കുവൈറ്റ് സിറ്റി: അബ്ബാസിയ ഇന്ത്യൻ സെൻട്രൽ സ്കൂൾ അങ്കണം തിങ്ങിനിറഞ്ഞ കാണികളെ സാക്ഷികളാക്കി ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി) നാഷനൽ കമ്മിറ്റിയുടെ ഓണപ്പൊലിമ കണ്ണിനും കാതിനും കുളിർമയായി.
പ്രസിഡന്റ് വർഗീസ് പുതുക്കുളങ്ങരയുടെ അധ്യക്ഷതയിൽ നടന്ന സാംസ്കാരിക സമ്മേളനം തൃക്കാക്കര എംഎൽഎ ഉമ തോമസ് ഉദ്ഘാടനം ചെയ്തു. മലയാളത്തനിമ പൂർണാർഥത്തിൽ നിലനിൽക്കുന്നത് വിദേശങ്ങളിലാണെന്ന് അവർ പറഞ്ഞു.
പിറന്നമണ്ണിനും വളർന്ന സംസ്കാരത്തിനും വില കൽപിക്കുന്നവരാണ് പ്രവാസികൾ. അത്തരം മനോഭാവമാണ് പ്രവാസ ലോകത്തും മലയാളത്തിന്റെ ഉത്സവങ്ങൾ ആവേശപൂർവം കൊണ്ടാടപ്പെടുന്നതിന്റെ കാരണമെന്നും ഉമ തോമസ് പറഞ്ഞു.
പുതുപ്പള്ളി എംഎൽഎ ചാണ്ടി ഉമ്മനെ ചടങ്ങിൽ ആദരിച്ചു. തെരഞ്ഞെടുപ്പ് വിജയത്തിന് ശേഷം ആദ്യമായി സന്ദർശനം നടത്തുന്ന വിദേശരാജ്യം കുവെെറ്റായതിൽ സന്തോഷമുണ്ടെന്ന് അദ്ദേഹം പറഞ്ഞു.
കുവൈറ്റിലെ കോൺഗ്രസ് അനുകൂല പ്രവർത്തനങ്ങളെക്കുറിച്ച് പിതാവ് ഉമ്മൻ ചാണ്ടി എന്നും ആവേശപൂർവം പറയുന്നത് കേൾക്കാറുണ്ട്. അങ്ങനെയുള്ളവർക്കിടയിലേക്ക് ആദ്യമായി കടന്നെത്തുവാൻ സാധിച്ചുവെന്നതിൽ ആഹ്ലാദമുണ്ടെന്നും അദ്ദേഹം പറഞ്ഞു.
ഒഐസിസി ഗ്ലോബൽ കമ്മിറ്റി ചെയർമാൻ ശങ്കരപിള്ള കുംബളത്ത്, എൻബിറ്റിസി ചെയർമാൻ കെ.ജി. എബ്രഹാം, കെഎംസിസി ജനറൽ സെക്ക്രട്ടറി ഷറഫുദീൻ കണ്ണേത്ത്, മെഡക്സ് മെഡിക്കൽ കെയർ പ്രസിഡന്റ് & സിഇഒ മോഹമ്മദ് അലി, വൈസ് പ്രസിഡന്റ് ശാമുവേൽ ചാക്കോ കാട്ടുർകളിക്കൽ,
ജനറൽ സെക്രട്ടറിമാരായ ബി.എസ്. പിള്ള, ജോയി ജോൺ തുരുത്തിക്കര, ബിനു ചെമ്പാലയം, സെക്രട്ടറിമാരായ മനോജ് ചണ്ണപ്പേട്ട, എം.എ. നിസാം, റോയ് കൈതവന, ജോയ് കരവാളൂർ, ജോയിന്റ് ട്രഷറർ റിഷി ജേക്കബ്, ലേഡീസ് വിംഗ് ചെയർപേഴ്സൻ ലാൻസീ ബാബു,
യൂത്ത് വിംഗ് ചെയർമാൻ ജോബിൻ ജോസ്, വെൽഫയർ വിംഗ് ചെയർമാൻ ആന്റോ വാഴപ്പള്ളി, മീഡിയാ വിംഗ് ചെയർമാൻ ജോർജി ജോർജ് എന്നിവർ പ്രസംഗിച്ചു. കുവൈറ്റിൽ ഒഐസിസി പുതുതായി ആരംഭിച്ച കെയർ ടീമിന്റെ ഉദ്ഘാടനവും ഐഡന്റിറ്റി കാർഡ് വിതരണവും നടത്തപ്പെട്ടു.
വിശ്രമ ജിവിതത്തിനായി നാട്ടിലേക്ക് സ്തിര താമസത്തിനു പോകുന്ന നാഷണൽ സെക്രട്ടറി റോയ് കൈതവനയ്ക്ക് മെമന്റോ നൽകി യാത്രയയപ്പ് നൽകി. ഒ ഐ സി സി ലൈബ്രേറിയൻ മാണി ചാക്കോയെ മെമന്റോ നൽകി ആദരിച്ചു.
വിവിധ ജില്ലാ കമ്മിറ്റികൾ പങ്കെടുത്ത അത്തപ്പുക്കള മത്സരത്തിൽ വിജയികളായ തിരുവനന്തപുരം, കൊല്ലം, കണ്ണൂർ ജില്ലകൾക്കും, കൂപ്പൺ വിതരണത്തിലെ വിജയികളായ ആലപ്പുഴ, എറണ്ണാകുളം, കാസർഗോഡ് ജില്ലകൾക്കും വ്യക്തിഗത വിജയികളായ സുരേന്ത്രൻ മുങ്ങത്ത്, കലേഷ് ബി. പിള്ള, വിജോ പി തോമസ്, നിബു ജേക്കബ് എന്നിവർക്കും സമ്മാനങ്ങൾ വിതരണം ചെയ്തു.
അക്ബർ വയനാട് സംവിധാനം ചെയ്ത ഉമ്മൻ ചാണ്ടി അനുസ്മരണ വിഡിയോ പ്രകാശനം ചെയ്തു. ആലപ്പുഴ ജില്ലാ കമ്മിറ്റി സംഘടിപ്പിച്ച ക്രിക്കറ്റ് ടൂർണമന്റ് വിജയികൾക്ക് ട്രോഫി സമ്മാനിച്ച് സുപ്രസിദ്ധ പിന്നണി ഗായകരായ ലക്ഷ്മി ജെയനും അരുൺ ഗോപനും നേതൃത്വം നൽകിയ ഗാനമേളയും കുവൈറ്റിലെ പ്രശസ്തരായ കലാകാരന്മാർ അവതരിപ്പിച്ച് വിവിധ കലാപരിപാടികളും അരങ്ങേറി.
ജനറൽ സെക്രട്ടറി വർഗീസ് മാരാമൺ സ്വാഗതവും ട്രഷറർ രാജീവ് നടുവിലേമുറി നന്ദിയും രേഖപ്പെടുത്തി.
|