ലണ്ടൻ: പ്രവാസി മലയാളികളുടെ കേരളത്തിലേക്കും ഇന്ത്യയിലേക്കുമുള്ള ആരോഗ്യ, മെഡിക്കൽ, ആയുർവേദ ടൂറിസം ഏകോപിപ്പിക്കുന്നതിന് ഓൺലൈൻ പോർട്ടൽ ആരംഭിച്ച് വേൾഡ് മലയാളി കൗൺസിൽ.
കൗൺസിലിന്‍റെ ഇന്‍റർനാഷണൽ ഹെൽത്ത് ആൻഡ് മെഡിക്കൽ ഫോറവും ടൂറിസം ഫോറവും ആണ് പദ്ധതിക്ക് നേതൃത്വം വഹിച്ചത്. www.wmchealthtourism.org എന്ന ബുക്കിംഗ് വെബ്‌സൈറ്റിലേക്കും മൊബൈൽ ആപ്പിലേക്കും ലിങ്ക്ചെയ്തിട്ടുണ്ട്.
തിരുവനന്തപുരത്ത് നടന്ന ഗ്ലോബൽ ട്രാവൽ മാർക്കറ്റ് ടൂറിസം ട്രേഡ് ഷോയിലാണ് പദ്ധതി ആരംഭിച്ചത്. ശസ്ത്രക്രിയ, മോഡേൺ മെഡിസിൻ ഹോസ്പിറ്റൽ ചികിത്സ, പ്രവാസികളുടെ മാതാപിതാക്കളുടെ ഹോം കെയർ ചികിത്സ, വിവിധ സ്പെഷ്യാലിറ്റികളുടെ മെഡിക്കൽ അഭിപ്രായ സൗകര്യം,
ആയുർവേദ ചികിത്സ, മസാജ്, വെൽനസ്, ഫിസിയോതെറാപ്പി, കൗൺസിലിംഗ്, റിസോർട്ട്, ട്രാവൽ, ഹെറിറ്റേജ്, കൾച്ചറൽ ടൂറിസം അനുബന്ധ പാക്കേജുകൾ, ഹോട്ടൽ ബുക്കിംഗ്, ഗോൾഡൻ ട്രയാംഗിൾ ടൂർ എന്നിവയ്ക്കുള്ള പാക്കേജുകൾ ഇതിലുണ്ട്.
കൂടാതെ യുകെ, ജർമനി തുടങ്ങിയ സ്ഥലങ്ങളിലെ ഹോസ്പിറ്റൽ നഴ്സിംഗ് ജോലികൾ, നഴ്സിംഗ് ഹോം കെയർ ജോലികൾ, വിദ്യാർഥികൾക്കുള്ള പ്രവേശനം എന്നിവയ്ക്കുള്ള റിക്രൂട്ട്‌മെന്‍റ്
ലിങ്കുകൾ നൽകും.
ഡബ്ല്യുഎംസി ഗ്ലോബൽ ചെയർമാൻ ഗോപാല പിള്ള യുഎസ്എ, ഗ്ലോബൽ പ്രസിഡന്‍റ് ജോൺ മത്തായി അബുദാബി എന്നിവർ സംഘടനാ ഉപദേശങ്ങൾ നൽകും. ബന്ധപ്പെടാനുള്ള ഇമെയിൽ
wmchealthtourism@gmail.com, വാട്സ്ആപ്പ് 0091 944 644 1698 എന്നിവ ആണ്.
|