Deepika.com Nri News :മയൂർ വിഹാറിലെ മലയാളികളുടെ സ്വന്തം കുഞ്ചുവേട്ടൻ ഇനി ഓർമ.......

Delhi

മയൂർ വിഹാറിലെ മലയാളികളുടെ സ്വന്തം കുഞ്ചുവേട്ടൻ ഇനി ഓർമ

Back To NRI Home Forward This News Click here for detailed news of all items

ന്യൂഡൽഹി: മുൻ സൈനികനും മുതിർന്ന മാധ്യമ പ്രവർത്തകനും എഴുത്തുകാരനും ഡൽഹി മലയാളി അസോസിയേഷന്‍റെ ആജീവനാന്ത അംഗവുമായ മയൂർ വിഹാറിലെ മലയാളികളുടെ പ്രിയപ്പെട്ട കുഞ്ചുവേട്ടനുമായ നമ്പ്രത്തിൽ കുഞ്ചു (എൻ. കുഞ്ചു 95) അന്തരിച്ചു.

സ്വാതന്ത്ര്യ സമര പോരാളിയായിരുന്ന അരുണാ അസഫലിയുടെ സന്തത സഹചാരിയായ ഭാര്യ ജാനുവിന്‍റെ വേർപാടിന് ശേഷം കഴിഞ്ഞ ഒരു വർഷക്കാലത്തോളമായി തൃശൂർ വിയ്യൂരിലെ സഹോദരിയുടെ മകൾ ഗീതയോടൊപ്പമായിരുന്നു കുഞ്ചുവേട്ടന്‍റെ താമസം.

ജെസിഒയായി 1947ൽ ജോലിയിൽ പ്രവേശിച്ച് സുബേദാർ മേജറായി ഇന്ത്യൻ സൈന്യത്തിൽ നിന്നും വിരമിച്ച കുഞ്ചു 25 വർഷം രാജ്യത്തിനാ‌യി സേവനമനുഷ്ഠിച്ചു. സേനയുമായി ബന്ധപ്പെട്ട നിരവധി പുസ്തകങ്ങൾ രചിച്ചിട്ടുണ്ട്.

1973 മുതല്‍ ഇംഗ്ലീഷ് പ്രസിദ്ധീകരണങ്ങളായ കാരവന്‍, എലൈവ്, വിമന്‍സ് ഇറ എന്നിവയുടെ എഡിറ്റോറിയല്‍ എഴുതിയിരുന്നത് കുഞ്ചുവേട്ടനാണ്. 2019 ഏപ്രില്‍ വരെ എലൈവ് മാസികയ്ക്കായി ദീര്‍ഘകാലം എഡിറ്റോറിയല്‍ എഴുതിയതും അദ്ദേഹമാണ്.

മയൂർ വിഹാറിൽ നിന്നും പ്രസിദ്ധീകരിക്കുന്ന ഇന്‍ഫോമെയില്‍ എന്ന ഇംഗ്ലീഷ് പ്രസിദ്ധീകരണത്തിന്‍റെ ചുമതലകളിലും അദ്ദേഹം സജീവമായിരുന്നു. സൈന്യത്തില്‍ നിന്ന് വിരമിക്കുന്നതിന് അഞ്ച് വര്‍ഷം മുമ്പ് അദ്ദേഹം സൈനിക് സമാചാര്‍ എന്ന മാസികയുടെ പ്രസിദ്ധീകരണ ചുമതല വഹിച്ചിരുന്നു.

ഈ സമയത്താണ് മലയാളത്തിലെ പ്രശസ്‌തനായ പാറപ്പുറത്തിന്‍റെ "നിണമണിഞ്ഞ കാല്‍പ്പാടുകൾ' "ബ്ലഡ് സ്റ്റെയിൻഡ് ഫൂട്ട് പ്രിന്‍റ്സ്' എന്ന പേരില്‍ ഇംഗ്ലീഷിലേക്ക് തർജമ ചെയ്തത്. പിന്നീട് നന്തനാരുടെ ആത്മാവിന്‍റെ നോവുകൾ, സൈ ഓഫ് ദ ഡാവ്ൺ എന്ന പേരിലും കോവിലന്‍റെ എ മൈനസ് ബി അതേ പേരിലും ഇംഗ്ലീഷിലേക്ക് വിവർത്തനം ചെയ്‌തത്‌.

മലയാളികളുടെ മനം കവർന്ന മേൽപ്പറഞ്ഞ കൃതികൾ സൈനിക് സമാചാറിലും കാരവന്‍ മാസികയിലും തുടർക്കഥകളായി പ്രസിദ്ധീകരിച്ച ശേഷം പിന്നീടാണ് പുസ്തകങ്ങളായത്. ചൊവ്വാഴ്ച വൈകുന്നേരം നാലിന് വിയ്യൂരിലെ സഹോദരീ പുത്രിയുടെ വീട്ടുവളപ്പിലൊരുക്കിയ ചിതയിൽ നമ്പ്രത്തിൽ കുഞ്ചു എന്ന സൈനിക സാഹിത്യകാരനെ അഗ്നി നാളങ്ങൾ ഏറ്റുവാങ്ങി.

കുഞ്ചുവേട്ടന്‍റെ നിര്യാണം സാഹിത്യലോകത്തിന് നികത്താനാവാത്ത നഷ്ടമാണെന്നും ഡിഎംഎ പ്രതിനിധി ഇ.കെ. ശശിധരൻ അനുശോചന സന്ദേശത്തിൽ പറഞ്ഞു.

ഡിഎംഎ ജസോല ഏരിയ ക്രിസ്മസ് കരോൾ സംഘടിപ്പിച്ചു.

ന്യൂഡൽഹി: ഡൽഹി മലയാളി അസോസിയേഷൻ, ജസോല ഏരിയ ക്രിസ്മസ് കരോൾ നടത്തി.

അന്നദാനത്തിൽ കേന്ദ്രമന്ത്രി ഹർഷ് മൽഹോത്ര പങ്കെടുത്തു.

ന്യൂ ഡൽഹി: ശ്രീ അയ്യപ്പ പൂജാ സമിതി മയൂർ വിഹാർ ഫേസ്2ന്‍റെ 16ാമത് മണ്ഡല പൂജാ മഹോത്സവത്തിന്‍റെ ഭാഗമായി നടത്തിയ അന്നദാനത്

വിശുദ്ധ ചാവറയച്ചൻ സാമൂഹിക പ്രവർത്തകർക്ക് ഉത്തമ മാതൃക: ശശി തരൂർ.

ന്യൂഡൽഹി: പാർശ്വവത്കരിക്കപ്പെട്ട ജനങ്ങളുടെ ഉന്നമനത്തിനും വിദ്യാഭ്യാസത്തിനും വേണ്ടി അക്ഷീണം പ്

സെന്‍റ് സ്റ്റീഫൻസ് ഓർത്തഡോക്സ് ഇടവകയിൽ ക്രിസ്‌മസ്‌ കരോൾ നടത്തി.

ന്യൂഡൽഹി: ദിൽഷാദ് ഗാർഡൻ സെന്‍റ് സ്റ്റീഫൻസ് ഓർത്തഡോക്സ് ഇടവകയിൽ ക്രിസ്‌മസ്‌ കരോൾ നടത്തി.

ടീം അംഗങ്ങൾ വികാരി റവ.

ബേസിൽ ജെയ്സൺ പ്രവാസി ലീഗൽ സെൽ നാഷണൽ കോഓർഡിനേറ്ററായി.

ന്യൂഡൽഹി: പ്രവാസി ലീഗൽ സെൽ നാഷണൽ കോഓർഡിനേറ്ററായി അഡ്വ. ബേസിൽ ജെയ്സൺ ചുമതലയേറ്റു.