ഡബ്ലിൻ: ഒഐസിസി അയർലൻഡ് വാട്ടർഫോർഡ് യൂണിറ്റ് ശനിയാഴ്ച വാട്ടർഫോർഡ് അക്കാഡമി ഓഫ് മ്യൂസിക്ക് ആൻഡ് ആർട്ട്‌സ്(വാമ) സ്റ്റേജിൽ റിപ്പബ്ലിക് ദിനാഘോഷം സംഘടിപ്പിച്ചു. വൈകുന്നേരം നാല് മുതൽ കുട്ടികളൾക്കായി നാല് വിഭാഗങ്ങളായി തിരിച്ചുള്ള കളറിംഗ് ആൻഡ് പെൻസിൽ ഡ്രോയിംഗ് മത്സരവും ആഘോഷത്തിന്‍റെ ഭാഗമായി സംഘടിപ്പിച്ചു.
തുടർന്ന് നടന്ന പൊതുയോഗത്തിൽ ഒഐസിസി അയർലൻഡ് പ്രസിഡന്‍റ് എം. എം. ലിങ്ക് വിൻസ്റ്റർ, ജനറൽ സെക്രട്ടറി സാൻജോ മുളവരിക്കൽ, വൈസ് പ്രസിഡന്‍റ് പുന്നമട ജോർജ്കുട്ടി, യൂത്ത് വിംഗ് പ്രസിഡന്‍റ് കുരുവിള ജോർജ് തുടങ്ങിയവർക്കൊപ്പം വാട്ടർഫോർഡ് യൂണിറ്റ് പ്രസിഡന്‍റ് പ്രിൻസ് കെ. മാത്യു അധ്യക്ഷത വഹിച്ചു.
ഫാ. ജോമോൻ കാക്കനാട്ട് റിപ്പബ്ലിക്ക് ദിന സന്ദേശം നൽകി. വാട്ടർഫോർഡ് കൗണ്ടി കൗൺസിലേഴ്സ് ആയ ഐമൻ ക്യൂൻലാൻ, സ്റ്റെഫെനി കീറ്റിംഗ്, ഫാ. മാത്യു കെ. മാത്യു, സെബിൻ ജോസ്, സിജോ ഡേവിഡ് എന്നിവർ വേദിയെ അഭിസംബോധന ചെയ്ത് സംസാരിച്ചു.
ഒഐസിസി വാട്ടർഫോർഡ് യൂണിറ്റ് കുടുബാംഗങ്ങൾ കൂടി ചേർന്ന് അവതരിപ്പിച്ച കലാപരിപാടികൾ, എ‍യ്ഞ്ചൽ ബീറ്റ്സ് വാട്ടർഫോർഡ് അണിയിച്ച് ഒരുക്കിയ മ്യൂസിക്കൽ നൈറ്റ്സ്, വിഭവ സമൃദ്ധമായ ഡിന്നർ ഇവയൊക്കെ തന്നെ പരിപാടിയെ മികവുറ്റതാക്കി.
മികച്ച സംഘാടന മികവോടെ പരിപാടികൾക്ക് നേതൃത്വം നൽകിയത് പ്രതീഷ്‌ ജോസ്, വിബിൻ ജോൺ തോമസ്, ജയ പ്രിൻസ്, ഡെന്നി ഡൊമിനിക്ക്, ഷിബു രാജേന്ദ്രൻ, എമിൽ ജോൺ, ഗ്രേയ്സ് ജേക്കബ്, വിനീഷ് തങ്കച്ചൻ, ആന്‍റണി പടയാട്ടിൽ, നിജാദ് റഷീദ്, ജോബിൻ കെ. ബേബി, ഡാൽസ് ജോർജ്, പ്രസാദ് ജോർജ്, നെൽവിൻ റഫേൽ, ജിജോ കുര്യക്കോസ് തുടങ്ങിയവർ ആയിരുന്നു. രാത്രി പത്തിന് പരിപാടി അവസാനിച്ചു.
|