Deepika.com Nri News :റൈറ്റ് റവ.ഡോ. ഐസക് മാർ ഫിലോക്സിനോസ് എപ്പിസ്കോപ്പയുടെ യാത്രയയപ്പ് സമ്മേളനം ഞായറാഴ്ച.......

Americas

റൈറ്റ് റവ.ഡോ. ഐസക് മാർ ഫിലോക്സിനോസ് എപ്പിസ്കോപ്പയുടെ യാത്രയയപ്പ് സമ്മേളനം ഞായറാഴ്ച

Back To NRI Home Forward This News Click here for detailed news of all items

ഡാളസ്: നോർത്ത് അമേരിക്കാ യൂറോപ്പ് ഭദ്രാസന യുവജനസഖ്യത്തിന്‍റെ ആഭിമുഖ്യത്തിൽ ഭദ്രാസനാധിപൻ അഭിവന്ദ്യ റൈറ്റ് റവ.ഡോ.ഐസക് മാർ ഫിലോക്സിനോസ് എപ്പിസ്കോപ്പയ്ക്ക് ഞായറാഴ്ച യാത്രയയപ്പ് നൽകുന്നു.

ഡിസംബർ 31ന് നോർത്ത് അമേരിക്കാ യൂറോപ്പ് ഭദ്രാസനത്തിന്‍റെ എപ്പിസ്കോപ്പാ സ്ഥാനമൊഴിയുന്ന തിരുമേനി, ജനുവരി ഒന്നു മുതൽ തിരുവനന്തപുരം കൊല്ലം ഭദ്രാസനത്തിന്‍റെ എപ്പിസ്കോപ്പയായി ചുമതലയേൽക്കും.

2016 ഏപ്രിൽ മുതലായിരുന്നു തിരുമേനി നോർത്ത് അമേരിക്കാ യൂറോപ്പ് ഭദ്രാസന ചുമതലയിലേക്ക് പ്രവേശിച്ചത്. തിരുമേനിയുടെ നേതൃത്വത്തിൽ ഏഴ് റീജിയനുകളിലായി 33 രജിസ്ട്രേഡ് ശാഖകൾ ഭദ്രാസനത്തിൽ പ്രവർത്തിച്ചുവരുന്നു.

കൂടാതെ വിവിധ മിഷൻ പ്രവർത്തനങ്ങളും വേദ പഠന ക്ലാസുകളും കോൺഫറൻസുകളും വർഷംതോറും ക്രമീകരിച്ചു വരുന്നു. ഭദ്രാസന യുവജനസഖ്യത്തിന്‍റെ മിഷൻ പ്രവർത്തനങ്ങളുടെ ഭാഗമായി ലൈറ്റ് ടു ലൈഫ്, മെക്സിക്കോ മിഷൻ, നേറ്റീവ് അമേരിക്ക മിഷൻ എന്നിവിടങ്ങളിലേക്ക് യുവജനസഖ്യത്തിന്‍റെ സഹായം എത്തിക്കുവാൻ തിരുമേനി പ്രത്യേകം ശ്രദ്ധിച്ചിരുന്നു.

2023 മുതൽ ഭദ്രാസന യുവജനസഖ്യത്തിന്‍റെ കൗൺസിൽ അംഗങ്ങളായി റവ. സാം കെ ഈശോ(വൈസ് പ്രസിഡന്‍റ്), ബിജി ജോബി (സെക്രട്ടറി), അനീഷ് വർഗീസ് (ട്രഷറർ), ബിൻസി ജോൺ (അസംബ്ലി മെമ്പർ) എന്നിവർ പ്രവർത്തിച്ചുവരുന്നു.

ന്യൂജഴ്സി പ്രിൻസിംഗ്ടൺ തിയോളജിക്കൽ സെമിനാരിയിൽ നിന്ന് ബിരുദാനന്തരബിരുദവും ബനാറസ് ഹിന്ദു സർവകലാശാലയിൽനിന്ന് പിഎച്ച്ഡിയും ഡോ.ഫിലോക്സിനോസ് തിരുമേനി കരസ്ഥമാക്കിയിട്ടുണ്ട്.

വേൾഡ് കൗൺസിൽ ഓഫ് ചർച്ചസ് സെൻട്രൽ കമ്മിറ്റി അംഗം, ക്രിസ്ത്യൻ ഏജൻസി ഫോർ റൂറൽ ഡെവലപ്മെന്‍റ് പ്രസിഡന്‍റ്, സെറാമ്പൂർ യൂണിവേഴ്സിറ്റി സെനറ്റ് പ്രസിഡന്‍റ് എന്നീ നിലകളിലും തിരുമേനി സേവനമനുഷ്ഠിച്ചിരുന്നു. ഇന്ത്യയുടെ വിവിധ ഭാഗങ്ങളിൽ കഷ്ടത അനുഭവിക്കുന്ന കുട്ടികൾക്ക് വേണ്ടി ലൈറ്റ് ടു ലൈഫ് എന്ന പദ്ധതിക്കും തിരുമേനി രൂപം നൽകിയിട്ടുണ്ട്.

കഴിഞ്ഞ ഏഴു വർഷക്കാലം തിരുമേനിയുടെ നേതൃത്വത്തിൽ ഭദ്രാസന യുവജനസഖ്യം നടത്തിയിട്ടുള്ള പ്രവർത്തനങ്ങൾ ഭദ്രാസന യുവജനസഖ്യത്തിന്‍റെ ചരിത്രത്താളുകളിൽ എഴുതി ചേർക്കപ്പെട്ടതാണെന്ന് കഴിഞ്ഞ നാലു വർഷം ഭദ്രാസന യുവജനസഖ്യം സെക്രട്ടറിയായി പ്രവർത്തിച്ച ബിജി ജോബി അഭിപ്രായപ്പെട്ടു.

തിരുമേനിക്ക് ഭദ്രാസന യുവജന സഖ്യം ക്രമീകരിച്ചിട്ടുള്ള യാത്രയയപ്പ് സമ്മേളനത്തിലേക്ക് എല്ലാവരെയും സ്വാഗതം ചെ‌യ്യുന്നു എന്ന് സഖ്യം വൈസ് പ്രസിഡന്‍റ് റവ.സാം കെ ഈശോ അഭ്യർഥിച്ചു. യാത്രയയപ്പ് സമ്മേളനത്തിന്‍റെ തത്സമയ പ്രക്ഷേപണം മാർത്തോമ്മാ മീഡിയ എന്ന മാധ്യമത്തിലൂടെ ലഭ്യമാണെന്ന് ചുമതലക്കാർ അറിയിച്ചു.

ഇന്ത്യാനയിൽ വിമാനം തകർന്നു വീണു; നാല് മരണം.

ആൻഡേഴ്സൺ(ഇന്ത്യാന): വെള്ളിയാഴ്ച രാവിലെ ഫോർട്ട് ഡോഡ്ജിൽ നിന്ന് പുറപ്പെട്ട സിംഗിൾ എഞ്ചിൻ വിമാനം ഇന്ത്യാനയിൽ തകർന്നുവീണതായി അധികൃതർ അറിയിച്ചു.

ഹാരിസിന് വോട്ട് ചെയ്യുമെന്ന് മുൻ റിപ്പബ്ലിക്കൻ വൈസ് പ്രസിഡൻ്റ് ഡിക്ക് ചെനി.

ചീയെൻ(വ്യോമിംഗ്): കഴിഞ്ഞ അരനൂറ്റാണ്ടിലെ ഏറ്റവും പ്രമുഖ റിപ്പബ്ലിക്കൻമാരിൽ ഒരാളായ മുൻ വൈസ് പ്രസിഡന്‍റ് ഡിക്ക് ചെനി വര

മാപ്പ് ഓണം "സംഗമൊത്സാവ് 'ഒരുക്കങ്ങൾ പൂർത്തിയായി.

ഫിലഡൽഫിയ: മലയാളി അസോസിയേഷൻ ഓഫ് ഗ്രേറ്റർ ഫിലഡൽഫിയ അണിയിച്ചൊരുക്കുന്ന ഈ വർഷത്തെ ഏവരും ആകാംഷയോടെ കാത്തിരിക്കുന്ന ഓണ

ഡൊമിനിക്ക് ചിറ്റിലപ്പിള്ളിയുടെ മാതാവ് മേരി അന്തരിച്ചു.

മാപ്രാണം: ചിറ്റിലപ്പിള്ളി പരേതനായ തൊമ്മാന വാറുണ്ണി ഭാര്യ മേരി (93) അന്തരിച്ചു.

ഡിട്രോയിറ്റ് മലയാളി അസോസിയേഷന്‍റെ ഓണാഘോഷം സെപ്റ്റംബർ 14ന്.

ഡിട്രോയിറ്റ്: മിഷിഗണിലെ മലയാളി സംഘടനയായ ഡിട്രോയിറ്റ് മലയാളി അസോസിയേഷന്‍റെ ഈ വർഷത്തെ ഓണാഘോഷം സെപ്റ്റംബർ 14ന്,വാറൻ കൺസോളിഡേറ്റഡ് പെർഫോമിംഗ് ആർട്സ് സെന്‍