം നേടി, ഗാൽവേ റീജണിൽ രണ്ടാം സ്ഥനം നേടിയ ടീമാണ്. മൂന്നാം സ്ഥാനം കോർക്ക് കുർബാന സെന്ററും (കോർക്ക് റീജിയൺ) സ്ലൈഗോ കുർബാന സെന്ററും (ഗാൽവേ റീജൺ) പങ്കുവച്ചു.
ഒന്നാം സ്ഥനം നേടിയ ലൂക്കൻ കുർബാന സെന്ററിന്റെ ടീം അംഗങ്ങൾ ബ്രയൻ മാത്യു ബിനീഷ്, ജെറാൾഡ് മാർട്ടിൻ, അന്നാ ജോബിൻ, ആഗ്നസ് മാർട്ടിൻ, നിസ്സി മാർട്ടിൻ. രണ്ടാം സ്ഥനം നേടിയ കാസിൽബാർ കുർബാന സെന്ററിന്റഎ ടീം അംഗങ്ങൾ ഈമെൻ സോജൻ, ഈവോൺ സോജൻ, ജൊറോൺ വർഗ്ഗീസ്, സൗമ്യ.
മുന്നാം സ്ഥനം നേടിയ കോർക്ക് കുർബാന സെന്ററിന്റെ ടീം ക്രിസ്റ്റീൻ ഷൈജു, ഡിയ ലിസ്ബേത്ത് അനിഷ്, എവിലിൻ മോബിൻ, ക്രിസ്റ്റ ജോസഫ്, ഷൈനി എബ്രാഹം. സ്ലൈഗോ കുർബാന സെന്ററിന്റെ ടീം. സങ്കീർത്തനാ ഷാജു, ആദം ആന്റണി അലൻ, ആരോൺ ജോസഫ് വർഗ്ഗീസ്, ജെഫ് ജോമോൻ, ദീപ വി. ജയിംസ്
ബിബ്ലിയ മത്സരം കാവൻ സെന്റ് പാട്രിക്ക് ആൻഡ് ഫെലിം കത്തീട്രൽ അഡ്മിനിസ്ട്രേറ്റർ ഫാ. കെവിൻ ഫേ ഉത്ഘാടനം ചെയ്തു. സീറോ മലബാർ നാഷണൽ പാസ്റ്ററൽ കൗൺസിൽ സെക്രട്ടറി ഫാ. സെബാസ്റ്റ്യൻ വെള്ളാമത്തറ അധ്യക്ഷനായിരുന്നു.
ആവേശോജ്വലമായ ക്വിസ് മത്സരങ്ങൾ ക്വിസ് മാസ്റ്ററായ ഫാ. സെബാൻ സെബാസ്റ്റ്യൻ നിയന്ത്രിച്ചു. ഓഡിയോ വിഷൽ റൗണ്ടുകൾ ഉൾപ്പെടെ എട്ട് റൗണ്ടുകളായാണു മത്സരങ്ങൾ നടന്നത്.
വിജയികൾക്കുള്ള സമ്മാനദാനം അയർലൻഡ് സീറോ മലബാർ സഭയുടെ നാഷണൽ കോർഡിനേറ്റർ ഫാ. ജോസഫ് ഓലിയക്കാട്ട് നിർവഹിച്ചു. ഫാ. ഷിന്റോ സന്നിഹിതനായിരുന്നു. ക്രിസ്റ്റുമസിനോടനുബന്ധിച്ച് നടത്തിയ ഓൺലൈൻ പ്രസംഗ മത്സര (ഗ്ലോറിയ 2023) വിജയികൾക്കുള്ള സമ്മാനദാനവും തദ്ദവസരത്തിൽ നടന്നു.
കാറ്റിക്കിസം ഡയറക്ടർ ഫാ. റോയ് വട്ടക്കാട്ട്, അസി. ഡയറക്ടറും കാവൻ വികാരിയുമായ ഫാ. ഫാ. ബിജോ ഞാളൂർ, കാറ്റിക്കിസം നാഷണൽ ഹെഡ്മാസ്റ്റേഴ്സ് കോർഡിനേറ്റർ ജോസ് ചാക്കോ, നാഷണൽ പാസ്റ്ററൻ കൗൺസിൽ ട്രസ്റ്റിമാരായ സീജോ കാച്ചപ്പിള്ളി, ജൂലി ചിറയത്ത് കാവൻ കുർബാന സെന്റർ ഹെഡ്മാസ്റ്റർ ജോജസ്റ്റ് മാത്യു,
ട്രസ്റ്റിമാരായ് സോജി സിറിയക്ക്, സാബു ജോസഫ്. ഡബ്ലിൻ സോണൽ ട്രസ്റ്റി ബിനുജിത്ത് സെബാസ്റ്റ്യൻ, ബിനോയ് ജോസ്, ജോബി ജോൺ, ചിൽഡ്രൻസ് മിനിസ്ട്രി സെക്രട്ടറി ജിൻസി ജിജി, ഫാമിലി അപ്പസ്തോലേറ്റ് സെക്രട്ടറി ലിജി എന്നിവർ നേതൃത്വം നൽകി.
പങ്കെടുത്ത ടീമുകൾക്ക് പിന്തുണയും പ്രോത്സാഹനവുമായി അയർലൻഡിന്റെ വിവിധ ഭാഗങ്ങളിൽ നിന്ന് ഒട്ടേറെ ആളുകൾ പരിപാടിയിൽ പങ്കെടുത്തു.
ബൈബിളിനേക്കുറിച്ചും സഭയിലെ വിശുദ്ധരേക്കുറിച്ചും കൂടുതൽ അറിവുനേടാൻ വിശ്വാസസമൂഹത്തെ പ്രാപ് തരാക്കുക എന്ന ലക്ഷ്യത്തോടെ സീറോ മലബാർ സഭയുടെ മതബോധന വിഭാഗം വർഷങ്ങളായി ഡബ്ലിനിൽ സംഘടിപ്പിച്ചുവന്ന ബൈബിൾ ക്വിസ് മത്സരങ്ങൾ ഈ വർഷം അയർലൻഡിലെ മുഴുവൻ കുർബാന സെന്ററുകളിലും സംഘടിപ്പിച്ചു.
അയർലൻഡിലെ 29 കുർബാന സെന്ററുകളിലെ ആയിരത്തി മുന്നോറോളം വിശ്വാസികൾ ബൈബിൾ ക്വിസ് മതസരങ്ങളിൽ പങ്കെടുത്തു. ഓരോ റീജണിലും ലൈവ് ക്വിസ് മത്സരങ്ങൾ നടത്തി വിജയികളായ ടീമുകളാണ് നാഷണൽ ഗ്രാൻഡ് ഫിനാലെയിൽ പങ്കെടുത്തത്.
എവർറോളിംഗ് ട്രോഫികളും നാഷണൽ തല വിജയികൾക്കുള്ള സമ്മാനങ്ങളും മേയ് 11ന് നടക്കുന്ന ഓൾ അയർലൻഡ് നോക്ക് തീർഥാടന മധ്യേ വിതരണം ചെയ്യും.
ജനുവരി ആറിനു നടന്ന ബൈബിൾ ക്വിസ് മത്സരത്തിൽ നാഷണൽ താലത്തിൽ ഒന്നാം സ്ഥാനം നേടിയവർ സബ്. ജൂനിയേഴ്സ് : ഇവ എൽസ സുമോദ് (നെയിസ് ഡബ്ലിൻ) , ക്ലെയർ അന്ന ഷിൻ്റൊ (സോർഡ്സ് ഡബ്ലിൻ). ജൂനിയേഴ്സ് : എവോ സോജൻ (കാസ്റ്റിൽബാർ ഗാൽവേ), ആഗ്നസ് ബെനഡിൻ്റ് (സോഴ്സ് ഡബ്ലിൻ), അനയ മാത്യു (താല ഡബ്ലിൻ).
സീനിയേഴ്സ് : ജൂവ ഷിജോ (ബ്ലാഞ്ചാർഡ്സ്ടൗൺ ഡബ്ലിൻ). സൂപ്പർ സീനിയേഴ്സ് : അലീന മാഞ്ഞൂരാൻ റ്റോജോ (താല ഡബ്ലിൻ). ജനറൽ : ദീപ ജയിംസ് (സ്ലൈഗോ ഗാൽവേ).
|