ഡാളസ്: മലങ്കര ഓർത്തഡോക്സ് സഭയുടെ സൗത്ത് വെസ്റ്റ് അമേരിക്കൻ ഭദ്രാസനത്തിലെ ഡാളസ് സെന്‍റ് പോൾസ് ഓർത്തഡോക്സ് ദേവാലയ കൂദാശ ഒക്ടോബർ ആറ്, ഏഴ് തീയതികളിൽ നടക്കും
മലങ്കര ഓര്‍ത്തഡോക്സ് സുറിയാനി സഭാ മേലധ്യക്ഷന്‍ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവയുടെ മുഖ്യ കാർമികത്വത്തിലും സൗത്ത് വെസ്റ്റ് അമേരിക്കൻ ഭദ്രാസനാധിപൻ അഭി. ഡോ.തോമസ് മാർ ഈവാനിയോസ് മെത്രാപ്പോലീത്ത,
കോട്ടയം ഭദ്രാസനാധിപൻ അഭി.ഡോ.യൂഹാനോൻ മാർ ദിയസ്കോറോസ് മെത്രാപ്പോലീത്ത, നിലക്കൽ ഭദ്രാസനാധിപൻ അഭി.ഡോ. ജോഷ്വാ മാർ നിക്കോദിമോസ് മെത്രാപ്പോലീത്ത എന്നിവരുടെ സഹകാർമ്മികത്വത്തിലും ആണ് കൂദാശ നടത്തുന്നത്.
ഒക്ടോബർ ആറ് വൈകുന്നേരം ഇടവക കൂദാശയ്ക്ക് എത്തുന്ന കാതോലിക്കാ ബാവ, ഭദ്രാസന മെത്രാപ്പോലിത്ത, അഭിവന്ദ്യ പിതാക്കന്മാർ, വൈദിക ശ്രേഷ്ടർ, വിശിഷ്ട അഥിതികൾ എന്നിവരെ ദേവാലയത്തിലേക്ക് സ്വീകരിച്ച് ആനയിക്കും.
തുടർന്ന് സന്ധ്യ നമസ്കാരവും ദേവാലയത്തിന്‍റെ കൂദാശയുടെ ഒന്നാം ക്രമം കതോലിക്കാ ബാവായുടെ മുഖ്യ കർമികത്വത്തിലും, അഭി.മെത്രാപ്പോലിത്താന്മാരുടെ സഹകർമികത്വത്തിലും നടത്തപ്പെടും എന്ന് ഇടവക ചുമതലക്കാർ അറിയിച്ചു.
കുദാശയുടെ തുടക്കത്തിൽ കാതോലിക്കാ ബാവായിൽ നിന്നും ദേവാലയത്തിന്‍റെ തക്കോൽ വികാരി വെരി.റവ. രാജു ദാനിയേൽ കോർ എപ്പിസ്കോപ്പയും ഇടവക ട്രസ്റ്റി ബിജോയ്‌ ഉമ്മനും ചേർന്ന് സ്വീകരിച്ച് മലങ്കര മെത്രാപ്പോലീത്തായ്ക്ക് വിധേയമായി സഭ ഭരണഘടന പ്രകാരം ഇടവക ഭരണം നിർവഹിച്ചു കൊള്ളാം എന്ന് പ്രതിജ്ഞ ചെയ്യും.
ഒക്ടോബർ ഏഴിന് രാവിലെ ഏഴിന് പ്രഭാത നമസ്കാര ശുശ്രുഷയും തുടർന്ന് ദേവാലയ കൂദാശ പുർത്തീകരണ ശുശ്രുഷയും വിശുദ്ധ മുന്നിൻന്മേൽ കുർബാന ശുശ്രുഷയും കാതോലിക്കാ ബാവായുടെ മുഖ്യ കാർമികത്വത്തിലും അഭിവന്ദ്യ മെത്രാപ്പോലിത്താന്മാരുടെ സഹകാർമികത്വത്തിലും നടത്തപ്പെടുന്നു.
തുടർന്ന് 12ന് അമേരിക്കൻ ദേശിയ ഗാനത്തോടെ അരംഭിക്കുന്ന പൊതുസമ്മേളനത്തിൽ കാതോലിക്കാ ബാവ അധ്യക്ഷത വഹിക്കും. അമേരിക്കൻ പ്രസിഡന്‍റിന്‍റെ സന്ദേശം റവ. ഫാ.അലക്സാണ്ടർ കുര്യൻ വായിക്കും.
ഇടവക മെത്രാപ്പോലീത്താ അഭി.ഡോ. തോമസ് മാർ ഈവാനിയോസ് മെത്രാപ്പൊലിത്ത മുഖ്യപ്രഭാഷണവും അഭി.ഡോ.യുഹാനോൻ മാർ ദിയസ്കോറോസ് മെത്രാപ്പൊലിത്ത, അഭി.ഡോ.ജോഷ്വ മാർ നിക്കോദീമോസ് മെത്രാപ്പൊലിത്ത എന്നിവർ അനുഗ്രഹ പ്രഭാഷണവും നടത്തും.
സമ്മേളനത്തിൽ കോൺഗ്രസ് മാൻ കേയ്ത് സെൽഫ്, മക്ക്കിനി സിറ്റി മേയർ ജോർജ് ഫുല്ലർ, സണ്ണിവെയ്ൽ സിറ്റി മേയർ സജി ജോർജ്, ജെഫ് പ്രൈസ് (അസി. ഡെപ്യൂട്ടി ഷെരിഫ് ), റവ.ഷൈജു സി. ജോയ് (കേരള എക്യുമെനിക്കൽ ക്രിസ്ത്യൻ ഫെലോഷിപ്പ് പ്രസിഡന്‍റ്),
റവ. പിമെൻ ആയഡ്(കോപ്റ്റിക്ക് ചർച്ച്), റവ.ഫാ.മാത്യൂസ് ജോർജ് (ഭദ്രാസന സെക്രട്ടറി), റവ.ഫാ. ബിനു മാത്യുസ്(ഭദ്രാസന കൗൺസിൽ മെമ്പർ), റവ. ഫാ.മാത്യു അലക്സാണ്ടർ (യൂത്ത് മിനിസ്റ്റർ), ഫിലിപ്പ് മാത്യു(സഭാ മാനേജിംഗ് കമ്മറ്റി മെമ്പർ) എന്നിവർ ആശംസ പ്രസംഗം നടത്തും. ടെക്സസ് ഗവർണറുടെ സന്ദേശം അരുൺ ചാണ്ടപ്പിള്ള വായിക്കും.
ഇടവക കൂദാശ ചടങ്ങിലേക്ക് ഡാളസിലെ എല്ലാ വിശ്വാസികളെയും ക്ഷണിക്കുന്നതായി ഇടവക വികാരി വെരി. റവ.രാജു ദാനിയേൽ കോർ എപ്പിസ്കോപ്പ, ഇടവക സെക്രട്ടറി നൈനാൻ ഏബ്രഹാം, ഇടവക ട്രസ്റ്റി ബീജോയ് ഉമ്മൻ എന്നിവർ അറിയിച്ചു.
|