ന്യൂഡൽഹി: കൽക്കാജി ദേവാലയത്തിൽ ഇടവക മധ്യസ്ഥനായ വിശുദ്ധ ഔസേപ്പിതാവിന്‍റെ തിരുനാൾ ഇന്ന് മുതൽ ഞായറാഴ്ച വരെ നടക്കും.
ഇന്ന് വൈകുന്നേരം ആറിന് തിരുനാൾ കൊടിയേറ്റ്, ആഘോഷമായ കുർബാന (റാസ), നൊവേന, ലദീഞ്ഞ്, തിരുനാൾ സന്ദേശം എന്നിവയ്ക്ക് ഫാ. റോണി തോപ്പിലാൻ, ഫാ. ജോമി വാഴക്കാല, ഫാ. നിധീഷ് തലചിറ, ഫാ. ജോമോൻ കപ്പലുമാക്കൽ എന്നിവർ കാർമികരാകും. തുടർന്ന് തിരുമണിക്കൂർ ആരാധന, സ്നേഹവിരുന്ന്.
ശനിയാഴ്ച വൈകുന്നേരം അഞ്ചിന് (ഡോൺ ബോസ്കോ സ്കൂളിൽ) കുർബാന, സന്ദേശം, ലദീഞ്ഞ് എന്നിവയ്ക്ക് ഫാ. ടിജോ ചെമ്പനയ്ക്കൽ, ഫാ. ബിബിൻ ഒറ്റപ്ലാക്കൽ (സിഎസ്എസ്ആർ), ഫാ. അജീഷ് പാലമറ്റത്തും കാർമികരാകും. തുടർന്ന് കലാസന്ധ്യ, സ്നേഹവിരുന്ന്.
തിരുനാൾ ദിനമായ ഞായറാഴ്ച രാവിലെ പത്തിന് ആഘോഷമായ തിരുനാൾ കുർബാന, സന്ദേശം, ലദീഞ്ഞ് പ്രദക്ഷിണം എന്നിവയ്ക്ക് ഫാ. റോബി കണ്ണഞ്ചിറ സിഎംഐ, ഫാ. ജോർജ് മണിമല, ഫാ. ജോൺസൺ കുന്നത്തോട്ട് എന്നിവർ കാർമികരാകും. തുടർന്ന് സ്നേഹവിരുന്ന്.
ഡിസംബർ ഒന്പതിന് വൈകുന്നേരം 4.30ന് കുർബാന ഒപ്പിസ് തുളക്കാബാദിലുള്ള ക്രിസ്ത്യൻ സെമിത്തേരിയിൽ വച്ച് നടത്തപ്പെടുന്നതാണ്.
|