Deepika.com Nri News :അബുദാബിയിൽ ഇന്ത്യ ഫെസ്റ്റിന് ഇന്ന് തുടക്കം.......

Middle East & Gulf

അബുദാബിയിൽ ഇന്ത്യ ഫെസ്റ്റിന് ഇന്ന് തുടക്കം

Back To NRI Home Forward This News Click here for detailed news of all items

അബുദാബി: ഇന്ത്യയുടെ വൈവിധ്യമാർന്ന കലാ സാംസ്ക്കാരിക പരിപാടികളും രുചി മേളവും ഒരുക്കുന്ന ഇന്ത്യ ഫെസ്റ്റിന് ഇന്ന് തുടക്കമാകുന്നു. യുഎഇ ഇന്ത്യ ഫെസ്റ്റ് സീസൺ 12 ഇന്ന് മുതൽ ഞായറാഴ്ച വരെയാണ് നടക്കുന്നത്.

ഇന്ന് 5.30ന് പരിപാടികൾ ആരംഭിക്കും. അബുദാബി ഇന്ത്യ സോഷ്യൽ ആൻഡ് കൾചറൽ സെന്‍റർ (ഐഎസ്‌സി) ഒരുക്കുന്ന ഉത്സവത്തോട് അനുബന്ധിച്ച് യുഎഇയുടെ 52ാം ദേശീയദിനാഘോഷ പരിപാടികളും അരങ്ങേറും. 35,000 പേർ പങ്കെടുക്കുമെന്നാണ് പ്രതീക്ഷിക്കുന്നത്.

10 ദിർഹത്തിന്‍റെ പ്രവേശന കൂപ്പൺ നറുക്കെടുത്ത് മെഗാ വിജയിക്ക് ജെഎസി എസ്3 കാർ സമ്മാനിക്കും. 20 പേർക്കു കൂടി സമ്മാനങ്ങളുണ്ട്. സമാപന സമ്മേളനത്തിൽ ലുലു ഗ്രൂപ്പ് ചെയർമാൻ എം.എ. യൂസഫലി മുഖ്യാതിഥിയാകും.

ശനിയാഴ്ച രാത്രി എട്ടിന് ഹരിചരണിന്‍റെയും രക്ഷിത സുരേഷിന്‍റെയും നേതൃത്വത്തിൽ സംഗീത സന്ധ്യ അരങ്ങേറും. ചെണ്ടമേളം, നൃത്തം, സംഗീതം തുടങ്ങി മൂന്ന് ദിവസങ്ങളിലും വ്യത്യസ്ത കലാപരിപാടികൾ ന‌ടക്കും. ഭ

ക്ഷ്യമേള, വസ്ത്ര ആഭരണ വിപണി, പുസ്തകമേള, പെർഫ്യൂംസ്, ട്രാവൽ ആൻഡ് ടൂറിസം, റിയൽ എസ്റ്റേറ്റ്, ധനകാര്യ സ്ഥാപനങ്ങൾ തുടങ്ങി വിവിധ സ്റ്റാളുകളും ലുലു ഗ്രൂപ്പിന്‍റെ സ്റ്റാളുകളും ഇത്തവണയുണ്ടാകും. കുട്ടികൾക്കായി പ്രത്യേക വിനോദ പരിപാടികളും ഒരുക്കിയിട്ടുണ്ട്.

സ്വദേശി കലാകാരന്മാരുടെ തനത് ആഘോഷ പരിപാടികളും യുഎഇ ഇന്ത്യ ഫെസ്റ്റിന് മാറ്റുകൂട്ടും. ദിവസവും വൈകുന്നേരം അഞ്ച് മുതൽ രാത്രി 12 വരെയാണു പരിപാടികൾ. കാലാവസ്ഥ ഉച്ചകോടിയോട് അനുബന്ധിച്ച് (കോപ് 28) സ്കൂൾ വിദ്യാർഥികൾ അവതരിപ്പിക്കുന്ന പ്രത്യേക പരിപാടികളും അരങ്ങേറും.

വാർത്താസമ്മേളനത്തിൽ പ്രസിഡന്‍റ് ജോൺ പി. വർഗീസ്, ജനറൽ സെക്രട്ടറി വി. പ്രദീപ്കുമാർ, ട്രഷറർ ദിലീപ്കുമാർ, വൈസ് പ്രസിഡന്‍റ് റെജി സി. ഉലഹന്നാൻ, വിനോദ സെക്രട്ടറി കെ.കെ. അനിൽകുമാർ, ഷൈജു മോഹൻദാസ് (ലുലു എക്സ്ചേഞ്ച്), വിനീഷ് ഗണേഷ് ബാബു (ജെമിനി ഗ്രൂപ്പ്), ഷെറീൻ ഫെർണാണ്ടസ് (അൽഹബ്തൂർ റോയൽ കാർ) എന്നിവർ പങ്കെടുത്തു.

മഴയ്ക്കായി പ്രാർഥിച്ച് യുഎഇ.

അബുദാബി: മഴയ്ക്കായി പ്രാ‍ർഥനകൾ നടത്തി യുഎഇ.

കേളി കുടുംബ വേദി "സിനിമാ കൊട്ടക' തുറന്നു.

റിയാദ്: കേളി കുടുംബ വേദിയുടെ നേതൃത്വത്തിൽ സിനിമാ പ്രദർശനവും നിരൂപണവും ചർച്ചയും ലക്ഷ്യം വച്ചുകൊണ്ട് "സിനിമാ കൊട്ടക' എ

ജലയാത്രയുടെ നൂറുവർഷങ്ങൾ: ചില്ല സംവാദം സംഘടിപ്പിച്ചു.

റിയാദ്: കുമാരനാശാൻ വിടപറഞ്ഞിട്ട് ഒരു നൂറ്റാണ്ട് പിന്നിടുമ്പോൾ ‘ജലയാത്രയുടെ നൂറുവർഷങ്ങൾ’ എന്ന ശീർഷകത്തിൽ റിയാദില

കസവ് ഭാരവാഹികളെ തെരഞ്ഞെടുത്തു.

ഷാർജ: കണ്ണൂർ സാംസ്‌കാരിക വേദി (കസവ്) ഭാരവാഹികളെ തെരഞ്ഞെടുത്തു. പി.ആർ.

കുവൈറ്റിൽ ബസ് അപകടം: രണ്ട് പേർ മരിച്ചു.

കുവൈറ്റ് സിറ്റി: കുവൈറ്റിലെ ആറാം നമ്പർ റോഡിൽ ബസ് മണൽത്തിട്ടയിലിടിച്ചുണ്ടായ അപകടത്തിൽ രണ്ട് പേർ മരിച്ചു.