കോഴിക്കോട്: ആത്മസമർപ്പണം കൊണ്ട് ഏറ്റവും മനോഹരമായി സഹജീവി സ്നേഹം പ്രകടമാക്കുന്ന വിഭാഗം പ്രവാസി സമൂഹമാണെന്ന് സുഹൈൽ ഹൈത്തമി.
കുവൈറ്റ് കേരള മുസ്‌‌ലിം അസോസിയേഷൻ കൊയിലാണ്ടിയിൽ സംഘടിപ്പിച്ച കുടുംബ ക്ഷേമ നിധി വിതരണ സംഗമത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.
സാമ്പത്തിക, സാമൂഹിക, മത, രാഷ്ട്രീയ രംഗങ്ങളിൽ സ്വയം സമർപ്പണം നടത്തുന്ന കെകെഎംഎ മികച്ച മാതൃകയാണെന്ന് അദ്ദേഹം കൂട്ടിച്ചേർത്തു. ലുഖ്മാൻ സാഹിബ് (സിഒഒ ആസ്റ്റർ മിംസ് ഹോസ്പിറ്റൽ കോഴിക്കോട്) സംഗമം ഉദ്‌ഘാടനം ചെയ്തു.
കെകെഎംഎ സംസ്ഥാന പ്രസിഡന്‍റ് കെ.കെ.അബ്ദുള്ള ആധ്യക്ഷ്യം വഹിച്ച പരിപാടിയിൽ പണ്ഡിതനും പ്രഭാഷകനുമായ സുഹൈൽ ഹൈത്തമി പ്രാർത്ഥനക്ക് നേതൃത്വം നൽകി. കെ.സിദ്ധീഖ്, എൻ.എ.മുനീർ, എ.പി. അബ്ദുൽ സലാം, സലീം കൊമ്മേരി എന്നിവർ പ്രസംഗിച്ചു.
27 കുടുംബങ്ങൾക്കുള്ള ഫണ്ട് വിതരണം കെകെഎംഎ നേതാക്കളായ പി.വി. സുബൈർ ഹാജി, എച്ച്. അലിക്കുട്ടി ഹാജി, ബഷീർ അമേത്ത്, ആർ.വി. അബ്ദുൽ ഹമീദ് മൗലവി, മുഹമ്മദ് ഹനീഫ് പടന്ന, സി.എച്ച് അബ്ദുള്ള, യൂസുഫ്, ആരിഫ് (ജഹറ), ഹാരിസ് (സാൽമിയ), കെ. പി. അഷ്‌റഫ്‌ (ഫർവാനിയ),
മൊയ്തീൻ കുട്ടി, അബ്ദുൽ സമദ് (ഖൈത്താൻ), ദിലീപ് കോട്ടപ്പുറം, സി.കെ. അബ്ദുൽ സത്താർ ചെമ്മാട്, സുലൈമാൻ പറമ്പത്ത്, കുഞ്ഞാവ മലപ്പുറം (സബ്ഹാൻ), എസ്.വി. അഷ്‌റഫ്‌ (ഹവല്ലി ), അബ്ദുള്ള (അബ്ബാസിയ), അബ്ദുൽ അസീസ് (പാലക്കാട്‌), ഹനീഫ് മൂഴിക്കൽ, ഇസ്ഹാഖ് (കണ്ണൂർ), എ.വി.മുസ്തഫ എന്നിവർ നിർവഹിച്ചു.
യു.എ. ബക്കർ, സലീം അറക്കൽ, അബ്ദു കുട്ടിച്ചിറ എന്നിവർ പരിപാടികൾ ക്രമീകരിച്ചു. പി.എ. ഹാഷിം തങ്ങളുടെ ഖിറാഅത്തോടെ ആരംഭിച്ച പരിപാടിയിൽ ജനറൽ സെക്രട്ടരി അബ്ദുൽ റസാഖ് മേലടി സ്വാഗതവും ഇ.കെ. അബ്ദുള്ള നന്ദിയും പറഞ്ഞു.
|