Deepika.com Nri News :ദുബായി ഗ്യാസ് സിലിണ്ടര്‍ അപകടം: പരിക്കേറ്റ മലയാളി മരിച്ചു.......

Middle East & Gulf

ദുബായി ഗ്യാസ് സിലിണ്ടര്‍ അപകടം: പരിക്കേറ്റ മലയാളി മരിച്ചു

Back To NRI Home Forward This News Click here for detailed news of all items

കരാമ: ദുബായിയിൽ ഗ്യാസ് സിലിണ്ടർ പെട്ടിത്തെറിച്ചുണ്ടായ അപകടത്തിൽ ചികിത്സയിലായിരുന്ന മലയാളി മരിച്ചു. മലപ്പുറം സ്വദേശി യാക്കൂബ് അബ്ദുല്ലയാണ് മരിച്ചത്.

ബർദുബൈ അനാം അൽ മദീന ഫ്രൂട്ട്സിലെ ജീവനക്കാരനായിരുന്നു യാക്കൂബ്. ചൊവ്വാഴ്ച അർധരാത്രി 12.20ന് കരാമ ഡേ ടു ഡേ ഷോപ്പിംഗ് സെന്‍ററിന് സമീപമുള്ള ബിൻഹൈദർ ഫ്ലാറ്റിലാണ് അപകടമുണ്ടായത്.

ഗ്യാസ് സിലിണ്ടറിൽ ചോർച്ചയുണ്ടാകുകയും പിന്നാലെ പൊട്ടിത്തെറിക്കുകയുമായിരുന്നു. അപകടത്തിൽ മലയാളികളടക്കം ഒന്പത് പേർക്ക് പരിക്കേറ്റിരുന്നുവെന്നും ഇതിൽ മൂന്നു പേരുടെ നില അതീവ ഗുരുതരമാണെന്നുമായിരുന്നു ആദ്യം ലഭിച്ച വിവരം.

കണ്ണൂർ തലശേരി പുന്നോൽ സ്വദേശികളായ നിധിൻ ദാസ്, ഷാനിൽ, നഹീൽ എന്നിവരെ ഗുരുതര പരിക്കുകളോടെ ദുബായ് റാഷിദ് ആശുപത്രിയിൽ പ്രവേശിപ്പിച്ചിരുന്നു. ഫ്ലാറ്റിലെ മൂന്ന് മുറികളിലായി 17 പേരാണ് താമസിച്ചിരുന്നത്.

അപകടത്തിൽപെട്ട യുവാക്കളിൽ ഭൂരിഭാഗവും അവിവാഹിതരാണെന്നാണ് സൂചന. റാഷിദ് ആശുപത്രിയിലും എൻഎംസി ആശുപത്രിയിലുമായിട്ടാണ് ഇവരെ പ്രവേശിപ്പിച്ചത്.

സിലിണ്ടർ പെട്ടിത്തെറിച്ചതിന്‍റെ ആഘാതത്തിൽ ഇതിന് സമീപത്തുള്ള മറ്റൊരു ഫ്ലാറ്റിലെ രണ്ട് സ്ത്രീകൾക്കും പരിക്കേറ്റിരുന്നു.

പ്രധാനമന്ത്രി കുവൈറ്റിൽ എത്തി.

കുവൈറ്റ് സിറ്റി: രണ്ടു ദിവസത്തെ ഔദ്യോഗിക സന്ദർശനത്തിനായി ഇന്ത്യൻ പ്രധാനമന്ത്രി നരേന്ദ്ര മോദി കുവൈറ്റിൽ എത്തി.

വാഹനം കടയിലേക്ക് ഇടിച്ച് കയറി; യുപി സ്വദേശി മരിച്ചു.

റിയാദ്: സൗദി ബാലൻ ഓടിച്ച വാഹനം നിയന്ത്രണം വിട്ട് കടയിലേക്ക് ഇടിച്ചുകയറിയതിനെ തുടർന്ന് ഉത്തർപ്രദേശ് സ്വദേശി മരിച്ച

വേൾഡ് കെഎംസിസി നിലവിൽ വന്നു.

കോഴിക്കോട്: വിവിധ രാജ്യങ്ങളിലെ കെഎംസിസി കമ്മിറ്റികളുടെ കൂട്ടായ്മയായി വേൾഡ് കെഎംസിസി നിലവിൽ വന്നു.

പ്രധാനമന്ത്രി നരേന്ദ്ര മോദി കുവൈറ്റ് സന്ദർശിക്കുന്നു.

കുവൈറ്റ് സിറ്റി: ഇന്ത്യൻ പ്രധാനമന്ത്രി നരേന്ദ്ര മോദി രണ്ടുദിവസത്തെ സന്ദർശനത്തിന് കുവൈറ്റിലെത്തുന്നു.