അബുദാബി: മലപ്പുറം ജില്ലാ കെഎംസിസിയുടെ ആഭിമുഖ്യത്തിൽ രണ്ട് പതിറ്റാണ്ടിൽ കൂടുതൽ അധ്യാപകരായി സേവനം ചെയ്ത മലപ്പുറം ജില്ലയിൽ നിന്നുള്ള അധ്യാപകരെ ആദരിച്ചു. ലോക അധ്യാപക ദിനത്തിന്റെ ഭാഗമായാണ് യുഎഇയിലെ വിവിധ എമിറേറ്റ്സുകളിൽ സേവനം ചെയ്ത അധ്യാപകരെ ഒക്ടോബർ 20ന് അബുദാബി ഇന്ത്യൻ ഇസ്ലാമിക് സെന്ററിൽ വച്ച് ആദരിച്ചത്.
തക് രീം, എ ഡേ ഓഫ് ഗ്രാറ്റിറ്റ്യൂഡ് എന്ന പേരിൽ ഗുരു വാര്യന്മാർക്ക് നൽകിയ ആദരം പരിപാടി ഗുരു ശിഷ്യ ബന്ധം കൂടുതൽ ഊട്ടി ഉറപ്പിക്കുന്നതിന് സഹായകരമായി. മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങൾ പരിപാടി ഉദ്ഘാടനം ചെയ്തു.
അബുദാബി മലപ്പുറം ജില്ലാ കെഎംസിസി പ്രസിഡന്റ് അസീസ് കാളിയാടൻ അധ്യക്ഷത വഹിച്ചു. യുഎഇ കെഎംസിസി ജനറൽ സെക്രട്ടറി അൻവർ നഹാ മുഖ്യ പ്രാഭാഷണം നടത്തി.
എംപിഎം റഷീദ്, കെഎംസിസി ആക്ടിംഗ് പ്രസിഡന്റ് അഷ്റഫ് പൊന്നാനി, ജനറൽ സെക്രട്ടറി സി. എച്ച്. യുസുഫ്, ഇസ്ലാമിക് സെന്റർ ജനറൽ സെക്രട്ടറി അഡ്വ. മുഹമ്മദ് കുഞ്ഞി, സംസ്ഥാന കെഎംസിസി സെക്രട്ടറി ടി.കെ. അബ്ദുൽ സലാം, ഇസ്ലാമിക് ട്രഷറർ ഹിദായത്തുള്ള പറപ്പുർ, നൗഷാദ് തൃപ്രങ്ങോട് തുടങ്ങിയവർ സംസാരിച്ചു.
പ്രത്യേക അതിഥികളായെത്തിയ ബാല ശങ്കരൻ മാഷും ഹമീദ് മൗലവിയും ജനശ്രദ്ധയും മാധ്യമശ്രദ്ധയും പിടിച്ചുപറ്റി. 22 അധ്യാപകരെയും അബ്ബാസ് അലി ശിഹാബ് തങ്ങളും ജില്ലാ ഭാരവാഹികളും ചേർന്ന് ആദരിച്ചു.
വിവിധ സ്കൂളുകളിൽ നിന്നും വന്ന അധ്യാപകരും കുട്ടികളും പൊതു ജനങ്ങളും പരസ്പരം സ്നേഹവും ആശംസകളും കൈമാറുകയും ചെയ്തു. ഇതോടനുബന്ധിച്ചു നടത്തിയ പ്രബന്ധ രചന, ക്വിസ്, ചിത്ര രചന, മത്സരങ്ങളിലെ വിജയികൾക്ക് സമ്മാനവും സർട്ടിഫിക്കറ്റും വിതരണം ചെയ്തു .
മലപ്പുറം ജില്ലയിലെ പ്രവർത്തകർക്ക് വേണ്ടി പ്രത്യേക സുരക്ഷാ സ്കീം "റഹ്മ' പദ്ധതി പ്രഖ്യാപനവും നവംബറിൽ 25ന് നടത്തുന്ന ഫുട്ബാൾ ടൂർണമെന്റിന്റെ ബ്രോഷർ പ്രകാശനവും നടന്നു.
ഹംസ ഹാജി പാറയിൽ, മൊയ്ദുട്ടി വേളേരി, കാദർ ഒളവട്ടൂർ, റഷീദലി മമ്പാട്, ബീരാൻകുട്ടി ഇരിങ്ങാവൂർ, കളപ്പാട്ടിൽ അബുഹാജി, നാസർ പറമ്പൻ, ഹുസൈൻ സി.കെ, ബഷീർ വറ്റല്ലൂർ, നാസർ വൈലത്തൂർ,
സിറാജ് എം.കെ, ഷംസു താഴെക്കോട്, മുനീർ എടയൂർ, സമീർ പുറത്തൂർ, അബ്ദുറഹ്മാൻ എം ഒതുക്കുങ്ങൽ, അഹ്മദ് ഹസൻ അരീക്കൻ, എന്നിവർ ഉപഹാര സമർപ്പണം നടത്തി.
|