ദമാം: സിപിഐ മുൻ സംസ്ഥാന സെക്രട്ടറി കാനം രാജേന്ദ്രന്റെ ജീവിതം പൊതുപ്രവര്ത്തനത്തിന്റെ ഉദാത്ത മാതൃകയാണെന്ന് നവയുഗം സാംസ്കാരികവേദി അനുസ്മരിച്ചു. ദമാമിൽ നവയുഗം സംഘടിപ്പിച്ച കാനം രാജേന്ദ്രൻ അനുസ്മരണ യോഗത്തിൽ പ്രവാസി സമൂഹത്തിന്റെ വിവിധ തലങ്ങളിലുള്ളവർ ഒത്തുചേർന്ന് അദ്ദേഹത്തിന് ആദരാഞ്ജലികൾ അർപ്പിച്ചു.
ദമാം ബദർ അൽറാബി ഹാളിൽ ചേർന്ന അനുസ്മരണ യോഗത്തിൽ നവയുഗം ജനറൽ സെക്രട്ടറി എം.എ. വാഹിദ് കാര്യറ അധ്യക്ഷത വഹിച്ചു. നവയുഗം ദമാം മേഖല പ്രസിഡന്റ് ആർ. ഗോപകുമാർ സ്വാഗതം ആശംസിച്ച ചടങ്ങിൽ തുഗ്ബ മേഖല സെക്രട്ടറി ദാസൻ രാഘവൻ അനുശോചന പ്രമേയം അവതരിപ്പിച്ചു.
നവയുഗം കേന്ദ്രകമ്മിറ്റി പ്രസിഡന്റ് ജമാൽ വില്യപ്പള്ളി മുഖ്യ പ്രഭാഷണം നടത്തി. ബഷീർ വേരോട് (നവോദയ), ഇ. കെസലിം (ഒഐസിസി), അലികുട്ടി ഒളവട്ടൂർ (കെഎംസിസി), കെ.എം.ബഷീർ(തനിമ), അബ്ദുൾ റഹീം (പ്രവാസി വെൽഫെയർ), ഡോ. ഇസ്മായിൽ (ഡോക്ടേഴ്സ് അസോസിയേഷൻ), പി. ടി. അലവി, പ്രദീപ് കൊട്ടിയം, ഡോ. സിന്ധു ബിനു, ലീന ഉണ്ണികൃഷ്ണൻ, മഞ്ചു മണിക്കുട്ടൻ, ഉണ്ണി പൂച്ചെടിയിൽ, കദീജ ടീച്ചർ, നവാസ് ചൂനാട് എന്നിവർ അനുസ്മരണ പ്രസംഗങ്ങൾ നടത്തി.
നവയുഗം കേന്ദ്രകമ്മിറ്റി ട്രെഷറർ സാജൻ കണിയാപുരം യോഗത്തിൽ നന്ദി പറഞ്ഞു. പ്രിജി കൊല്ലം, അരുൺ ചാത്തന്നൂർ, ഷിബുകുമാർ, ബിജു വർക്കി, ബിനു കുഞ്ഞു, രാജൻ കായംകുളം, നന്ദകുമാർ, റഷീദ് പുനലൂർ, തമ്പാൻ നടരാജൻ, ജോസ് കടമ്പനാട്, രവി ആന്ത്രോട്, കൃഷ്ണൻ പ്രേരാമ്പ്ര, ഷഫീക്, സജീഷ് പട്ടാഴി, ഷീബ സാജൻ, മഞ്ജു അശോക്, സംഗീത ടീച്ചർ എന്നിവർ നേതൃത്വം നൽകി.
|